أولاد ذياب (الخطايا الخمس)

PART''''''''1

بين جدران القصر الشاسع الي تضيع بي الاصوات
بس صوت خلخال رجلي وهو يرج جدران القصر رج
بخطوات واثقة وراسي مرفوع بعز و شموخ

"وينهن؟"

"هناك بنت الشيخ هناك ، الله يستر عليج خليهن يوگفن الي جاي يسونه، صوتهن واصل عند الرجال"

وكفت و التفت و اشرت اله يروح

"تمام منجل تكدر انت تروح انا احل السالفة، وهم ضب
رجالك شوي خلهم يبطلون خفة يتمضحكون و مو منطين قيمة لأحد"

نزل راسة بحرج واضح

منجل: السموحة منج يبنت الشيخ، انا تهاونت معهم اوعدج ماعاد يتكرر هل موضوع مرة ثانية"

كملت طريقي و انا اكول

" خليك مصحصح يامنجل ترة ابوي ماعاد مثل اول... "

مشيت بطريقي و كل ما اقترب اكثر من الصالة صوتهن يعلى اكثر لحد ما ميزت اذني صوت اختي من بينهن

زدت من سرعة مشيتي و لمه وصلت شفتها وهي تتعارك مع زوجة اخوي

" ضنج اخذتي راحتج و زايد هم، انه اسوي الي يعجبني و لا انت و لا امثالج ألة حق يتدخل! "

" اخذ راحتي و غصبا عليج، شوفي عاد سكتت الج هواي تسوين نفسج بريئة وانت اخبث من الشيطان تحاولين تتقربين من بنتي و تحرضينها علي اكسر ايدـ.."

سكتن كلهن لمن صحت بيهن

"جعل ما تنكسر ايد حد غير ايدج!"

التفتن كلهن الي خصوصا حريم اخواني الي صفر وجهن يوم صحت بيهن، و اختي حورية هم سكتت

"وشنهو الي تسمنة هذا؟!، صوتجن واصل لاخر الدار! الرجال تضحك على صواتجن!"

الكل سكت، لين ما تكلمت حورية

حورية:  زين انج اجيتي يا شموخ، تعالي شوفي حية الرمل هذي! "

"انه حية رمل؟!!"

شموخ: اي و ما كالت الى الصدگ

تقربت من حرمة اخوي وهي تراجعت شوي

شموخ: بس تعرفين، العتب مو عليج العتب على اخوي الي ملفي هيج شكولات بالبيت، ههه، و الله ما جابلنه الضيم غير نسب بنت الرگاصة"

فتحت عيونها لدرجة حسيت راح يطلعن من محجرهن، وعيونها صارت جمر احمر، تعض بشفتها بعصبية واضح تحاول تكتمها

"اكلج شموخ ترة اختج هذي ال..."

قبل ما تكمل رفعت اصبعي بوجها وهي تراجعت

شموخ:  اوزني كلامج زين يا فتون، لا ورب العرش اگص السانج و اخليج عبرة لكل السلف، عفتج كم يوم ركبتي روسنة، وتذكري مكانج و منو انت ومنين جبناج و وين خليناج"

انلصمت و باقي حريم خواني كل وحدة اخذت بزرها و دخلت لغرفتها،

و فتون بقت مكانها متصنمة عيونها تطلع شرار وحقد وسم

درت وجهي لحورية