غـࢪبيـب اݪاسـود

"غربيب الثالث"

«~غربيـب الاسـود~»

﷽ .

بقلـمـي: ريـم الطـائـي

‏﴿فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ﴾.

انشـرو القصـه على تيك توك وانستا وشاركوها لاصداقائكم ودزولي الروابط حته ادعمـكم..

- خَذلتوني وكأنني ألد اعدائكم
تَكرار ألخُذلان ارهَقني وَغِيابكم قد ارهَقني
كُنت ألجئ أليكم وَاخَبركم بأن ألجَميع اخذلني
كَطفل هَرول ألى أمهُ باكَياً لَتحضنه فَتلقى
صَفعه ليكُف عن ألبكُاء لَيس هُناك أصعب
مَن ان تتلقى ألخذلان مَن شَخص مُهم في حياتك
ففي ألَخيبات نَبكي بصمت وفي الخذلان نَبكي في عقولنا .

تصويـت للقصـه+تعليق حلوو+مشاركه لاصدقائكم

★★★★★★★★★★★★★★★★★★★★
نـور الهـدى

كعدت ثاني يوم كمت وراسي مصدع من الكتل الي كتلني ياا اخوي كمت واخذت ملابسي وطبيت الحمام وسبحت والمي ينزل علي جسمي والوجع يزيد كملت وكفت اباوع على المرايه واشوف وجهي وجسمي كله اثار ضربه..

بجيت من تذكرت ابوي جان ميقبل احد يضربني كلت بهدوء'رحت يا بويه وبعد محد يرحمني'

لبست دشداشه سوده وكفت اباوع على نفسي جميله اني ذات شعر اسود متوسط الطول وعيونـي عسليه وشفايفي منفوخات وعندي خدود وخشمي صغير...

طلعت تلكتني امي كالت
ام نور الهدى: ها يمه شلون صرتي؟

جاوبت بنتر وضوجه
نور الهدى: منوره ابنج اصير زينه؟

نزلت راسه وكالت
ام نور الهدى: يمه شبيدي عليج

نزلت دمعتي وكلت
نور الهدى: لو ابوي موجود ميقبله عليه

عفته ورحت للبنات جانن كاعدات

كلت بهدوء لفاطمه
نور الهدى: شلونج حبيبتي بيج شيء؟

كالت فاطمه بذنب
فاطمه: كله من وراي كتلجن

كلت بهدوء
نور الهدى: لا تحجين هيج معليج بي خلي يولي تعالن نتريك..

كمنا سويه جنت اني الجبير عمري 16 وفاطمه الصغيره الي بينه..

كعدنه نتريك كعدت اكل وتذكرت

العوده الى الماضي

كعدت الصبح لبست ملابس المدرسه ونزلت فرحانه جنت مسويه كصايب اني ممحجبه ونزلت لكيت ابوي كاعد على السفره..