«في المساء »
أتصل أسامه علي والد مليكة قائلاً
_ السلام عليكم ورحمه الله، أزيك يا عمي
= وعليكم السلام ورحمه الله ،الحمدلله يا حبيبي وأنت
_ زي الفل ،كنت عاوز أتكلم مع حضرتك في موضوعي أنا ومليكه
= أه مليكة فتخ معايا الموضوع أنكم عاوزين تكتبوا الكتاب بدري
_ أه يا عمي حابب أكتبوا عشان أنا ومليكة متفاهمين الحمدلله وحابب عشان نخلص الضوابط دي بكتب الكتاب
= علي البركه يا أسامه هكلم خالها وعمها وأرد عليك ،لو تمام هبعتلك الميعاد
_ متشكر جداً يا عمي
= عفوا يا حبيبي ،محتاج حاجه
_ سلامتك ،سلام
= سلام
***
كان حمزة وعبدالله يحضرونا بيتهم لأستقبال الناس لمناسبة العقد وكان حمزة يدعو الله أن يكمل هذا الزواج بخير ولكنه وجد جميلة قامت بحظره علي وسائل التواصل
في قام بالاتصال عليها ولا يأتي رداً منها ،فأتصل علي زهره والدتها قائلا:
_ السلام عليكم ورحمه الله وبركاته ،أزيك يا ست الكل يا حماتي
= الحمدلله بخير يا حبيبي ،إيه الدنيا
_ دنيا! دنيا إيه بس بنتك عامله ليا بلوك وكتب كتابنا بعد بكره !
= ليه حصل إيه
_ محصلش حاجه ،أنا مكلمتهاش من الصبح أصلا ،مشغول جدا بتجهيز البيت والعفش بيخش البيت وغير النجار والكهربائي والمعرفش إيه بيكلمني
= الله يعينك يا حبيبي ،أستنى ثواني كدا ..... جميلة يا حيوانه أنتي عامله بلوك لحمزة
: أيوه ياماما ،ماهو مبعتليش من أمبارح بليل ختي رساله وهو عارف أني النهارده رايحه عند الكوافير وبشتري حاجات
_ أدهالي يا طنط زهره ،دي مجنونه أكيد
: سمعتك،سمعتك ،أنا مكنونه يا بني
_ مكنونه ! يا مجنونه ،أنتي عندك وقت تهزري بما يرضي الله
= بس أنتم الاتنين ،روحي اتزفتي فكي البلوك وكلميه ،وأنت يا أستاذ حمزة معلش أستحملها هرمونات عروسة وبتاع
_ حاضر يا طنط ،محتاجه حاجه
= سلامتك يا حبيبي
