(جزء 35 ، في انستا هو 71،72،73)
واحد وسبعين ..
ع الساعه 2:30 خلصت حصه كلاستها
وهي طالعه صادفت قوم عوشه
عوشه بصوت عالي : حصووه شحالج
حصه : اص قصري صوتج ، بخير الحمدالله انتو شحالكم
حمده : بخير الحمدلله، ع وين
حصه : ماشي والله كنت ابا اسير اخذ لي كيمراء تذكرين لي قبل قلت لج عنها
حمده : هي عرفتها ، احسها حلوه حق الفلوقات
حصه : هي يلا نسير رباعه عيل
طلعو وركبو القطار وسارو
طبعا كل عاده سارو سادل لازم ياخذون درينكس اكيد وعقب سارو المحل
بدت حصه تسال الي يشتغلون عن الأسعار ولا المزايا وجي وخذت لها وطلعت ويا البنات وقعدو يحوطون
عند حمد وشما خلصو الريوق وحطوه ع الطاوله ويا ابو شما ونزلت شيخه ع كلام امها وهي تقول : تسلم ايدكم ع الريوق
شيخه : ليش منو مسونه
بو شما : ختج واخوج
شيخه : هي
بدت تطعم الاكل وعفست ويها
ام شما : خير بلاج
شيخه : الله يعز النعمه بس
بو شما انصدم : عيب يا بنتي شو هالكلام بدال ما تقولين مشكوورين وما تقصرون تقولين هالكلام
شيخه : حشى ابويه ما قلت شي بسم الله
وقامت سارت الصاله
حمد : امي ممكن طلب
ام شما : امر يا ولديه
حمد : ودي اطلع وياكم اليوم إذا تبون بنسير نحوط
ام شما : ونحن بعد ودنا متى
حمد : ما أعرف ع الضحى جي نطلع إذا تبون ، عمي بتي وينا
بو شما :لا ياولديه عندي اشغال بطلع سيرو واستمتعو
ام شما حست انه شيخه ما بطيع تسير : بو شما ما عليك امر كلم شيخه عساس تي وينا
بو شما : ما عليج
وطلع عنهم سار جدى شيخه
بو شما : شيخه حمد عازمنكم وامج تباج تين وياهم
شيخه ما رامت ترد طلب ابوها : فالك طيب
وترخص وطلع ...
ثنين وسبعين ...
عند حمدان الي من ايام وهو ويا القضيه ومشاكلها
نش من الرقاد واتصل بحمد
حمدان : هلا شحالك
حمد : بخير الحمدلله، انته شحالك
حمدان : طيبه
