(F)
.
.
. لاتنسون تصوتون على الرواية و تنطوني رأيكم بالتعليقات♡
______________________________________
_رُمد شبيك لا تمصخها عاد
_ انت راح تجلطني ذياب راح تجلطني!!!!!
_شگد جذاب، انت مو هياتك يمي سم و زقنبوت ما بيك
مسح رُمد وجهه منزعج وكل شوي يذب حسرات وحده اكبر من الثانيه
رُمد: راح يصير النه اسبوع واحنا دايحين بالبر، لا احنه راجعين لديرتنه ولا احنه لاكين قبيلة كهلان، ادري ذياب انت ناوي تخلينه نختمر هنا بهل شمس هذي؟!!
تمدد ذياب تحت ظل النخله وشماغه الاسود غطه بي عيونه من الشمس الي صايره فوگاهم مباشرةً بحرارتها الي ما تنحمل
ذياب: بس اصبر كم يوم بعد.... واوعدك راح نلگه حل
وهم صدگ، عبالك ابوك راح يستقبلك بحضن حار وانت راجعله بإيد فارغه؟!، بالعباس نديح اكثر مما احنه دايحين هسه
ذب رُمد الحسره العشرين لهذا اليوم، مشه وگهد مستند بضهره للنخله يم اخو الاكبر ذياب الي غمض عيونه وابتسامه باهته على شفايفه وعقله بعالم آخر تماماً...
**
ذياب: هاه، هم ضعتي مره ثانيه؟
گمزت مفزوعه من سمعت صوته ومن شافته شوي هدأت، وگفت هي تعدل حجابها الي ما يغطي شعرها الطويل، ابتسم من شاف شعرها الي يلامس نص خصرها تقريبا
ذياب: حجاب على گد فلوسك
عقدت حواجبها منزعجه من كلمته هذي ونهرته
شموخ: احترم نفسك، انه بنت...
ذياب: تاجر ابن تاجر ابن تاجر، حفظتها ماكو داعي تعيدين...، ما گلتيلي يا بنت التاجر شسالفتج تترددين لهذا المكان هواي؟
دارت هي وجهها وگالت:
شموخ: ما چان عندي علم ان المنطقه هذي متسجله باسمك
ذياب: لا، بس قريبا ان شاء الله راح تكون باسمي رسميا
دارت وجهها تباوعله لفتره وعيونها تشرح صدمتها من الي سمعته، وهو يتأمل حسن وجهها.
ما يگدر ينكر جمالها رغم انهم ما التقوا غير كم مره الا ان الي جذبه اكثر من جمالها، لسانها الحاد وجرأتها
رفعت حاجب واحد وگالت....
شموخ ": تتسجل باسمك؟ راح تشتري منطقة الصيادين؟؟
رفع هو حاجب واحد مثلها وگال....
ذياب: اي، وشبيج مستغربه عجبتني المنطقه و افكر اشتريها، خايفه اذا اشتريتها احرمج تجين هنا مره ثانيه؟
باوعتله ما عاجبها كلامه، دارت وجها منه وگالت....
شموخ؛: ما يهمني اصلا عادي
أنت تقرأ
أولاد ذياب (الخطايا الخمس)
Mystery / Thrillerقصة عراقية كتبت بقلم _ألكسندرا الحاصد _ هنا ستجتمع كل انواع المشاعر، لن تتوقع شيء لان بنسبة كبيرة جدا ان توقعاتك ستكون عكس التيار أولاد ذياب حيث يجتمع اشخاص غرس في قلبهم شوكة مؤلمة تمنع سير حياتهم بشكل طبيعي اشخاص يفعلون المستحيل من اجل تحقيق مطالبه...
