بنت بمدرسة اولاد "روح أخي "

الجُــزء الـسَـابِـع والـعِشــريـن

اللهم إنك عفو كريم تحب العفو فأعفُ عني
اللهم أغفرلي وأرحمني

لا إله إلا الله الحق المبين
لا إله إلا الله ربنا ورب ابائنآ الأولين

صلوا على الرسول ﷺ
""""""""""""""""""""""""
الجُــزء الـسَـابِـع والـعِشـريـن : رُوح أخِي تَحوُم حَولِي
""""""""""""""""""""""""

خلص مجد البودنق وراح دق باب غرفة ميلاد ما لقى رد وفتح الباب وهو يعتقد إن نام زعلان منه
ما لقاها وتنهد وهو يقول /الساعة اثنين وين اختفى هالبزر ؟؟

تذكر مجد سؤال مراد لمالِك عن رقم غرفته وقال بنفسه ~معقول راح لعنده ؟؟؟
لا مستحيل اليوم عرفه وانا اشدخلني وين يروح ووين يجي لجهنم يروح هو ورأسه المربع

جلس مجد على الكنبات بالصالة وهو معصب ونزل اكواب البودنق على الطاولة بقوة لدرجة كانت بتنكسر ..جالس ويزفر بعصبية ويقول ~الي دخلني المهمة ذي لازم اكملها واتخلص منه ذا هدفي وعشان كذاا انا امشي وراه ما في سبب ثاني

قام وشال أكواب البودنق وراح غرفته سكر الباب بقوة وهو يقول /عساه ما كلا انا اكل احسنلي

جالس يحشي فمه وهو معصب من ميلاد ويتخيلها تضحك مع مالِك ورجع يتذكر منظرها وخصرها باين وتراكض وراء مالك ...حس بالحريق رجع يشب بصدره بقوووة وجلس يأكل بودنق ودموعه تتساقط ما يدري ليه او بالأصح مو حاب يدري ويعترف لنفسه ...

.
.
.
جالسة ميلاد على الكنب شالت اللابتوب فتحته ودخلت الفلاشة فيه وكلها لحظات جاها مالِك مدلها كوب وكانت تتفادى النظر له /رح ألبس

مالِك وهو ينزل كوبه بعد ما عطى ميلاد كوبها/ ليه يا مُز تستحي ؟

ميلاد وهي تناظره /لا وين استحي منكك كلنا رجال 

مالك /ههههههه فكرتك بنت بروح ابدل

ميلاد / وانا فكرتك رجال

ضحك مالك وهو يمشي لغرفته /حلوة حلوة

سكر باب غرفته ووقفت قدام التسريحة حط يداته عليها وناظر عيونه الخضر تبسم وضحك وهو يقول بنفسه ~مين كان يتوقع ميلاد عندي بالشقة بعظمها ولحمها لو يدري اخوي بيستغلها مستحيل اخليه يعرف

ناظر بجسمه وكان يتفحص عضلاته بإعجاب /حلو

فتح دولابه وطلع ملابس شورت لتحت ركبه وتيشيرت خفيف ناعمم طلع من الغرفة وهو يناظر ميلاد تبسم وهو يشوفها تشرب /إن شاء الله عجبتك قهوتي ؟

ميلاد /حلوة مو منك من جهاز القهوة حقك

ضحك مالك وهو يجلس جمبها /زين اني احط القهوة بالجهاز والكوب تحته يعني اني سويتها انا
فتصير بنكهة يدي