رجعوا المقانيص لمكانهم
الله اكبر ياابو مطلق ماخبرناك ردي
طالع بابو بدر
الردى مايجي مني ياولدعمي هذا انا رجعتكم
ابوسلمان وهو يشد حبل الخيمه
المهم انا رجعنا هضبتنا
خلصوا من ترتيبات عزبتهم وخيمتهم
وطاحوا فترانين دايخين
اليوم الجو بارد وانا نسيت فروتي
قال ابو بدر ابشر بالعوض يابو مطلق انا معي احتياط
وجهزوا عشاهم وتعشوا وريحو
بالجانب الثاني من المدينه
حصه مع اخوها وافي وهي متفائله
سبحان الله مدري احس اني هالسنه باتعين ان شاءالله
وافي وهو يقلب كتاب بيده
الله يرزقك وانا متفائل خير ان شاءالله
رفعت كفوفها
يارب انك تحقق لي امنيتي وتكتب لي التعيين بااي مكان اهم شي اني اتعين
امها جالسه
تفتش بشنطتها
اللهم امين يابنتي الا ماشفتوا الوصفه اللي حطيتها هنا ضيعتها
تنهد وافي لاوالله ماشفت شي
ناظرت حصه
يمه هذي هي عندك.
تنهدت الحمدلله
هذي مواعيدالعلاج الطبيعي بابدا فيه الاسبوع الجاي
قال وافي الله يعينك
بالجانب الثاني
طلع الفجر وقاموا المقانيص وصلوا
وجهزوا فطورهم
اليوم يبيلنا نعس هاك الجبل
تنهد ابو بدر
انا باجهز لكم الغدا مالي حيل اروح
قال ابو سلمان وهو يقلب الخبز بالصحن
انت مالك شده الا بالعرس
ضحك
ايوالله انك صادق ياابو سلمان
ابو مطلق جهز الدله والشاهي
وجلسوا يتقهوون ويفطرون
لحظات رن جوال ابو مطلق
يالله انه خير من هاجدني هالفجر
وناظر بالرقم 🫣🫣وهو مصدوم
يارجال وش هالرقم
اخذ. ابو سلمان الجوال وضحك
هاها هذي راعيه السالفه
ابو بدر وهو مصدوم
رد رد ياابو مطلق
قال والله مارد لو تذبحوني
قال ابو سلمان اتركها لاترد عليها
قال ابو بدر يارجال ردو خلونا نشوف وش عند الشيخه ام راكان
طالع فيه ابو مطلق
صارت شيخه من اللحين
قال ايوالله تلقى عندها العلوم الطيبه رد رد
طفى الجوال
قال والله مارد من قالوا لي انها خطابه عرفت وش وراها الله يرحم والدينكم مانبي نوجع روسنا فكونا بس خلونا نعيش حياتنا
قال ابو بدر
ماهي تاركتنا بحالنا
قال ابو سلمان طمعانه ياولد
ضحك ابو مطلق وش طمعانه فيه شيبان ماورانا الا الشقا
قال ابو بدر والله انتم الشيبان انا توي صغير
قال ابو مطلق والله ماابيني وبينك الا شهر
عدل ابو بدر جلسته
لاتظلم حظك يارجال والله بينا 5 سنين هذا كلام امي الله يرحمها
قال ابو مطلق
عمي يقول انا ولدنا بسنه وحده
قاطعهم ابو سلمان
خلاااص خلااص كلكم ماجيتوا العشرين ارتحتوا
يالله تقهوو خلونا نشوف غدانا ونترزق الله
وقاموا يجهزون اسلحتهم وكل واحد يلبس مجنده على ظهره
ومطاره الماء
الوعد الساعه 10 يارجال
وتفرقوا وطلعوا كلن يدور له صيده
جلس ابو مطلق واخذ مكانه واخذ يراقب الجبل
لحظات رن جواله
وطالع الاهي ام راكان
بردت اطرافه اعوذبالله هذي علامها تولجتنا الله يخارجنا منها
وطنشها مارد عليها
ولحظات دقت وتواصل الرنين
خلوني ارد
هلا
السلام عليكم ياابو مطلق
تنهد هلا هلا
قالت اسفين اذا ازعجناكم
قال لا خير ان شاءالله
قالت معك ام راكان لايكون ماخزنت رقمي عندك
حس انه طفش
الا مخزنه ادري انك ام راكان
قالت لايكون ماودك ترد واحرجتك
؟؟؟؟
غمض عيونه والله ان هذي النشبه
لا ابد ياام راكان
قالت ذكروكم الجماعه لي انكم تدورون علي؟؟؟
انصدم اي جماعه؟
قالت ولد اخوي ابو راشد
انصدم
!!!!!!!!!
كنا نسال عن السوق وذكرنا السمن ماجبنا طاريك
ضحكت
انصدم ابو مطلق وهو يتلفت لاحد يسمع ضحكتها
أنت تقرأ
زواج الرخوم
Randomمجموعه رجال قناصين اعمارهم من ال50 وفوق وقتهم كله يقضونه بالبر والصيد وهم من اهل المدن ويطلعون للقرى حتى مره نزلوا لهم سوق شعبي وقابلوا ام راكان اللي تبيع السمن والأقط من اللحظه اللي نزلوا فيها بسطه السوق الشعبي تغيرت حياتهم 180 درجه
