زواج الرخوم

بارت 3

في فجراليوم التالي
تجهزوا وجهزوا عزبتهم وقصدوا القريه
للبحث عن قصه هالمره ام راكان

الطريق للقريه 20 كيلو متر وصلوا ولايدرون  وين يروحون  لحظات لقوا مجموعه  شيبان جالسين عند ساطحاتهم  يترزقون الله
وقفوا سيارتهم ونزل ابو مطلق وسلم عليهم
ورحبوا فيه وحلفوا عليه ينزلون اخوياه
ونزلوا  وجلسوا يتقهون
وابو مطلق متردد انه يسأل
قال ابو سلمان
والله حنا طرقيه جايين نسال عن مره يقال لها ام راكان
🥶🥶🥶🥶
قال واحدمنهم
ام راكان اللي تبيع السمن
قال ابو بدر ايه ايه وصلت
قال ابو مطلق
ايه اللي تبيع السمن
اخذ الشايب يفرك لحيته وهوًيطالعهم نظرات غريبه
تبون سمن ؟؟؟
كلهم سكتوا
قال ابو سلمان
ايه سمن
قال المره ساكنه. بالحاره اللي قدامكم التفتوا كلهم
قال ابو مطلق
حنا نبي. نعرف هالمره وش عندها غير السمن
ضحك واحد منهم
انت تبي سمن والا تبي شي ثاني؟؟؟
🥶
الصدمه بعيونهم مايقدرون يفضحون انفسهم
تدارك ابو بدر الوضع
شي ثاني مثل وش  هي عندها غير السمن والاقط
قال واحد من الشيبان وهو يلم ثوبه
عندها ارزاق الله وخيراته
انا من شفتكم يالثلاثه عرفت حاجتكم
انصدمو؟؟؟
قال ابو مطلق نعتذر منك يالاخو حنا مستعجلين بنمشي
امسك. يده
اصبر خلني اعلمك منهي ام راكان عشان ترتاح لاتخاف  انا ماراح اقول انكم جيتوني
انا ماعرفكم وانتم ماتعرفوني
كلهم مرتاعين من هالعالم اللي ماتتكلم الا بالالغاز
قال طيب لا مانبي نعرفها
امسكه اصبر
ونادى لخويه تعال ياابو راشد
هم مصدومين ؟؟
اقبل ابو راشد رجال سمين اسمر اشهب اغبر
خير وش فيه
كلهم مرتاعين
قال الشيوخ هذولا شكلهم ماهم من الديره
قال ابو راشد لا بالله ماهم من الديره ولاعمرهم مرواعلينا
قال علمهم من ام راكان ووش عندها؟؟
قال ابو مطلق بهمس الله لايعيد ساعتك ياابو سلمان ليتني ماطعتك
قال اهااا تدورون ام راكان
قال ابو بدر
سمن نبي سمن وزبد
قال ابو مطلق
اخذنا منها مره ونسال عنها نبي ناخذ
قال اهااا تبون سمن ؟؟
قال ابومطلق ايه
قال ماقالت لكم منهي ووش شغلتها ماتبون تدرون منهي
عيونهم مبققه مايقدرون يقول ايه. او. لا
قال ابو سلمان بقوه
ايه ايه منهي حنا ندور عليها
انصدم ابو مطلق وابو بدر
ضحك ابو راشد
ياهلا فيكم ارتاحوا ارتاحوا
جلسوا بعد ماهم واقفين بيهربون
جلسوا
وهم متوترين وخايفين
قال ام راكان اللي تسالون عنها تكون عمتي
!!!!!!!!
انصدموا
وحي الله اللي يدورون عليها  آمروا
بس وش تبون تعرفون عنها
قال ابو مطلق ابد والله بس سمن
قال ماصدقت
اكيد وصلكم خبرها وجيتم من المدن عشانها
مايدرون وش يقولون
قال المهم انتم كيفكم انتم وصلتوا وحاجتهم اللي جيتوا من شانها بتاخذونها ان شاءالله
عمتي حرمه امينه ولاتخافون ابد سركم في بير
انصدم ابو مطلق
حنا ماجينا ندور عندها حاجه
حنا نبي نعرف هالمره وش مهنتها بس
قال كل هالكلام واللف والدوران وما عرفت مهنتها
قال ابو سلمان لا ماعرفنا
قال عمتي خطابه !!!!
انصدموا
وتشتغل بذمه وضمير ولاتخاف منها ابد والشي اللي تمدحه لك خذه وانت مغمض
نهض ابو مطلق واقف
ماقصرت بس ماهي هذي حاجتنا حنا نبي سمن بس يالله مشينا ونعتذر لكم عن الازعاج
ضحك ابو راشد
عذرك وقبلناه البيت مع اول دخله لفه شمال وهو يضحك
ماصدقوا بس يهربون
ويشغلون سيارتهم
قال ابو مطلق والله مااوقف الا عند ام مطلق
قال ابو سلمان تعوذ من ابليس
قال ابو بدر
يارجال خلنا نجرب ماحنا خسرانين
خلنا نكلمها نشوف وش وراها
قال يارجال الناس اشكالها تخوف كيف عاد نسوانهم والله مااوقف الا عند مزنه
وانطلقوا
ابو بدر ماهو عاجبه تصرف ابو مطلق
وابو سلمان بس يقصد من هالقصيد
اثرالرخوم ضعوف واعلومها ضعاف
وافواههم للشين دايم غواريف
احدن على درب الردا يهرف اهراف
واحدن على العليايعدالمشاريف

التفت ابو مطلق له وهو ناقد له
وشفيك تقصد هالقصيده
قال ابد والله جازت لي وقلتها
وضحك ضحكه طويله
امحق محبه تاليها سهر عين
وامحق وليف مايداري وليفه

تنهد ابو مطلق ووقف سيارته على جنب
انت زعلان ياابو سلمان
قال ابو بدر
كلنا زعلانين
كم لنا نخطط على هالرحله
اخر شي ترجع وحنا ماتونسنا
قال لاحول ولاقوه الا بالله هالديره والله اني تشائمت منها
قال ابو سلمان ردنا بس لهضبتنا
قال ابو بدر ايو الله وش نبي بالصجه واللجه
قال ابشروا ابشرو
ورجع ادراجه لمكانهم الاول

الكاتبه
أشواق الحزم