كنت احسب انك سيفي اذا ضقت اناديك ... اثر البلا سيفي هو الي طعني

part14❤

وفي المخيم "

والدنيا ليل والكل نام وتركي اللي ما جاه النوم جالس لحاله وباقي العيال نايمين ويفكر ويهوجس مع نفسه

تركي: يا ترا لو قلت لها اني احبها وش بتقول وايش رح تكون ردت فعلها هل عندها مشاعر لي هل تبادلني نفس الشعور والمشاعر والاحساس ويفكر وكلام كثير ولا حصل له جواب
واسر اللي انقلب وشافه جالس ويقوم واتجه له بعد ما شاف باقي العيال نايمين

اسر: تركي ويش مصحيك وش فيك
تركي: بسم لله الرحمن الرحيم وش صحاك انت انا مو جايني نوم
اسر: ليه وش فيك صاير شي
تركي: مدري ياخي افكار توديني وتجيبني ولا لقيت لها جواب وعجزت انام وانا افكر
اسر: ويش ذي الأفكار ايش تفكر فيه
تركي: يا اخوي انا حبيت وخايف
اسر: اسلم اسلم والله وصار يحب المحامي
تركي: والله وحبيت يا اسر بس مدري ومو متاكد ويش بيصير
اسر: كيف يعني وبعدين مين اللي داعية لها امها
تركي: انا حبيت الدكتوره غرور بس خايف ما تكون تبادلني نفس الشعور
اسر: كنت حاس انها هيه والله وعرفت تختار
تركي: ايي والله انها ما خذه قلبي بس خايف من ردت فعلها اذا عرفت
اسر: وليه تخاف انت مو بيدك اذا حبيتها وبعدين شعرفك انها ما تبدلك نفس شعور
تركي: مدري بس
اسر: بلا بس ولا شي لا تتشأم ذي اول مره المحامي تركي يحب خلنا مبسوطين
وتركي اللي يضحك على اسر من كلامه معه بس فيه جواته خوف انه يخسر غرور وتطلع ما تبدله نفس مشاعره اتجهها
اسر: زين والحين ويش بتسوي
تركي: مدري
اسر: ويش مدري اسمع انت روح وقول لها انك تحبها اعترف بمشاعرك لها وبتعرف اذا هيه تحبك ولا لا وتعرف جوابها
تركي: قولتك اعترف لها وبس
اسر: ايوه قول لها وشوف ردت فعلها
تركي: مدري يخوي احس خايف
اسر: لا تخاف ولا شي انت قول لها وان شاءلله خير
تركي: شورك وعلى الله بس ويش بيصير بقلبي لو رفضتني
اسر: لا لا اكيد مارح ترفضك وين تحصل محامي وشخصيه وفارس ويش تبي بعد
تركي: ياخي ههههههههه
اسر: اي وانا صادق خلك كذا ايوه اضحك
تركي: عاد حتى انت شايفك مع ابتهاج ثنائي رائع
اسر: اي عقبالك انك تصير ثنائي رائع مع حبيبت القلب
تركي: الله يسمع منك بس
اسر يضحك عليه قوم قوم خلنا ننام بيصير الفجر ورنا رجعه الصباح
تركي: اي وانت صادق ومعليش صحيتك انا صح
اسر: لا انا كنت صاحي وشفتك جالس لحالك وجيتك
تركي: زين يلا يلا اللي قلته لك الحين يضل بيننا لين اشوف الوقت المناسب واعترف لها
اسر: زين زين امش يلا
ورجعو اماكنهم وهم يضحكون وكل واحد انسدح مكانه ويحاولون ينامون قبل يطلع الفجر
............................
وفي الصباح
واخر يوم في المخيم"

والجد اللي صحي وصحا العيال ومن بعدها الكل صحي
الجد: يلا يلا قومو اخلصو عشان تخلصون باقي الاغراض ونفطر ونمشي
العيال يلا يا جدي صحينا صحينا
الجد: يلا قوم تحرك انت وياه
العيال بصوت واحد ابشر ابشر