كنت احسب انك سيفي اذا ضقت اناديك ... اثر البلا سيفي هو الي طعني

البارت الخامس ❤

في بيت حازم..
حازم: اقول يا ام تركي
وهيه في المطبخ سم
حازم: سم الله عدوينك الا بسالك كيف شفتي حالت تركي
الام: الحمدلله احسن وكان يبي يطلع المحكمه اليوم بس حلفت عليه لا يروح الحين ويضل يومين زياده عشان ما ابيه يتعب نفسه
حازم: زين ما سويتي هو اصلا مايصدق تجي الفرصه عشان يطير ولا يرحم نفسه شوي
الام: اي والله الله يهديه ويوفقه شغله ويحبه ويحب يكون مشتهد فيه
حازم: ايه معك ما اختلفنا بس يضغط نفسه في الشغل زياده
الام: معليه هو ادر بنفسه وتعبه واذا هو مرتاح كذا مو مشكله وحنا كلنا عنده
حازم: زين زين ويش صار على القهوه
الام: يلا يلا جاهز
حازم: تسلم يدينك الا نوره وينها ما تساعدك
الام: في غرفتها معليه خلها معها شغل وانا ما حبيت ازعجها
حازم: زين ناديهم يجون يوقعون معنا مو كل واحد بغرفته
الام: ابشر الحين اناديهم
وقبل لا تمشي الا كلهم واقفين قدامها
منصور اللي سمع كلام امه وطار على السريع يجيب اخوان تركي ونوره وباسو راس امهم وابوهم وقعدو كلهم على القهوه
...............................................................
وعند البنات بالحديقة
اللي اجتمعو كلهم وقاعدين ياخذون ويعطون مع بعض بسوالف ومزون اللي مو طايقه ابتهاج بالمره وتناظر لها من فوق لتحت ويع ذي ابتهاج اللي يقلون عنها لا وتشتغل بنفس مكان اسر عاد من زينها ما تنبلع مدري على وش خلود تحبها وما تشوف الا هيه ودايم تتكلم عنها
غرور: وهيه تدق كتف خلود وتهمس لها الحين ذي خطيبت اخوك اسر
خلود: ايه شفيها
غرور: هااه لا لا بس اسال احسها ما تطيقنا وبذات ابتهاج من اول اناظرها وهيه عيونها على ابتهاج تقول مو عاحبتها
خلود: يووووه يا غرور اسكتي لا تسمعك الحين ابتهاج وتبدا معها تحقيق ليه تناظرها كذا
غرور: اي الله يعين ويعدي ذي الجمعه على خير احس بيصير شي  من ذا الجو
خلود: لا لا معليك ان شاءلله مايصير شي
و ابتهاج وهيه تشوفهم يتهامسون اقول انتي وياها وش عندكم علموني
غرور: سمي لا ياقلبي مافيه شي
ابتهاج: بحاول اصدق
خلود: ايه صدقي مافيه شي
وعد: اقول خير ما تسوالفون زي الناااس جايبني ونناظر في وجييه بعض كذا سلامات كان قعدت بالبيت احسن
كلهم هوب اصبري شفيك
وعد: مدري عنكم قاعدين كذا
ابتهاج: وهيه صادقه يلا جيبو لنا سوالف
مزون: انتي اسكتي من زين السوالف
ابتهاج: ليه يعيني مو عاجبتك
مزون: لا انتي كلك على بعضك مو عاجبتني
وابتهاج: اللي وقفت وليه خير ان شاءلله
مزون: كذا ما تنبلعين
ابتهاج: والله حبيبتي ماقلت لك ابلعيني

و مزون اللي قاعد ترمي الكلام طالع نازل وتسب  ابتهاج
وابتهاج اللي ما ترد كلام والبنات اللي يحاولون يهدون الوضع بينهم بس ابتهاج ماعد قدرت تمسك اعصابها ونطت على مزون ووو.
.................................................................
وفي بيت ناصر...

وهم قاعدين في المشب ويشربون الشاهي
مناير: اقول مو ابتهاج تأخرت خايفه صار معهم شي لا سمح الله
ناصر: معليه لا تخافي عليها هيه الحين صار كبيره وهيه مو لحالها صديقتها وبنات عمها معها
مناير: ايه ماقلت شي بس حتى لو صارت كبيره بضل اخاف عليها
ناصر: يا ام فهد الله يهديك لا تطولي السالفه وهيه قصيره مو صاير لها ان شاءلله وشوي وهيه عندك
مناير: ان شاءلله الله يسمع منك
ناصر: قاعد افكر اعزم اخوي عناد بكره عندنا على الغداء  من زمان عنه
مناير: اي زينت العقل اجل دق عليهم الحين وعطهم خبر بكره الغداء عندنا
ناصر: يووه احبك لما تتفقي مع كلامي وتشجعيني عليه اكثر
مناير: بخجل خلاص عاد قلت اللي شفته مناسب
ناصر:يضحك عليها زين الحين ادق عليه هو يخذ الجوال ويدق
......................................................
وعند الاخ الثاني عناد و زوجته منيره في المشب ومعهم ديم اما غرور طالعه مع البنات