ترة الشمات ما ترحم
و تدور ورا الزين الزلهو الشماته وياي ابد ما ترهم
والي فكر بيها حاط بكلبة الف عله_الكسندرا الحاصد_💋🚬
_________________________________________
_ يالله ياسر كوم يخي نتمشى شوي
ياسر: يا خيه صاير مثل شموخ انت ما تركدين بمچان؟ وهم شعجب ما نايمه؟ مو من عوايدج"
تأفأفت بنزعاج و كلت
حورية: اختنكت يخوي اختنكت ضاگ صدري!
ضحك و تقرب علي مسح على راسي
ياسر: مو اخاف اناس تشوف هذي الحورية الحلوة
حورية: اي اي انت قشمرني بهذا كلامك تريد اي عذر بس عشان ما تطلعني
ياسر: غير اختي الصغيره و اغار عليها، تقبلين اموت من الغيرة؟
حاولت احبس ابتسامتي و ابقي وجهي زعلان بس ما كدرت و ابتسمت غصب عني، ضحك ياسر و اردف
ياسر: اييي اضحكي هية خربانه خربانه
حورية: يعني ما راح تطلعني؟
ياسر: والله مابية حيل
حورية: والعباس اروح لميسم هي دواك تعرف شلون تقنعك
وكفت اريد اروح، ركض هو وراي سحلني من ايدي
ياسر: تمام تمام امشي، عدلي حجابج
ضحكت و كلت
حورية: من كلت انها دواك ما جذبت
بعدنه ما تعدينه باب البيت جان نشوف رماح جاي ركض علينه
رماح: عمي ياسر!! عمي ياسر!!
عكد ياسر حواجبه و ترك ايدي و مشى لحد رماح الي وكف ياخذ نفس
ياسر: خيرك يا رماح؟ شفيك مخطوف لونك؟؟
رماح ياخذ نفس بالگوة و واضح انه راكض مسافة بعيدة
ياسر: خذ نفس يا رماح و گول الي عندك طيحت گلبي!
رماح: شموخ يعمي، شموخ!
تسعت عيون ياسر و صفر وجهة كمش رامح من كتافة بقوة و كال بنفاذ صبر
ياسر: شفيها شموخ؟!! انطگ يارماح شفيها شموخ!!!
حطيت اني ايدي على كلبي من ردة فعل ياسر و هم من توتري على شموخ، اخيرا بعد ما رماح اخذ نفس كال
رماح: شموخ على اطراف القبيلة و حامد ماسكها من جتوفها و يرفض يتركها!
ضربت على خدي دون وعي
حورية: سودة بوجهي ولك ياسر ألحگ عليها، هذا خبل ما يتأمن عليه!!
عكد ياسر حواجبه و ماصدگ خبر، ترك رامح و مشة بسرعة و قبل لا يروح كال لرامح
أنت تقرأ
أولاد ذياب (الخطايا الخمس)
Mystery / Thrillerقصة عراقية كتبت بقلم _ألكسندرا الحاصد _ هنا ستجتمع كل انواع المشاعر، لن تتوقع شيء لان بنسبة كبيرة جدا ان توقعاتك ستكون عكس التيار أولاد ذياب حيث يجتمع اشخاص غرس في قلبهم شوكة مؤلمة تمنع سير حياتهم بشكل طبيعي اشخاص يفعلون المستحيل من اجل تحقيق مطالبه...