ذعر ألترصد

إعلان+مُقتطف🔴.

#أختلاس ذُعر (ألترصُد)
بقلمِ: شهرزادِ

بسَم اللهِ الرحمن الرحيم
البداية 2024/7/27

هِل أنتَ مُستعد لتدخل معنا فيَ عُمق الجوىٰ
في بدايةِ الاحداثِ الغامضة والمُشوقة ونجري
سويًا نحو الأستكشافِ لنعلم أواخرِ الاحداث
وسرِ هذهِ الرواية إذا كُنت مُستعد عزيزي القارئ
أمسك بيَدي لنستكشِف الآتي أهلاً بكُم

قِبل لا نبدأ بكُلشي عزيزاتي أريد منكُم تنشرون
مُقتطفات الرواية ؏ التيك توك و؏ الأنستا

ولا تنسون
التعليق بين الفقراتِ+ التصويت للرواية حتى
تصعد 🤎.

ـــــــــــــــــــــــــــــ♦♦♦♦♦♦♦♦♦ـــــــــــــــــــــــــــ
المشهد الأول
دا أمشي وأسمعهم يم الباب يتهامسون
مفتوح شوية الباب وأنـي ورا أسمع شديحجون
لفت مسامعي وعيوني وجسمي كُله كلامهم

-: أريدچ ترتبيها زين كلش وتلبسيها خوش لبس
والاسبوع الجاي أسلمه الها
-: بس بعدها طفلة منستفاد منها خليها
على الأقل تكبر وشوية نستفاد

-: هوَ يحب البنات الصغار ويريدها من أول يوم شافها تبيع ماي وهيَ حلوة اني اطمع بيها تردينه
هوَ ميطمع بيها

-: لعد خوش اني الاسبوع الجاي يم رجليك
بس شكد السعر الدفعة

-: خمسة وعشرين مليون

-: مبلغ دسم

أني اسمع ورجلية وسنوني يطگطكن عرفت يقصد
هذا الرجال الاصلع الي شافني ابيع ماي وگام
يذب حجي كمت أرجع بكُل قوتي شوننننن هيچ شون وبعد هذا الي سمعته قررت قرار ياريتني
خاضعه للواقع ولا قررته

...
ــــــــــــــــــــــــــ♠♠♠♠♠♠♠♠♠ــــــــــــــــــــــــــــــــ
المشهد الثاني

ألبس الملابس وأدية ترجف كأنها تُعرف الي راح يصير بيَ طلعت البيت أظلم وهدوء وماينسمع
غير شخيرة العالي فتحت الباب وأني الخوف
مو طبيعيييي بس فتحت الباب رگضتتت
وأحس واحد كاعد يتبعني اتجاهلت شعوري
لمن التفتت لكيت اخر شخص اتوقعه هذا وحش
على هيئة بشر قذذذررر بقيت اركض وهوَ يركض وراي والشارع فارغ

ميكدر يصيح لأن ناس نايمة واني بعيدة عنه
بقيت اطب بالفروع ولازمه بيدي فلوسسس
هواي اطب منا ومنا اخر شي ضيعته رفعت راسي
وأني الهث من التعب بس انتبهت اني وين دب
الخوف بگلبي اني بدربونة طويلة حيللل وضيگة
وريحة الشرب والخمر الي بيها

يخليني كُلساع استفرغ ركضت اتخلص من المكان
وفجأة لكيت روحي بمكان جبير محلاته معزلة
وسيارة ضواها ساطع متجهة كُل دنگت وضميت
روحي من بيت الصناديق الأمامي أكو فتحة صغيرة باوعت بيها نزلو من السيارة ثلاث اشخاص
لابسين اسود وجهم طالع بس خشمهم وحلگهُم
مغطي