الفصل التاسع: مصاصة !!!
رواية : لعبة."مين حبيبك؟".
الكاتبة: ندا صابر
وبعد ساعة قضوها في المكان قالت أميرة بنبرة طفولية: عايزة مصاصة
ليث: مصاصة!؟.. هل أنتِ صغيرة؟؟
أميرة: ومين قالك أن المصاصة ليها علاقة بالسن !
ليث: نعم فهذه للصغار فقط
أميرة مليش دعوة بقا انا عايزة مصاصة
ليث: اسمحي لي أن أحدثكِ بالعامية يا سمو الأميرة
أميرة: ايوا اكيد طبعا ، اخيرا حد هيكلمني بنفس لهجتي
ليث: هو مسموح ازعق فيكي؟؟
أميرة: يعني انت اول واحد!! زعق يعم براحتك انا نحّست اصلا من التزعيق هههههههه
فابتسم عليها ثم قال بصوت مرتفع نسبياً: مصاصة ايه يا ام مصاصة انتي .. انتي مش صغيرة يا هانم
لوت فمها مثل الأطفال وقالت: يعني مش هتجيبلي مصاصة ؟؟
ليث: لا مش هجيبلك
وقفت وقالت لنفسها بلوم: انا ايه اللي جابني هنا!.. منا قاعدة في بيتي معززة مكرمة بجيب مصاصة براحتي .. انا عايزة ارجع
ثم أمسكت بحقيبتها وعزمت علي المغادرة فتحركت خطوتان ثم عادت وقالت: ليث
فنظر لها فقالت: تعالي وصلني
فوقف بجوارها وأمسك يدها وقال: لكن يا سيدتي انا لا أعرف أين هو قصرك!
أميرة: انا مش عايزة ارجع القصر
ليث: حسنا .. لنعود للبيت إذن
أميرة بنظرة طفولية: هتجيبلي مصاصة؟؟
ليث: لأ
كادت أن تتحدث فقال ليث: لأ يعني لأ
فصمتت طول الطريق إلي المنزل
بعد دقائق في غرفتها كان تفكر فقالت لنفسها: ايه الغباء اللي عندي دا !! ... ما هي قدامي اهي
فقامت بتغيير ملابسها لطقم مريح وذهبت إلي غرفة ليث قائلة: ابو الليوووثث
فنظر لها ثم أشار خلفها قائلا : ما هذا؟؟
نظرت أميرة خلفها وهي تقول: علي ايه؟؟ .. تقصد الباب ؟
فأومأ لها فقالت: ايه العبط دا؟؟... دا باب
ليث: وما وظيفته؟؟؟.
أميرة: بيقفل الاوضة
ليث: وحين يكون مغلقا.. ماذا نفعل؟؟
أميرة: ايه السؤال داا !!! . نخبط طبعا
فنظر لها قليلا فاستوعبت أميرة ما قالت
فقالت بسرعة: يوووووه قصدي نفتحه علطول.. احنا لسة هنخبط؟؟ ونستني لما اللي جوة يسمع وبعدين يقول مين ويفكر يقوم وو...
ليث بمقاطعة: حيلك حيلك... المهم انتي عايزة ايه ؟؟؟
أميرة: ااه صحيح كنت هنسي ... هو الأمير عنده أصحاب غيرك؟؟ أو يعرف حد غيرك؟
ليث: لماذا تسألي؟؟
أميرة: لا دا سؤال عادي جيه في بالي
* لكنه لم يكن عاديا فكانت تريد الوصل لشيء ما *
رد ليث قائلا : .. .......... ......
أنت تقرأ
لعبة."مين حبيبك؟".
Fantasiبنت 👩عاديه بتتغير حياتها ١٨٠ درجه من وقت ما بتلاقى القلم🖊 الغريب 🚫غير مسموح بالاقتباس او نشر الروايه فى اى مكان بدون اذنى🚫 |*الوصف كامل في المقدمة*| بدات كتابه✍الثلاثاء 5/9/2023
