#كاتم_ضمير
#بارت_11
((( بقلم زينب ماجد )))
♥♥♥/❣❣❣/💓💓💓
احـــط مـوعـد لنسيـانـك
وأرد ردود
احـط للموعـد البيه ننسه موعـد
(ايهاب المالكي)
ايناس : كملت شغلي ورحت كعدت يم ماما .. بس عادتي لإن اشتغل بالمستشفى .. ما احب اكعد بالردهة اختنك .. اروح اكعد بغرفة الممرضين او بالرسبشن ..
ليلة جمعة وهدوء .. وزميلي اللي ع المكتب جان كاعد ، كال : ايناس ماطول ما عندج شغل لزمي مكاني على ما انزل اجيب عشاي واجي
- روح
صبيت جاي من الترمز وكعدت اشرب جاي واكلب بالتليفون .. ب٨ عدنا تنكطع الزيارة ممنوع اي احد يفوت للردهات .. نتحاسب .
كاعدة على كرسي دوار .. ودايرة ظهري للمكتب وتليفوني بيدي اندك الميز وراي : العفو بلا زحمة وين اكدر الكا الخالة جنان
ابتسمت وعرفت صوت عابد ، انداريت بالكرسي واني منتجية : ممنوعة الزيارة حاليا عزيزي ، تكدر تجي الصبح .
- بس اوديلها البيدي و اطلع ما اتأخر وعيونج الحلوة عزيزتي .
أبتسمت:- وين الامنية اكو احد ديتغزل بموضفة اثناء واجبها .
- والغزل عليه يولي
،- طبعا
- عجل يابه اعتقليني يمعثورة اني فد واحد خطير
- مديت نفسي من الكرسي انتجيت ع المكتب واني مبتسمة وهمستله : لخاطر المعثورة راح اعفي عنك
- يول عثرتي كلبي لا هيج وياي شوية شوية، والله اني كلبي رجيج بسرعة يذوب .
ضحكت وعدلت نفسي : شعندك جاي لماما
- ما جاي ع الماما على بنت الماما طلبت مني كريب وهذا اول طلب يطلع من حلكها وتطلبه مني، ترضاها غيرتج اردها عزيزتي .
- اذا كريب طبعا ما ترضاها عزيزي انت
- اخ يابه والله كلبي وجعني هاج
- مو اليه مو اليه .. انطي لاهلي
- اي زين عجل تسمحيلنا نفوت
- كدامك ٥ دقايق بس
- شسوي بالخمس دقايق واني الجاي على عيونها واكفة كبالي .
- تادب عزيزي
- هو يم عيونج يبقى ادب ول يمعثورة .
مشيت كباله واخذته للردهة مال ماما وكف .. سلم عليها وكال الها : اني النقيب عابد اي شي تحتاجينة امانة الله ورسولة تعتبريني ابنج .
بقت اني وخالتي يتشكرن منه
انطاهن علاكة العشا .. كامت خالتي تتعذر منه :لا خالة وما يصير وعليمن كلفت روحك .
جان يكولهن : ايناس غالية وانتم على غلاتها بحسبة اهلي .
عزا شهرني والله
طلعت من عدهم : هاج الكريب ووياه الخردة الدفعتيها الظهر من تعيدينها بعد ول والله اصكعج .
أنت تقرأ
كاتم ضمير
Roman d'amourتدور أحداث الرواية حول ممرضة تتعرض للابتزاز لقتل مريض قائمة على علاجه ،فتلقى الضغط من اهل المريض لتقع وسط حيرة الضمير و إنقاذ المصير ..... كاتم ضمير كل الحقيقة محفوظة للكاتبة زينب ماجد ... طبعا انا بنقل فقط الروايات المشهورة و التي وقع نقلها من قبل...
