كنت احسب انك سيفي اذا ضقت اناديك ... اثر البلا سيفي هو الي طعني

البارت الثاني❤️

يوم جديد
في احد الشوارع عند تركي بذات

... هيه يا ابن حازم
تركي: نعم ومين انت
... اسمع ماعليك انا مين بس في شي ابي اقوله لك واسمع زين 
تركي: خير ان شاءلله وليه تتكلم معي بذا الاسلوب
... مو شغلك واسمع لازم ذي القضيه ما تنجح سمعت
تركي: بصدمه عفوا وليه حتى ما اخليها تنجح
... انا قاعد احذرك الحين ان نجحت ما تشوف خير سمعت يا ابن حازم
تركي: لا ما سمعت وهذا شغلي وبخليها تنجح وعلى مابخيلك اركبه
.... اقول بلا شوفت النفس ذي لان مو من صالحك تقول كذا
تركي:وانا قلت لك بخليها تنجح واكسب القضيه وش بتسوي
... بتشوف وش باسوي  بعدين والحين انا جيت ونبهتك وحذرتك وانت بكيقك
تركي: ايه لان ذا شغلي و اكيد بخليها تنجح
عصب ومشى وهو ناوي على شر لتركي
اما تركي اللي ماهو فاهم شي وليه ذا الرجال يبيه يخلي القضيه ماتنجح فكره تجيبه وفكره توديه لكن ما فكر في الموضوع كثير ومشى على شغله وقضيته الا مصر انه يكسبها و يشوف ذا الرجال وش يبي منه ومن ذي القضيه بذات لانه اول مره احد يقول له ذا الكلام وشغل سيارته ومشى للمحكمه ولا انتبه للشخص اللي وراه و يلحقه....
.....................
عند غرور بالمستشفى
كانت بغرفة العمليات تجري عمليه لاحد المرضى
دخلت ابتهاج وخلود مكتب غرور ينتضرونها 
ابتهاج: يوه ما احب روحة المستشفى
خلود: بضحك وفيه احد يحبها
ابتهاج: انا بطلع اشم شويت هواء
خلود: بضحك اطلع واهربي ادري مرح تنتظرين لين اخلص
ابتهاج: عن العياره بتنتظرك برا بس هنا لا
خلود: طيب طيب أمري لله
طلعت ابتهاج برا المستشفى
....................................

وفي بيت حازم...

حازم: اقول يا ولد ي منصور وينه ذا الولد
منصور: هلا هلا يبه سم
حازم: ساعه وينك ما تسمع وانا اناديك
منصور: سم سم يبه اسمعك
حازم: طلع تركي
منصور: اي طلع قبل شوي ليه تبي منه شي يبه
حازم: كنت ابيه في موضوع بس ما لحقت عليه معليه لما يجي بكلمه
منصور: عسى ما شر يبه وش تبي فيه
حازم: كنت بسأله  عن قضيته وش سواا فيها
منصور: اهااا ما عليك يبه اليوم كان طالع مستعجل يبي يخلصها
حازم: يلا خير الله يوفقه
منصور: امين بغيت شي
حازم: لا لا بدخل اريح شوي
منصور: زين يبه
......................................
وعند تركي اللي كان مستعجل لانه شبه متأخر وجواله اللي من ساعه يرن ولا اعطاه اهميه وهو قاعد يسوق
وفجاه انتبه لشخص اللي كل ماله يقرب من سيارته وهو يحاول يتجاوزه لكن ما فيه فايده كل ما تجاوزه يلحقه اكثر ويزيد بالسرعه
تركي: وشبه ذا انهبل ليه يسوق كذا وليه قاعد يلحقني
واخذ جواله وهو يرن ويشوف مين المتصل طلع (اخوي منصور)
فجاه بيرد وطاح الجوال عند رجله وما انتبه اللي بسياره اللي ضربت فيه انقلبت سيارته وفجاه طلع منها وهو طايح على الارض مغرق بدمه...

..................................................
ببيت ابو سعيد بالمشب
ابو سعيد: سعيد ي ولد اسر متى ناوي يتزوج ما كأنه طولها وهيه قصير
سعيد: يبه الولد لسه مو مستعد وعنده شغل إذا احنا بالبيت ما نشوفه اشلون تبينا نزوجه
ابو سعيد: يتزوج وينعدل ويعرف يقضب بيته
الجده صيته :اترك ابو سعيد خله ع راحته والبنت مو طايره
ابو سعيد: الا بتطير وانا سامع ناس يقلون إذا ما يبيها يبون يخطبونها
دخل عليهم يبوس راس جده وجدته وابو
اسر :سم يبه سمعت انك تبيني أمرني
سعيد : طالع وانا ابوك؟
اسر: اي يبه عندي بلاغ بشوف وش قصته بغيتني
ابو سعيد: انا الا بغيتك
اسر: سم يبه أمرني
ابو سعيد: متى ناوي تكمل زواجك
اسر: يبه مو وقته وانا مو مستعد
ابو سعيد: وانا ابن ابوي وش الا مو مستعد انت مره
غمض عيونه اسر وبدأ يستغفر وطلع
صرخ ابو سعيد: لك ثلاث شهور ان ما تزوجة بنت عمتك لا انت حفيدي ولا انا جدك
سعيد: يبه وش هالكلام وش الا ثلاث شهور حتى بيت الولد ما عنده
ابو سعيد: هذا البيت شكبره وش له بيت وهذا البيت فاضي
هز راسه سعيد بقلت حيله من كلام ابوه
...........................