ضحية عشق

البارت الخامس و العشرون

25
اتصدموا كلهم من الكلام الي حسن قاله و نغم كانت اكتر واحده مصدومه فيهم
بصت نغم لخالها و قالتله
نغم...ايه الكلام الي حسن بيقوله دا يا خالو ؟؟!!!
انت كل دا كنت بتساعدني عشان تاخد ورثك في البيت!!!!!!
اتوتر خالد جدا و قالها
خالد...نغم متصدقيهوش دا عيل حيوان كل الكلام الي قاله دا كذب
بصله حسن بغضب و قاله
حسن...انت بتكذب ليه لا بقى انت قولتيلي الكلام دا و قولتلي ان القصر دا من حقك انت و امي
شهقوا كلهم بصدمه لما قلم نزل على وش حسن من خالد
بعدت صباح ابنها عن خالد عشان ميضربهوش تاني و خالد الي اتكلم بغضب كبير جدا و قال
خالد...انت اييييه بتظلم خالك و تقول كلام انا مقولتوش عشان تزعل البت مني يا حسن!!!!
بص لنغم و قالها
خالد....لو كان كلامه صح يا نغم مكنتش انا بنفسي اقولك ادي لنفسك و شوفي حياتك لو كان كلامه صح مكناش لحد دلوقتي بندور على الورق الي يثبت ان دا بيتك و كنت قولت خلاص مش مهم و خدتك عيشتي معانا في بيتنا...مكنتش قولتلك متسيبيش بيتك ليهم و افضلي موجوده لحد م نثبت ان دا بيتك
بص لحسن و قال بغضب
حسن...اما حسن دا عيل كداب
نزلت دموع نغم و هي حسه انها مش فاهمه اي حاجه مش فاهمه مين الصادق و مين الكذاب ولا عارفه مين بيحبها و مين موجود عشان البيت
نغم...عن اذنكوا
و طلعت على اوضتها و شيرين طلعت معاها هي كمان عشان متسبهاش لوحدها و هي في الحاله دي
اما خالد ف قال لحسن بعصبيه و زعيق
خالد....غووور اطــلــع بــرا الــبــيــت دا يــا حــســن ...بــرااااا
.............
في اوضة نغم
كانت قاعده بتعيط جامد و هي حسه ان كل الي حواليها بيكرهوها و مبيحبوهاش
و شيرين كانت زعلانه عليها جدا
شيرين...خلاص يا نغم اهدي حسن دا كذاب اصلا
قالتلها نغم و هي بتعيط
نغم...انا مبقتش عارفه مين الكويس و مين الوحش يا شيري
شيرين...اهدي يا حبيبتي دا عيل كذاب بابا لو كان فعلا عايز القصر مكنش اقنعك انك تدي فرصه لنفسك انك تتجوزي واحد كويس و اهله بيحبوكي كأنك بنتهم  و كان جوزك حسن تاني الي كان اي حاجه يضربك و يزعقلك صح ولا ايه و بعدين بابا عمره م يبقى زي عمتو صباح مبتفكرش غير في الفلوس يا نغم
هزت نغم راسها و هي بتقول
نغم...انا عارفه يا شيري
.............
عدى كام شهر كانت نغم تعبت فيهم من موضوع البيت الي لحد دلوقتي مش لاقيين اي دليل واحد يثبت ان دا بيتها
قررت تنسى الموضوع و تشيله من دماغها و متركزش غير في فرع الشركه الي بتديره الي بقى انجح فرع في سلاسل الشركه كلها
خبط الباب
نغم...اتفضل
دخلت السكيرتيره و قالتلها باحترام
هبه...مراد بيه برا يا نغم هانم
هزت نغم راسها و قالتلها
نغم...خليه يتفضل
هبه..حاضر بس كنت هستأذنك بس اني هروح اصلي عشان لو طلبتيني و اتأخرت عليكي
ابتسمتلها نغم و قالتلها
نغم...اكيد بس خلي بالك عشان خلاص المغرب قرب يأذن و مينفعش تأخري العصر كدا
هبه...معلش الوقت سرقني
نغم...ولا يهمك يلا
ابتسمتلها السكيرتيره و خرجت و مراد جيه
قعد على الكرسي الي قدام المكتب و قال
مراد...مبقاش حد ناجح في شغله غيرك ولا ايه
ضحكت نغم و قالتله
نغم...تقريبا كدا
مراد...يا مغروره
ضحكت نغم و هو قالها
مراد...طيب خلصتي الشغل
هزت نغم راسها و قالتله
نغم...ايوا الحمدلله
مراد...طيب تعالي بقى عشان المفاجأه الي احنا محضرينهالك
نغم...يا مراد انا مبيفرقش معايا اعياد الميلاد بلاش تكلفوا نفسكوا عشاني
مراد...لا م انتي لما تشوفي الهديه هتفرق معاكي انا متأكد
ضحكت نغم و خرجوا
............
كانت هيام قاعده زعلانه اوي و خايفه جت شيرين و هي بتقولها
شيرين...مالك يا مامي
هيام...مش عارفه يا شيري ردة فعل نغم لما تعرف هتبقى عامله ازاي
شيرين...بصراحه انا اول م عرفت اتصدمت ربنا يكون في عونها بقى
هيام...دي مش بعيد تزعل مني يا شيري و متكلمنيش
شيرين...متخوفينيش... نغم عاقله و مش هتعمل كدا
اتنهدت هيام و قالت
هيام...خير ان شاء الله
شيرين..اومال بابي فين
هيام...بابي سبقنا على هناك عشان يتأكد ان كل حاجه جاهزه
خدت شيرين شنط الهدايا و قالت لمامتها
شيرين...طيب يلا يا مامي عشان منتأخرش زمان مراد و نغم اتحركوا من الشركه
هزت هيام راسها و قامت هي و شيرين مشيوا
...........
عدى وقت كان مراد و نغم وصلوا
بصت نغم للمكان الي كان متزين بشكل جميل اوي بالورود و كان فيه سفينه مكتوب عليها اسم نغم بشكل جميل جدا
مكنتش مصدقه من كتر جمال المكان و الورود و كل حاجه
نغم...المكان جميل اوي يا مراد بجد
ابتسم مراد و قالها
مراد...انا عارف انك بتحبي النيل و الورود ف جبتك هنا ...و بصراحه خالو هو الي اقترح عليا الفكره دي
بصتله بفرحه كبيره و قالتله
نغم...هو خالو موجود هنا؟!!!
هز راسه بتأكيد و قالها
مراد...خالو و هيام هانم و شيري كمان
قالتله نغم بفرحه
نغم...بجددد!!!!
مراد..في حد تاني موجود هنا
قفلت حواجيبها باستغراب
نغم...مين؟
مراد...مقدرش اقولك دي المفاجأه
هزت نغم راسها و قالتله
نغم...حد جالي مخصوص يعني؟؟!!
مراد...ايوا حد انتي بتحبيه اوي و كان نفسك تشوفيها من زمان
حست نغم انها هتعيط من كتر التفكير و قالتله و هي خلاص هتموت من كتر فضولها
نغم...يا مراد قولي بقى
ضحك عليها و قالها
مراد...احنا ممكن نطلع السفينه و هتعرفي وقتها
نغم..طيب يلاااااا
و راحوا للسفينه و هي هتموت و تعرف مين جالها
ضحك عليها و هو بيتمنى انها تتقبل فكرة وجود الشخص دا و متبقاش زعلانه
..............
اول م طلعوا السفينه لقت خالد و هيام و شيرين و فرحت اوي بوجودهم و هما فضلوا يدعولها ان حياتها تبقى احسن من الاول و ان فرحتها تدوم
ادولها الهدايا و هي من كتر فرحتها عيونها دمعت
مراد...دلوقي جيه وقت المفاجأه يا نغم
بصت نغم لخالها و قالتله
نغم...انا عايزه اعرف مين الي جيه هنا عشاني مخصوص يا خالو
ابتسملها خالد و قالها
خالد...بس عايزك تعرفي ان المفاجأه دي اتأخرت شويه غصب عنها هي لو كان عليها كانت تيجيلك من بدري اوي يا نغم
قفلت نغم حواجيبها و قالتله باستغراب
نغم...هو في ايه انا مش فاهمه حاجه؟
مراد...بصي يا نغم احنا مش عايزينك تزعلي خالص انسي الزعل و فكري في حياتك الي جايه و بس
قلبها دق جامد من كتر خوفها من المفاجأه الي بيقولوا عليها دي
كلهم قالوا في صوت واحد....تعالي يا مفاجأه
وقتها فضلت نغم باصه على الباب مستنيه تشوف مين الي جاي
قفلت حواجيبها بصدمه و استغراب لما لاقت واحده وشها منور و محجبه باين عليها انها طيبه  جايه ناحيتها
فضلت نغم تشبه عليها  و هي حسه انها تعرفها من كتر تفكيرها في انها تعرف مين دي جالها صداع
وقفت الست دي قدام نغم و هي بتبتسملها بحب كبير اوي و بتقولها
-.وحشتيني يا نغم
ابتسمت نغم بمجامله و هي قالتلها
نغم..انا اسفه بس مش واخده بالي  حضرتك مين؟؟
زعلت جدا من السؤال الي كانت متأكده انها هتسمعه منها
اتكلم خالد بطريقه غير مباشره عشان يعرف نغم مين الست دي
خالد...خدي يا هيام احلام و نغم و فرجيهم على المكان
اول م سمعت اسم " احلام "
برقت بصدمه كبيره و هي باصه لأمها و دموعها نزلت لوحدها من كتر صدمتها
رجلت خطويتين لورا و هي بتقول بصدمه
نغم...ماما!!!! ووووو
يتبعععع
ضحية عشق
بقلمي مريم احمد
سبحان الله و بحمده سبحان الله العظيم
استغفر الله العظيم و اتوب اليه