بسم الله الرحمن الرحيم
-
صلوا على سيدنا محمد وعلى آله الطيبين الطاهرين
-
رواية: دابرة الشطر "الرأيس"
للكاتبة: سوس الشمري
--------------------------------------
راح أصبُر بدونك
وأرهم بليّاك
وأذبح رمش عيني
الچان يبچيلك
واتحمّل عذابك
والبُعد والشوگ
وماحط صورتك
گدامي واشكيلك .
-------------------------------------------------------------
(تغاضوا عن الاخطاء الاملائية ان وجدت🔥)
(قراءة ممتعة جواهر روحي)
_____________________________________
مينان:
وكفت السيارة كدام بيت انصدمت من جماله اقل ما يقال عنه فخم يجنن التفتت على كُميل فاتحة حلكي
مينان: كُميل متأكد بيت صديقك لو بيت عصابجيه
دمغني على راسي وضحك بخفه
كُميل: شدخل العصابجية يا مسودنة
مينان: مو همه بس العصابجيين عدهم هيج بيوت
كُميل: لا يالمخبلة شنو الربط بس هذا بيت السادة فـ اكيد يكون بهالشكل
مينان: سادة؟؟
كُميل: اي بيت عائلة فَـهد الموسوي
مينان: الله الله مين تعرف هاي الناس ولك كُميل اعترف اعترف
وطبعا اكلت الدمغة الثانية عفيه رجال حاطينه بس يدمغ
كُميل: صديقي من الجامعه فـ لا تهوبزين
عوجت حلكي وكلت
مينان: اوييي مين لكوك هيج اصدقاء يمه
كُميل: نجبي عزيزتي وامشي كعدي ذول الي ذبوها مواته وره
درت وجه اباوع ضرغام وحيدر ضرغام نايم على رجل حيدر وحيدر حاط راسه على راس ضرغام وفاقدين
مينان: اوييي راح اكلهمممم
كُميل: هجم بيت المياعة
مينان: بالله الكريم انتَ هم لو ضرتي متسوي سوايتك
كُميل: وخبل انطيج لواحد متزوج اختي ما يستاهلها غير الزين وابن الاصل
كزكزت علي طفرت ابوس بوجهه شفطته شفط
مينان: اوي شلونن اخوو ينكرطط يربيي
دفعني بخفه يضحك
كُميل: وجهي اريده مو حتى مشك اتبوسين لو تشفطين الواحد
ضربته على كف ايده ونزلت من السياره اكعد الاثنين الميتين نزلنه كلنه وراح كميل كدامنة يفتح الباب
أنت تقرأ
دابرة الشطر "الرئيس202"
Hành độngاتَتشوق لمعرفتي انا دابرة الشطر وانت المَسكين صَاحب الـ 202 يوم فهل استمتعت بأيام الوداع لسنينك الضائعة.
