دابرة الشطر "الرئيس202"

الســــــــادس عـشر ¹⁶

بسم الله الرحمن الرحيم

-

صلوا على الحبيب المصطفى محمد وعلى آله الطيبين الطاهرين

-

رواية: دابرة الشطر "الرئيس202"
للكاتبة: سوس الشمري

-------------------------------------------

هلمرة گلبي مِن الوجع نَام
واسمَع ونين يَدك بالعظام
مدري شكثر من التَعب ضَام
أريد احجيلك العَندي ومحتَار
مَن ياوجع أبدِي ؟

--------------------------------------------
(تغاضوا عن الاخطاء الاملائية ان وجدت)

(قرائة ممتعة نسواني النچرة🔥)

--------------------------------------------

وتين: 

مر اكثر من اسبوع بقيت بالمستشفى من التعب والدواء الي ياخذ الحيل مو جرعة كيمياوي لا تحسة تيزاب يدخل لجـسدك ضفيرتي على الميز الي بصفي

نايمة على السدية عيوني للسكف صافنة بيا دنيا وكعت وبـ يا حيل احمل وجعي بعد وين اروح وانة من كل صوب غريبة كل كتر اندار الة الكة روحي غريبة بنص ديرة كرايب

عرفت عمة تبارك عاقدة عقد سيد وية عمو شاهر ما اهتميت لان كان مبين من البداية وسالفة العدة هيه اصلا خلصانة عمة تبارك سنة كاملة ما مخلية اسعد يتقربلها فـ بهاي الحالة ما تحتاج عدة

اليوم موعد خروجي تعافيت من السرطان بنسبة 80 بالمية والحمدلله على كل حال

تبارك: يمة وتين خلي نجيبلج كرسي متحرك وين بيج حيل يا امي تمشين

وتين: عادي اريد امشي تعبت من الكعدة

هزت راسها عمة تبارك مستهضمة من برودي بس ما بيدي شي حيلي باد روحي طفت ما احس اكو شي مهم يستاهل اعيشة بعد

لازمتني عمة تبارك ونرجس يمشوني للباب بطلاع الروح يالله وصلت صاير عندي خدر بسبب الكعدة المستمرة واطرافي خدرانة تحتاج امشي

صعدت بالسيارة لـيورة وصعدت يمي عمة تبارك ونرجس وبالصدر شاهر وام نرجس وورانة اراي بـ دراجتة

ركيت راسي على الجامة اباوع للناس

- هل يا ترى راح يجي يوم ترجع الي روحي الطبيعية لو راح ابقى وتين الباهتة الي ما تتكلم اكثر من كلمتين باليوم هل راح ارجع وتين الي تضحك وتسولف لو راح ابقة قطعة جليد خالية من المشاعر ما بيها غير البرود والتعب وعدم الاهتمام ونضرات البرود