باوعت علي يناضرلي وجهاز الاوكسجين بأنفه ودموعه تنهمر على المخده المخده كلها دم من حلكة
رجف حيلي ورحت اركض اله شلت راسه امسح بالدم الي بوجهه شال ايده بخفه مبين علي ملامحه المرض راح عزيز روحي ديتهشم جسمه كدامي ومدا اكدر اسوي شي
اتنفس بسرعه الصعداء وكال بصوت واهن يا دوب ينسمع
-يا روحي انتِ مودعه ب.. الله واه. ا. اهل البيت عليج نحر الحسين تقبلين بشرطي ما راح ارتاح اذا ما امن عليج امُنه صح حنينه بس ما تتحمل مسؤوليتج طول عمري وانه الي شايل مسؤوليتج ولا تحسبين اتعاجز بالعكس سام شرف هذا الي بس يا بعد الروح ويا روحي انتِ امي ما راح تتحملج والله ما عدها كلب الام الي يتحمل
بجيت بعلو صوتي دموعي توكع من خدي على خده وهوه مبتسمه يا دوب يتحرك حلكه مدمر دم وهوه مبتسم واسنانه البيض واضحه بيها اثار الدم
_شلون يا عزيز روحي انتَ شلون تأمني يم غربه
_عزيزه روحي هم كالولي عدك يمنه فضل ولازم نرده وانه ما بقالي شي حلفتهم بالله واهل البيت يصونوج لحد متخلصين الجامعة وتصيرين محاميه يا بعد طوايفي ولو ردت انه الي البسج رداء المحاماه بس يالله ربج ما كاتبها مودعة بالله يا بعد روحي ولا تنسين هاي امانتي بركبتج واكو صندوك جوه جربايتي طلعي وعليج كل حرف بالقرأن من تاخذبن شهاده التخرج بأيد بالأيد الثانية يالله تفتحين الصندوك احبج يا بعد عيون اخوج...
كال هاي الكلمات وبده يغمض عيونه وهوه مبتسم حركته بقوه واصرخ كانوا راح يسمعني
لا لا ولكككك ياااا عزيز الروححح بعددد وكتتت والله بعدددد وكتتتت كومم عينيي كوممم منووو يعينييي على شيلتك وانتَ جنت ساند حيلي بحيلككك لااا خويه لاااا
انفتح الباب ودخلت امي اول ما شافت حالته وكعت بالكاع صافنه على مكانة وهوه عيونه بعد تنفتح وتنغلق
ابتسم ابتسامه متعبه ونطق اخر كلمه قبل لا يختفي صوته الحلو
