ابو مطلق يجهز عزبته كالعاده
ام مطلق جالسه تتابع مسلسلها البدوي بالصاله
بنتها رجوى عمرها17
تمشط اختها الصغيره رهف. اصغر العايله عمرها10
امي علامك ماصرتي تحطين لنا حناء شوفي شعرها تغير
طالعت امها
اسكتي خليني اركز بالمسلسل
دخل ولدها فيصل مستعجل عمره 15
ابوي يقول وين البدره حقت المويا وين حطيتيها؟؟
طالعت. رجوى
انا ماشفتها
طالعت امه
ول ياابوك هذا اشغلنا
وراحت له
وش فيييه كل شوي جيبوا جيبوا
قال البدره عبيتها البارح ماء وحطيتها بالحوش وين راحت
قالت ماشفتها؟
قال اعوذبالله من الشيطان الرجيم
والا هذا ولده خالد عمره 19
داخل ومعه اغراض من البقاله
ابوه معصب يطالعه
عزالله انك الولدالوحيد اللي مافيك فايده
اخذت امه الاغراض منه
ادخل تروش وغير ملابسك
طالع فيصل لقيتوا اغراض ابوي
قالت امه تلقاه حاطها بمكان وناسيها
قال لااله الاا الله بس
دخل خالد وهذالولد مسحوب عليه وهوطيب وحبوب
قامت رجوى تعاتبه انت برى البيت وين دورك
طالع فيها
انا كل واحد يهاوشني من جهه رحت اجيب اغراض لامي من البقاله
قالت ابري يدور البدره حقت الماء وينها لنا ساعه ونص ندورها
ضحك بسخريه
ابوي امس عطانياها وقال علقها بمرايه الجيب عشان مانساها
😩😩
قالت ببرود طيب هو من اليوم يدورها بلغه
ابوه معصب وشايل على البيت كله هذاانا حاطها بالحوش من الي اخذها
طلع خالد بوجهه
ابوي انت امس عطينني اياها احطها عاباب الجيب
انصدم ابوه
هاه. ايه ايه صح نسيت اعوذ بالله
طالعت فيه ام مطلق الله يخلف عليك بس
مع فجر يوم الجمعه
طلع ابو مطلق وابو بدر وابوسلمان مثل عادتهم للمقناص
وهم بطريقهم
مروا قريه تابعه لمنطقتهم
ناظر ابو مطلق
مااشالله هذا سوقهم اليوم (البسطه)
قال ابو بدر
نبي نمر نشتري لنا سمن وأقط
قال ابو سلمان
ايوالله ترى اللي معانا شي بسيط
قال يالله نبي نميل عليهم
في الجانب الثاني تجلس ام راكان المعروفه بسمنها الطيب وشغلها اللي كلن يسولف فيه
وقفوا سيارتهم ونزلوا يتمشون بين الناس اللي تبيع
هي تطالعهم من بعيد
رجال باين عليهم الثراء ونظيفين ومرتبين
كل بايع يحرج على بضاعته
دقايق دلوهم الناس على ام راكان وهي تجلس على كرسي وقدامها طاولتها اللي فيها كل انواع السمن والزبد والأقط
والمعمول
قربوا منها
واخذت ترحب وتهلي وهي محتشمه
حي الله الشيوخ
قال ابو مطلق الله يبقيك حنا ندور لنا على سمن طيب والجماعه كلهم ارسلونا لك
قالت وحياكم الله ابشروا بالخير ماحد ياخذ مني الا ويرجع عندي السمن الطيب
واخذوا يذوقون السمن ويتشاورون فيه ويمدحونه
قالت انتم مانتم من الديره
بدر يستحي وتنحى. على جنب
قال ابو مطلق
لاوالله حنا من المنطقه الفلانيه
قالت الله يحييكم
واخذوا كيلوين سمن وزبد وأقط
واخذت تطالع بابو مطلق وهو يطلع بوكه وشد انتباهه ان البوك مليان
قالت
ياولد لي طلب عندك ولاتردني
قال ابو مطلق ابشري
قالت هذا رقمي خذ ومدته له
بدر انصدم وعيونه توسعت وهو يهز راسه ويهمس لابو سلمان لاتاخذه لاتاخذه
قال ابو مطلق
ماطلبنا رقمك حنا عابرين ومرينا نشتري
قالت خذ الرقم ودق علي فيه حاجه بااذكرها لكم
انصدموا
وش هالحاجه ؟؟
قالت انتم تقنصون حوالينا دايم
قال ابو سلمان ايوالله
قالت خلاص اتصلوا علي
اخذ ابو مطلق الورقه وتوكلوا على الله
وطول الطريق ابو بدر يسبح ويهلل
ويقرا اذكاره
ناظر له ابو سلمان
انت خايف انها تسحرك
قال والله اني شكيت اعوذبكلماات الله التامات
ضحك ابومطلق
من زين عاد وجهك يومنها تسحرك
قال والله ماني مرتاح لها سبحان الله
لحظات وصلوا كعادتهم لمكانهم وضبطوا خيمتهم وسووا خبزهم الجمري وعشاهم
وابو سلمان يسولف لهم ويقص عليهم من هالقصيد
قال ابو مطلق الفجر ان شاءالله على شقه النور توزعوا ودورلنا من الصيد نبي نتغدا بكره غدا زين ان شاءالله
وناموا
وعلى الفجر الكل قاموا وتصيدو والرزق كان وفير وخير كثير
العصر وهم جالسين يتقهوون شاهي بقيصوم
ابومطلق ينظف الناظور ومشتغل فيه
وابو بدر منسدح لاف شماغه على وجهه
ابو سلمان قام يشيل مركاه مره يمين مره شمال
طالع فيه ابو بدر
تراك اشغلتنا ليه ماتمسك الارض
ناظر باابو مطلق وهو مشغول
قال الرقم
قال ابو مطلق اي رقم
قال الرقم اللي عطتك المره اللي اخذنا منها السمن وش قصته
فز ابو بدر جالس بسم الله الرحمن الرحيم
اتركه مكانه
قال ابو مطلق
والله اني نسيته ولادري وين حطيته
قال ابو سلمان
لا مايصير لازم تطلعه اللحين
قال بدر
واللي يرحم والديكم فكوني لاتجيبون لي الضغط انا مرتاع من شوفتها
ضحك ابو مطلق
انت موسوس من يوم ربي خلقك
رح دوره بالسياره ياابو سلمان
قال ابشر
قال بدر انت فيك شي تبي تكلمونها حنا مالنا حاجه سمن وزبدوشرينا
قال ياولد المره قالت فيه حاجه بتذكرها لنا
اخاف هالحاجه موقع صيد زين هم ادرى بديرتهم
قال ابو بدر
اعوذبكلمات الله التامات من شر ماخلق
الله يردني لعيالي وبيتي وانا بخير وعافيه
فاذاابوسلمان ماسك الورقهً
ابشروا فيها لقيتها
ابو بدر مصدوم
لابوكم ولابو اللي يمشي معاكم
اخذ ابو مطلق الرقم
واخذ يفكر
الا حنا وش مشغلنا وش ابي فيه الرقم
قال ابو بدر حطه بالرماد وش نبي فيه
ضحك ابو سلمان
والله مايرتاح راسي لين اشوف وش سالفه هالرقم
تنهد ابو مطلق
يعني ادق؟؟
قال ابو سلمان دق
ابو بدر عيونه كلها رعب
ترى انا بري منكم مالي شغل فيكم لو صابكم شي بااهرب بعمري
قال ابو مطلق انت ليه متشائم يمكن خير ينتظرنا
قال ابو بدر
ماشفت بهاالوجه خير
انصحك ماتدق
قال ابو سلمان هذا واحد كل عمره موسوس يالله دق خلنا نشوف وش عندها
اخذ ابو مطلق جواله
وكتب الرقم
بسم الله
ودق. الرقم يرن ويرن ويرن ماحد يشيله
ابو بدر عيونه مبققه يارب تستر يارب تستر
حط ابو مطلق الجوال
خلوني اكمل شغلي بس
والتهوا بااشغالهم
فجاءه دق الرقم
الصدمه مليون بعيون ابو بدر
اخذه ابو مطلق
وفتح وجاء صوت العجوز اللي حصلوها بالسوق الشعبي
هلا من ؟؟؟
طالع ابو سلمان وابو بدر
ارتبك ابو مطلق
هلا
قالت انت المتصل من انت
قال انا اللي عطيتينا
رقمك وقلتي لكم عندي حاجه
ضحكت ايييه
انصدموا كلهم من ضحكتها
ايه ايه انتم راعين الجيب الابيض
عيونهم كلها مصدومه ويناظرون ببعض
قال ايه
قالت ابركها من ساعه ياهلا ياهلا
الكاتبه السعوديه
أشواق الحزم
أنت تقرأ
زواج الرخوم
Randomمجموعه رجال قناصين اعمارهم من ال50 وفوق وقتهم كله يقضونه بالبر والصيد وهم من اهل المدن ويطلعون للقرى حتى مره نزلوا لهم سوق شعبي وقابلوا ام راكان اللي تبيع السمن والأقط من اللحظه اللي نزلوا فيها بسطه السوق الشعبي تغيرت حياتهم 180 درجه
