﷽
رواية _ لِــثـأر الـخِـيـلاء
بقلمي _نور الزهراء
♡___________________♡
بعدنِي بعازتَك والموت مُو وكتَه
خل يرحَن عِيونِي ولا ترُوح انتَ
♡________♡
لــيـلـى...
قبـل عــــشـرين ســنة...
في يوم جميل مليء بالسعادة وأنا انظر العائلتي الي ماكو شي يمنعهم من السعادة والضحكة دائما على وجهنه.
جان عمري فقط 6 سنوات.
جنت طفلة من اب عراقي وام ايرانية...
ما جنت اعرف اللغة الفارسية لان ماما متعلمه اللغة العربية ويحجون كدامي عربي.
ماما وبابا اتزوجو عن حب دام ثلاث سنوات بيناتهم ياله ثارت من نصيبة.
حسيت تصرفات بابا وماما مختلفة يعني حسيتهم ما متوالمين سوه ابد ...
ماما الي جانت يوم واحد ما تكدر بدون بابا ضلت اتروح اتسافر الايران يم اهلها وحدها وتاخذ بس اختي الصغيرة وبدون بابا وما تسئل عليَّ انه.
جانت اختي الي اصغر مني عمرها سنة ونص.
عائلتي جانت متكونه من بابا وماما وانه واختي ما جان عندي اخ وهذا قضاء ربي والحمدلله.
لمن رجعت ماما من ايران جان تصرفها كله يختلفف ابد ابد مو مثلها امي الي اعرفها ابد مو نفسها امي الحنونه، الطيفة، الجبيرة بعقلها وصغيرة بعمرها.
بابا بطبعه ما يحجي ويبقه ساكت ويعدي تصرفاتها والفاضها الي تلفضها كدامي.
وانه بوقتها هسه توني اتعلم وما ايصير تتلفظ بهيج اللفاظ.
كثرت غلطها واللفاظها كدامنه وبابا ما يحاجيها بسبب حبه الها.
رحت البابا لكيته كاعد بالحديقة اول ما شافني ضحك وفتحلي ايده حتى اجي اله..
وانه كعادتي رحت اله اضحك واركض حتى اوصل الحظنه.
وهو ايدنك ايصير بمستواي.
واوصل يمه يحضني ويشيلني يفرني وانه الضحكة ما اتفاركني.
_ يا حبيبت ابوج يا روحه يالشايله اسمي..
_ بابا شنو شايله اسمك؟
_ هههههههه يعني هسه انه من اطلع بالشارع تدرين شيكلولي؟..... يحجيها بلهجة الاطفال يفتح عينه حيل حتى ايصير عندي فضول اكثر...
_ شيصيحون؟
_ ابو ليلى الوردة الامورة، دكتورة ابوها.
اضحك واحجي..
_ بابا اوكف اوكف خلي اصيح شمس.
نزلت من حظنه وركضت كبلل الــشـﻤـس شلتها كوه واخذها البابا اول ما شافني ضحك واجه شالها مني.
أنت تقرأ
لِـثـأر الـخِيـلاء
Mystery / Thriller.يتهمونك بالاكتئاب، لكن لا أحد كلف نفسه ولو قليلاً لمعرفة حقيقة ما تمر به من صراعات نفسية بداخلك، لا أحد يعاني لأنك تعاني لتكون بخير. اكتفي بهذا الوصف المنقول. ادخل وشاهد الرواية بنفسك... رواية_ لِـثـأر الـخِيـلاء بقلمي _ نور الزهراء ✎
