" سـلاسل الهُبار "

"السلاسل ثاني عشر"

• سلاسل الهُبار
• للكاتبه تُـقى حَسين
• البارت " 12 "

- ياهَلا بحلوياتي شلونكم عُيوني شخباركم
-لاتنسـون النجمه الحلوه ليجوا وكـومنت حلو مثلكم
- يشرفنـي أن اكون وياكم الكاتبـه تُـقى حسيـن

- واكفـه قُدام المرآه اباوع لنَفسي بالفُستان الابيض المخصر من منطقه الخصر والصدر مُزين بالاحجار الصغيره والناعمه باللون الفُضي الرُدن شفاف وكُل اكتافي وايدي طالعه، المُيكب سمُبل باللون النُود شعري مُرفوع بتسريحه بسيطه وبنفس الوقت ملكيه المُسكه بيدي ومُبتسمه، أجتي بان و ريتال:

ريتال: ها عروستنا الحُلوه اجه چسار

بان: يلا عيني

ريتال: اوكفي بان اجيب الكُبوس اخويه يذبحنه اذا هيج تطلع

- ضحكت بهدوء واردفت:

رُوماف: احس راح ابطل

بان: عمي شبيج بس تلوبين علينه قتلتيييينيييييي

رُوماف: هههههههه شو خفت

ريتال: الحمدلله ربي باقيه سنوگل

رُوماف: احسنلج هو اني بكدج شكووو حضي الاغبر تزوجت
والله لو باقيه مدلله بلبنان احسنلي

-سمعنه صوت هورن:

بان: عزاا هذا جوجايتي عصب

رُوماف: اييييييييع

ريتال: بس لاتنعدين منها وتصيحين لاخويه هباويتي

رُوماف: هو حتى اسم اخوج مااله دلع..

ريتال: اتفق

- حطو البنات كُبوس على راسي وطلعت صعدت بالسياره ماواجهت صعوبه لان بدلتي مو هلگد كبيره ووصلنه للقاعه طبعاً ابد ماحجينه ويَ بعض لا البنات يخلوني احاجي ولا جسار وابن عم هُبار يخلي يحاجيني حرفياً واكفين حراس اذا نتصل على بعض، رحت شفته بالزي العربي انصدمت حرفياً انصدمت نزعت الكبوس وضحكت وأردفت:

رُوماف: عزاا هاي شنووو

هُبار: بيوم سمعتج تكُولين لسـيلينا تريدين زوجج يلبس زي عربي

رُوماف: اويي كيوووتي

هُبار: شلوني؟

رُوماف: يلوك الك 

- كان لابس الزي العربي مثل الخليج حرفياً انغرمت ماكان ببالي انو يقبل يلبس ولو مامقتنع بس حقق امُنيتي..

- ضحكنه سوه وطلعنه للدخوليه كانت الكاع مفروشه بالفرشه الحمراء والورد، منضر الاضاءه والقاعه تخبل
لازمني من أيدي وبدينا ندخل للقاعه العُيون علينا وابتسامتنا حَلت الدخوليه أكثر، القاعه كانت مختلطه وكفنه وبدينا نرقص والمُصورين يصورون كُل لحضاتنا، قطعنا فقره الكيك ورقصنا بالسيف، واجتي فقره رقصنا سويه...