( بارت 31 هو بارت 59،60،61 في انستا)
بـارت تسعه وخمسين ...
شيخه تنرفزت
شيخه: شما ما تفهمين انتي يعني بعد كل هاي السنين عرفنا انه عندنا اخو تخيلي يسوي فينا شي و لا يبا ينتقم منا ما تعرفين ها شخص غريب ما تعرفين شخصيه يعني ما عشتي وياه ، وبس يوم طاحت امي مسوي الولد الحنون يعني
شما: انتي شو ها الكلام تراه اخونا و أنا اعرف حمد انسان زين مستحيل جي يسوي شو ها التفكير الغبي شيخوه وترا حتى هو ما يعرف عنا لا تظلمينه وانتي ما عاشرتيه تفهمين
شيخه: لا ما افهم وسلام ما بسلم بدخل وبقعد لعلمج بس
شما : بشوف وشوفي شو بيستوي
دخلو وهني كانت الصدمه
عنـد حمدان
نش الصبح ع اتصالات من عمه
حمدان : الووو
بوثاني : عنبوه يا حمدان هالكثر رقاد
حمدان : شو مستوي انزين
بوثاني: ماشي مستوي قلت بشوفك وين
حمدان: ف البيت
بوثاني : ياينك أنا الجلسه بتبدأ
حمدان : اي جلسه بعد
بوثاني عصب انه حمدان من يا وهو كله رقاد : والله يا حمدان ان ييت ولقيتك مش جاهز بتشوف شي ما شفته
حمدان : اي جلسه انزيننن
سكر ف ويهه
قام حمدان بسرعه لانه يعرف عمه وتلبس وتوه بيلبس الكندورة دق عمه الباب و عاد هو فوق ركض تحت بسرعه وهو مبهدل بعمره
بوثاني يوم شافه جي نزل العقال من ع رأسه وتوه يا بيضربه شرد حمدان فوق وخلص ونزل
و ابوثاني يتهندق عليه ركبو السياره وسارو
عند المحكمه
كانو عمامه هناك ومن ضمنهم بو راشد وولده كان محمامي
نزل بوثاني ودخلو كلهم
طبعا راشد ولد عمه كان يعرف انه خطأ الي يسويه بس كان يدافع لدرجه محد يتصورها وهذا الي نرفز حمدان اكثر
خلصت الجلسه وحطو الادله ومن هالسوالف ولازم يتريون كمن يوم ع الجلسه الثانيه
وهم طالعين
راشد كان يحاول بأي طريقه ينرفز حمدان قال بصوت عالي
راشد: اونه يدور حق أبوه الياهل
لف حمدان صوبه ومن كثر ما هو متنرفز و راشد زاده بعد على الرمسه الي قالها
ويقوم ويضربه كف ويسدحه
إلا ايي ابوثاني ويسحب حمدان ويطلعه وركبه السياره
بوثاني وهو معصب عليه : يااااهل ياااهل انته تضارب ويا كل من هب ودب وين الحشمه هااا
