وصلوا مدينتهم وكانوا متكتمين لأبعد حد مايعرف احد عنهم شي
ابومطلق لو تضحك مزنه فز من مكانه من كثر ماهو خايف انها تكتشفه
ومرت الايام
واليوم موعد زواج المقانيص الثلاثه
كان زواج مختصر بحضور ام راكان وعايلتها وبعض الجيران
ام مطلق مع جاراتها متجمعات بشاليه
ويتقهون ويسولفن ولادرن عن ازواجهن
ناظرت ام سلمان لحصه مانزل اسمك مع دفعه التعيين امس
حصه وهي تحط كاسه الشاهي من يدها
لاوالله مااكتب ربي لي منها نصيب
فيه اسماء تطلع بعد شهرين ان شاءالله اني معهم
قالت ام مطلق ان شاءالله انك تتعينين معهم ويفرح ولدي مطلق
ابتسمت
اللهم امين يااعمتي مزنه
ام بدر كعادتها ماسكه الصناره وتشتغل عليها
والله يالشوف عندي قصر مدري بلاي ماشوف زين
قالت ام سلمان بلاك من هاللي عاكفه عليه ليل نهار خفي على نفسك
ضحكت ام وافي
ام بدر ناويه تشارك بمتحف مدينه العلا للحرف
ضحكت ام بدر
اتوقع اخر وحده يطالعون بشغلها انا
ضحكت حصه
لاتفاولين على نفسك والله ان شاءالله انهم غير يختارونك
قالت ان شاءالله
😄😄
ناظرت رجوى لامها
غريبه امي ابوي له يومين مااتصل ماهي عاده له
قالت ام مطلق
اكيد ماعنده ارسال
قالت ام سلمان اكيد لان ابو سلمان بعد له يومين ماكلمنا
قالت ام بدر
انا متعوده عليه مايدق الا اذا جاء
قالت رجوى
ابوي معودنا يكلمنا على طول عشان كذا انا مستغربه
امها وهي تاخذ جوالها طيب بادق عليه
بالجانب الثاني ابومطلق مع زوجته الجديده تهاني مبسوط ويسولف لها عن ديرته وعياله
رن جواله
فز من مكانه. واخذ جواله وطالع ووجهه تغير
قالت علامك رد
قال هذي ام العيال
قالت رد عليها
قال طيب وقام وراح عنها بعيد. هلا هلا ام مطلق
هلا فيك سلامات علامك ماتدق العيال فاقدينك
ضحك بخوف
تدرين انشغلنا لقينا صيد وفير ولافضينا لجوالاتنا
قالت بس انت طيب وبخير
هو متوتر وخايف
ايه ايه ابشرك طيب وبخير تبون شي
قالت لا ابد نتطمن
تهاني جالسه وهي مديره مدرسه طيبه وحكيمه وراشده ومحتشمه عليها زين واخلاق
دخل وجلس
ياحليلهم عيالي اليوم ماكلمتهم وتضايقوا
ابتسمت الله يخليهم لك ويبارك لك فيهم
قال اللهم امين
ابو سلمان بس يقصد بوجدان من هالقصيد الزين
قالت انت ماتعرف تسولف كل كلامك قصيد
🫣🫣🫣
قال الاوالله اعرف وهويضحك
قالت كم عيالك علمني عن حياتك
قال ابشري
وهو يسولف لها عن حياته وعن بيته وعياله
ً
ابو بدر اكثر واحد مبسوط بكره وحنا مسافرين الجنوب نتمشى وتغيرين جو
مرت عده ايام
سافر بدر وزوجته ورجع
ابومطلق زوجته تداوم
وابو سلمان بعد مشغوله بمحلها
اليوم قرروا يطلعون كشته ومقناص
ام مطلق جالسه تتابع مسلسلها وخالد عندها
ماكن مقناص ابوي هالمره طول
طالعت فيه
ابوك دايم يتاخر
قال عشرين يوم يمه
قالت ايوالله صح هو صارله 20
قال يمكن اكثر
قالت رجوى لاتكذب توه رايح ابوي
قال والله اول مره ابوي يغيب هالكثر
جلسوا المقانيص يتغدون
قال ابو بدر هاه يارجال متى تبون نروح لاهلنا
قال ابومطلق والله مالي وجه اقابل مزنه احس اني مسوي شي كبير
قال ابو بدر هي مزنه منين بتدري
قال ابو سلمان من الهواء
يارجال استانس وانبسط وهذا حنا نكشت ونرجع لبيوتنا قبال زين وخدمه
قال ابو مطلق صادق بس مااتغنينا هالسوالف عن اهلنا وعيالنا بكره ان شاءالله انا بارجع
قال ابو سلمان وانابعد
قال ابو بدر وانا معكم
قال ابو مطلق هه نغيب لنا اسبوع ونرجع لقريتنا 🌹المونسيه 🌹
ام راكان مجتمعه مع وجدان وتهاني وعلياء زوجه ابو بدر
ماشالله ماعدت اشوفكن من لقى احبابه نسى اصحابه
ضحكن
قالت تهاني ايوالله انشغلنا بحياتنا الجديده
قالت وجدان والله لقينا الدلع والسفر
قالت علياء مانسى سفره الجنوب عز الله اني انبسطت فيها مره
قالت ام راكان
اللحين ماقالوا لكن وش هي
مدينتهم
هزن روسهن لاوالله
قالت تهاني ابو مطلق رفض انه يعلمني عنها
قالت وجدان وابو سلمان ماجاب سيرتها
قالت عليا وانا سالت ابو بدر وقالي كل شي اسالي عنه الامنين انا جاي
قالت تهاني وانااحترمت رغبته ولاعاد سالته عنها
تنهدت ام راكان
اهم شي انكن مبسوطات وان اختياري كان بمكانه
ضحكن
ايوالله ماقصرتي
مراليوم ورجعوا لحريمهم
تهاني متضايقه
ماودي انك استعجلت بالروحه تعودت عليك
ضحك والله ماهو بيدي عيالي يسالون علي كلها اسبوع وراجع ان شاءالله
قالت الله يحفظك ويستر عليك
قال باذن الله الفجر وانا ماشي
قالت على خير
قال القهوه والفطور بدري
قالت ابشر
علياء زعلانه ومبوزه
والله يابو بدر ماصار لنا شهر مستعجل ليه
قال والله الديار تطلب اهلها عيالي كل شوي يدقون وانا والله اول مره اتاخر
قالت ماراح تتاخر عنا
قال ابد اسبوع ان شاءالله وراجع
ابو سلمان وهو محزن انه يوادع وجدان
مايهز الموادع غير قلب الشجاع
يوم كابر بقلبه والعيون فضحنه
ابتسمت وجدان
الله يستر عليك وترجع بالسلامه
مضت هالليله وعلى الفجر سافروا كلهم بسياره ابو مطلق لمدينتهم
وصلوا لاهلهم
وكانوا فرحانين بعيالهم
ابو مطلق اكثر واحد خايف ان مزنه تدري وهي ماشكت فيه ولاواحد بالميه
بعد يومين وهم جالسين يتقههون
ابومطلق وعياله
قام خالد يجيب له ماء من المطبخ
وكان جوال ابوه على الشاحن
فجاءه دق الجوال
التفت
ومكترب الغزال
🤔🤔🤔استغرب
من يدق هالحزه والغزال بعد خلوني ارد
واخذ الجوال وفتح بدون مايتكلم
هلا ابو مطلق
😱😱😱😱😱
الصدمه بعيونه مليون صوت حرمه
ابو مطلق ياعيوني انت تسمعني
🫣🫣انصدم وقفل السماعه على طول
وهو ماهو مصدق
عيوني ؟؟؟؟
من هذي ؟؟؟
وجلس مصدوم شوي بالمطبخ. واخذ الجوال وراح لهم بالصاله
يتبع
الكاتبه
أشواق الحزم
توقعاتكم ؟؟
أنت تقرأ
زواج الرخوم
De Todoمجموعه رجال قناصين اعمارهم من ال50 وفوق وقتهم كله يقضونه بالبر والصيد وهم من اهل المدن ويطلعون للقرى حتى مره نزلوا لهم سوق شعبي وقابلوا ام راكان اللي تبيع السمن والأقط من اللحظه اللي نزلوا فيها بسطه السوق الشعبي تغيرت حياتهم 180 درجه
