𝗧𝗵𝗲 𝗴𝗵𝗼𝘀𝘁 𝗯𝗼𝘆 || کوڕە تارماییەکە (𝗙𝗟)

𝗣𝗮𝗿𝘁 𝗳𝗶𝘃𝗲 ( هەمان کوڕ )

خۆم کێشا بە یەکێکدا خەریک بوو بکەوم بەڵام پێش ئەوەی بکەوم ئەو کەسە منی گرتەوە..

سێرێکی ئەوم کرد، کوڕێک بوو خاوەنی قژێکی ڕەش و چاوێکی قاوەی تۆخ بوو کە نزیک بوو لە ڕەنگی ڕەش وە جلێکی ڕەشی لەبەر بوو لەگەڵ چاکەتێکی درێژی ڕەش

: تۆ باشی خاتوون؟

ئەو کەسە وای وت کاتێک دەستێکی لەسەر کەمەرم بوو ڕێگر بوو لەوەی کە نەکەوم

ماوەیەک هیچم نەوت و تەنیا سێرم ئەکرد وە دواتر هەستم بە دەستی کرد لەسەر کەمەرم و خێرا دوورکەوتمەوە لێی

ناری: ئۆهـ بـ ببورە..

بە کەمێک شەرمەزارییەوە وام وت

سێری کردم و وتی

: تۆ باشی؟ پێم وابێت ئەبێت زیاتر ئاگاداری هەنگاوەکانت بیت

ناری: بـ بەڵێ وایە.. ببورە بۆ ئەوە

زەردەخەنەیەکی کرد و وتی

: کێشە نییە، جاری داهاتوو ئاگاداری خۆتبە

کەمێک زەردەخەنەم بۆکرد و سوپاسم کرد وە دواتر ڕۆشتم

" بۆچی هەست ئەکەم ئەو کچەم لە شوێنێک بینیوە؟ سەیرە "
ئەو کوڕە وای وت کە خۆی کێشا بە ناریدا، هێشتا سێری ناری ئەکرد لەدواوە کاتێک ناری ئەوی جێهێشت، سەرێکی بە لێتێنەگەیشتنەوە جوڵاند و ئەویش ڕۆشت

دوای ئەوەی خۆم کێشا بەو کوڕەدا و ڕۆشتم بڕیارم یا کە بڕۆم بۆ کتێبخانەکە، وە بارانیش دەستی پێکرد منیش کەمێک هەنگاوەکانم خێراتر کرد کاتێک بارانەکە زیاد بوو.

دوای ماوەیەک گەیشتمە کتێبخانەکە و دەرگاکەم کردەوە هەستم بە گەرمی شوێنێکە کرد کە لەچاو دەرەوەیا زۆر گەرم بوو هەناسەیەکی قوڵم هەڵمژی.

: ناری؟ چی ئەکەی لێرە؟

سێرم کرد مامە پاڕک لەسەر کورسییەکەی خۆی دانیشتووە و خەریکی خوێندنەوەی کتێبە

کەمێک زەردەخەنەم کرد و وتم

ناری: سڵاو مامە پاڕک، ئەمڕۆ وانەم زوو تەواو بوو بۆیە هاتم بۆ ئێرە