كاتم ضمير

الفصل الثالث عشر

#كاتم_ضمير

((( بقلم زينب ماجد )))

الحلقة_١٣

عشت الخاطرك تحلف بخلكي الناس
انازع و اليمر يشوفني مدلل
(ايهاب المالكي)

لزمني من ركبتي و مينا ظلت تتلاوى ويا الملثم
تلاثة هم ورابي يتكاتل ويا الاول .. امي وميس كامن يصيحن .. ومينا مدت ايدها وكمشت بلثام التتلاوى وياه .. وصوت هوسة هوسة

اني اجر بروحي واصرخ وهو يجر بيه من رابي
فلت رابي من ايد الملثم طفر على اللي لتزم مينا ، دفره بظهرة ومينا جرت لثامه انكشف وجهه كدامنا .. منعرفه بس اللازمني عافني وركض على مينا ورابي.

تلاثتهم التموا على مينا ورابي .. طلعت اني للشارع اصرخ : يااااا نااااس يااااا عالمممم

وميس لحكتني بصياحها
بسرعة طلعوا من البيت دفعوني من الباب وركضوا ، ركبوا سياراتهم ومينا ورابي ركضوا وراهم

وكفنا بالباب نبجي وصوت النحيب عالي
كامت امي تصيح من جوا ، ركضت الها مسمعت ولا ردت اسمع شي بس ذبيت نفسي بحظنها ارجف وابجي وهي تصيح : منو ذولة شرايدين من عدنا .

كمت ابجي بكل قوتي بحضنها وميس كابلتنا وكعدت تبجي ، رجعت مينا : شردوا ولد الكلب .. وبس شفت واحد منهم ، شفتوا جريت وجهه ...

ميس : يشردون من عدنا ، شسوينا كافي والله تعبنا من المصايب والله تعبنا .
كامت تضرب بيدها ..
امي تبجي وتمد ايدها لميس تقربتلها ميس وكامت تبجي وتصيح بحضنها ..

طب رابي : ما لحكتهم بس شفت واحد منهم

ايناس : وهسه شنسوي ، كلبي راح يوكف من الخوف .

رابي : ما ادري نخابر خالي لو شلون

مينا : وخالي فاندام راح يحمينا ، خل نروح للشرطة نكللهم يحمونا شوف شيسوونا

من كالت شرطة تذكرت عابد ع الخط
ركضت لتليفوني ، اريد الزم التليفون الرجفة بعدها بجسمي ، حجيت:  الو

صرخ : شصار ويااااج احجيلي

- راحو ما اعرفهم

- منو ذولة فهميني شفتيهمممممم

كمت ابجي بقوة اريد احجي ميطلع من من بلعومي الكلام .. لزمتهم وخنكتهم الي احسها بعدها بجسمي ، وعابد يصرخ : اني جاي بالطريق ايناس لا تبجين

اهلي يباوعون عليه
عفتهم وكمت لمكان ثاني وهو بعده يسأل : بس حاجيني ول الله يهالعثرة  طك كلبي اذوج

- لا رابي ومينا كشفوا وجه واحد منهم .. وشردوا

- منين ذولة مكالو شرادو شحاجوج

- عابد اني كلش خايفة ، والله خايفة

- ول الله جايج جااااااي يا محممممممد ...  غير يخلص هالطريييييق