زواج الرخوم

بارت 7

وصلوا مدينتهم اخر الليل
في الصباح الباكر خالد يغسل الحوش مع اخوه فيصل
وابوهم جالس بالصاله مع مزنه
والسالفه ماراحت عن باله بس تقرقع بصدره
ام مطلق تقهويه
استغربت رجعتكم بدري هالمره
اخذ يعدل جلسته وهو مرتاع بس خايف انها تدري
ابو سلمان تذكر انه عنده موعد ورجعنا عشانه

قالت زين اشوى اقول ياابو مطلق  خالد يبي سياره
قال خالد هذا ماله عندي شي كل شوي يبيله شي
قالت  تراه رجال حرام عليك تحرمه
قال خليه يركد
قالت اخوه مطلق يوم هو كبره شريت له سياره تراه رجال
قال خلاص لا يعني لا
فاذا رجوى معها صينيه فواكه
وجلست
وشفيكم صوتكم طالع
قالت امها كالعاده السالفه عن خالد
اخذت نفس عميق
الله يهديك ياابوي والله ينكسر خاطره كذا كل اخوياه وعيال عمومته معهم سيارات وهو لا
طالع فيها
انا قلت لا. يعني لا
قالت ابوي ترى ربي رازقك
قال بس ماابي اشريله سياره
فاذا خالد يدخل وهو يسمع حديثهم
خلاص اصلا طابت نفسي ماابيها وتركهم وطلع
😔😔حزنت امه عليه
الله يهديك بس ياابومطلق رجال وش كبره تكسر خاطره
قال وهو ياخذ قطعه برتقاله
انا ادري بمصلحته اكثر منك خليك بنفسك انتي وبناتك عيالي لاتشيلين همهم
فاذا رهف تركض وجلست جنب ابوها
احتضنها
وينك ماجيتي من اليوم
قالت ارتب غرفتي
ابتسم
ماشالله عليك
طالعت رجوى عودتها ترتب وراها ابوي. وسمعت كلامي
احتضنها له
الله يحفظك لي يااقلبي
سحبت جواله من مخباته
تسمح لي العب بابا
ابتسم العبي العبي كلي حلالك يابعد عيني ،،،،،
بالجانب الثاني
ابو بدر سرحان وبس يفكر بالاربعينيه اللي ذكرتها ام راكان
ام بدر جالسه جنبه وعيالها حولها يتهاوشون عشان حضنها
طالع ابوهم
اعوذبالله وش هالازعاج بس انت وياه
انصدمت ام بدر
يالله قوموالاشوف منكم واحد تهاوشوا عني برى
عياله اثتين توائم اعمارهم. 8 سنوات
واختهم الصغيره عمرها 5 سنين
يالله قوموا.
قالت ام بدر الله يهديك علامك معصب العيال مستانسين بجيتك
قال ماابي ازعاج طلعيهم عني
خليني اتقهوى لحالي
!!!!!
استغربت زوجته. يالله حبايبي روحوا روحوا لخواتكم
اخذ ابو بدر يسرح يتفكيره
ويقول بنفسه ليه  لا العرض حلو ويناسبني مره عالاقل ارتاح من هاللجه والصجه
وطالع لام بدر وهي ترتب شعر بنتها الصغيره
وقال بنفسه
مايكسر ظهري الا ام العيال والا كل شي يهون بس مااقدر على كسر قلبها
ورجع ورد على. نفسه
بس ماراح تدري الموضوع سر وخاص والله انه عرض ممتاز
طالعت فيه ام بدر. وهو سرحان
خير وش فيك
تنفس بعمق
ابد والله افكر بعمارتنا متى. تخلص
قالت هانت مابقى. شي
هز راسه. هانت ايوالله هانت
ابو مطلق ينزل عزبته مع عياله
فيصل يضحك
الله يعين شل حط توك لك 3 ايام ابوي ماسرع رجعت
قال ظرف ظرف

اخذ خالد السمن والأقط ابوي هذا وين نحطه. التفت وتذكر ام راكان ووقف شوي ساكت
استغرب خالد ابوي اكلمك؟
قال خذه لامك السمن طيب مره
قال فيصل لاا ابوي خله لمقناصك الجاي انت متاكد انك ماراح تبطي
قال لا مالي نيه مقانيص هذا لكم
اخذه خالد ودخل لامه
يمه ابوي جايب سمن
قامت رجوى واخذته
الله يبيلنا قرص بايمه
قالت امها خذيه للمطبخ وشوي نسوي لنا قرص عليه
بالجانب الثاني ابوسلمان
يفكر ينضم له قصيده ينخى فيها خويه 🤔🤔
ام سلمان تكوي عباتها
اليوم ام مشهور عازمتنا بالشاليه وباخذ البنات معي عندك مانع ؟
هز راسه ابد خذي راحتك
قالت وانت وين بتروح
قال بااسير على ابو مطلق
قالت زين احسن. واخذت عباتها وراحت لغرفتها
سوت ام مطلق قرص للغدا وضبطته مع السمن وعيالها يمدحون السمن
ناظرت لابو مطلق وهًو ماهًو على بعضه
السمن هذا طيب طيب مره منين جبته
قال هاه
قالت اسالك هالسمن من وين حصلته
قال هذا عطانياه واحد من الربع
قال خالد نبي كثير مثله ابوي
قالت رجوى ايوالله تعرف حنا مانستغني عنه ابد ابوي
هز راسه ان شاءالله ابشروا ان رحت اوصيه يجيب لي مثله
قال فيصل ولاتنسى الأقط لاتعليق صراحه
قالت رجوى مامر علينا الذ منه ابوي
قالت ام مطلق نبي لنا كميه منه. عجب عيالي مره
قال ابشرو ابشرو.
وهًو بس متوتر وخايف
مضت عده ايام
عزم ابو سلمان اخوياه لانه مبطي عنهم
جلسوا بمجلس ابو سلمان
ويسولفون
ناظر ابو بدر ياارجال والله اني من رجعت من المقناص الاخير وانا افكر بكلام ام راكان
عدل ابو مطلق جلسته وركز عليه بنظره حاده
قال وشفيك يالخوي ؟
قال الموضوع سكرناه لاعاد تجيب طاريه
قال ابو سلمان انت سكرته انا لا
قال ابو بدر وانا بعد لا
انصدم ابو مطلق وش قصدكم يارجال ؟؟؟
قال ابو بدر انت مافكرت ماصدق انك نسيت السالفه
قال والله نسيتها ولافكرت ابد فيها
قال ابو سلمان والله انها ماغابت عن بالي
قال ابو مطلق يارجال !!!!
قال ابو بدر انا قررت اخطب الاربعينيه وانتم كيفكم
قال ابو سلمان وانا الثانيه
انصدم ابو مطلق
يارجال انتم كيف تفكيركم هذي مسؤوليه بيت وزوجه وكيف لو حريمنا عرفن
قال ابو بدر عني انا ماراح تدري
قال ابو سلمان
وشلون يدرون بالله ؟؟
قال ابو مطلق  مع الوقت بيلاحظون
قال ابو بدر ياابو مطلق فكر لاتضيع الفرصه حرمتك مشغوله مع العيال ومدارسهم والحرمه اللي عرضتها عليك ماشالله موظفه ولاعندها عيال
قال ابو سلمان يااخوي فكر
قال انا افكر بمزنه لو تدوي وعيالي انا مرتاح ماابي اخرب حياتي
قال ابو بدر منين بالله تدري االا اذاانت علمتها
قال لا يارجال بالله عليكم سكروا على الموضوع والله اني ماافكر ابد
قال ابو بدر وحنا وش دخلنا فيك حنا بنشوف حياتنا
انت خلك على مزنه
قال يارجال انتم بس على الكلام انتبهوا لاتنكبون
قال ابو سلمان حنافاهمين وعقولنا ماهي صغيره بنكلم ام راكان ونتكلم مع النسوان ونشوف شروطهن وطلباتهن ماحنا داخلين كذا فجاءه
اخذ لحظه يفكر
انتم من جدكم ؟؟
قال ابو بدر انا والله صامل وجاهز
قال ابو سلمان وانا مثل ابو بدر. نقنص مناك مخدومين مكفولين ونغير جو
وبعدين ماحنا خسرانين كلها 15 الف
ولاتضيفها معك جازت لك كملت ماجازت لك الله يستر عليها
قال ابو بدر ايوالله هذا الكلام ،،،،،مايبيلها تفكير
حنا بنكلم ام. راكان ونتفق معها نقابل النسوان ونشوف وش طلباتهن
تخاوينا حياك الله ماتبي الله يستر عليك. هاليومين ماشين
🤔🤔ماقدر ابو مطلق يعبر
طالع له ابو سلمان ماعطيتنا رائيك
قال افكر !!!وارد لكم
ورجع كل واحد لبيته
ابو مطلق انشغل تفكيره ويتذكر كلام ام راكان. وكل وقته يفكر قام وتوضى واستخار ونام
بعد يومين وابو بدر وابو سلمان يجهزون نفسهم
دق ابو مطلق
يارجال انتظروني انا معاكم
ضحك ابو سلمان حلووووو ننتظرك اخلص علينا
،،،،،،،،،خلك وسيع البال ..طيب ومزاح
ترى الزمن مايستحق الملامه ,,,

شال ابومطلق عزبته وطلع مع اخوياه
والله ماطاعني قلبي اترككم نروح ونشوف ماحنا خسرانين
قال ابو سلمان هذا هو الكلام
قال ابو بدر وبعدين نجرب وش ورانا
وانطلقوا ووصلوا للقريه على الغروب وخيموا بهضبتهم المعتاده
وجهزوا عشاهم
ابو سلمان عجز يرتاح
دق ياابو مطلق وعطها العلوم
قال والله اني متردد
قال ابو بدر انا اكلمها انت خلك مستمع
وجلسوا ودق على ام راكان
بلحظه ردت
ياهلا
السلام عليكم
عليكم السلام يامرحب
قال معك ابو بدر
قالت حياك الله
قال لي طلب
قالت آمر
قال انا والله فكرت واستخرت والاربعينيه اللي ذكرتي كلميها لي
ابتسمت
أبشر ابشر
قال نبي نكلمها ونسمع شروطها
قالت ابشر تبي شوفه؟
قال تمام شوفه
قالت ابشر.   قال وخويي ابو سلمان بعد كلمي له اللي ذكرتي لنا
قالت ابشر ابشر وخويكم ابو مطلق ؟؟
اتسعت عيون ابو مطلق
تنفس ابو بدر بعمق
وابو مطلق بعد كلمي له اللي ذكرتي
🤢🤢🤢🤢🤢
انصدم ابو مطلق
سكر ابو بدر الجوال
قال ابو مطلق انا ماطلبت اشوف
قال ياولدخلنا نتوكل على الله ونشوف النصيب بتحدد  لنا موعد ونشوف ونستفسر
قال يارجال والله انكم  ورطتونا
قال ابو سلمان نجرب ماحنا خسرانين ,,,,,
ليله طويله للمقانيص الثلاثه  حددت. لهم ام راكان الموعد من بكره الساعه 4 العصر ببيتها
الوقت. يمر طويل عليهم
ابو مطلق ماقدر ينام كل الهواجيس تطري عليه
باليوم التالي اخذوا لهم شقه وتروشوا وتضبطوا وترتبوا وتزينوا وكل واحد ازين من الثاني وانطلقوا لبيت ام راكان
وصلوا بالموعد المحدد
ام راكان كانت مرتبه لهم المكان كل واحد يشوف شروط اللي يبيها حلال له
دخل بدر وتكلم معها عن شروطها كل طلباتها انها تبي السند والونيس ولالها شروط  والمهر يجيب اللي يبي اهم شي انها ببيتها ابو بدر من شافها اعجبته وجازت له

ابو سلمان كذلك نفس الكلام جازت له وشروطها انه يحترمها ويخاف الله فيها والمهر ماشترطت عليه الا اللي يعطيها
ابومطلق اكثر واحد متردد واكثر واحد شايل هم هالارتباط
جلس معها وناظرت له  وهي لابسه برقعها
ومحتشمه من تكلمت. ابو مطلق ضاعت اعلومه
وطلبت منه انه  يصونها ويحفظ الامانه وانها وحيده بهاالديره مالها الا الله ثم عملها وذبحتها والوحده وتدور لها ونيس تسولف معه وتروح وتجي معه. المهر ماطلبت الكثير
وعلمها انه ماراح يعلم حرمته وان الامر سر ولو حصل وعرفوا اهله تعتبر نفسها ماتعرفه ووافقت على شروطه
وانتهت المشاورات بينهم بالموافقه بين الاطراف الثلاثه
واتفقوا يرجعون عن قريب
وغادروا المكان
لحظه صمت كل واحد ماهو مصدق اللي شاف تغيرت نظرتهم لام راكان مليون بالميه
ابو مطلق مبسوط  ومستانس
والله ان رايكم مبرووك يااخوياي ضحك
ابوبدر
متى بس تبون نسوي العرس
قال ابو سلمان قريب قريب
!!
ماهقيت ان البراقع يفتنني
لين شفت ضبا النفود مبرقعاتي
الله اكبر ياعيون ناظرني
فاتنات ناعسات ساحراتي

ألكاتبه
أشواق الحزم
تعليقاتكم. يهمني جدا عددالاصًوات