Devil Hubby (On Hold)

𝟷

Words count : 1470

___________________________________________

Delhi ,Subah ka Waqt,

Rathore Mansion ke andar Kafi Chahal pahal thi vahan Sabhi log apne-apne kam Mein Lage hue the Vahi bahut Sare servants pure ghar ko Saja rahe the

Tabhi Sulekha ji ,jinki Umra lagbhag 83 Sal thi ,Apne room se bahar aai aur sari taiyariyan hoti dekh ,Samne Khadi Hui apni Bahu Amani se boli , "sari taiyariyan kaisi chal rahi hai, Amani ? "

50 sal ki khubsurat dikhne wali Amani, Sulekha ji ki aur Dekhte Hue boli "taiyariyan to theek chal rahi hai maa, lekin samajh Nahin a Raha Apeksh Ne Achanak se shaadi Karne Ka Faisla Kyon liya? "

Iss par Sulekha ji ne kha, "pta nhi Amani, kab kya chlta hai uske mann mein. Ab hum uske faisle ke khilaaf bhi to nhi jaa sakte"

Ye sunkar Amani ne ek lambi saas lete hue jawab diya "theek khaa maa aapne. Khar chhodiye main baaki ki taiyaariyan dekhti hu"

Amani ki baat sunte hi ,Sulekha ji boli, "theek hai"

Sulekha ji , Apeksh ki dadi aur Amani , Apeksh ki Mom hai. Rathore Mansion mein aaj uss ghar ke bde bete Apeksh singh Rathore ki shaadi hone wali hai. Jisne kal raat achanak apni shaadi announce kr di.

Apeksh Singh Rathore desh ka ek bahut bda Business tycoon hai. Jiska parivar waise to bahut bda hai lekin kisi mein himmat nhi ko vo Apeksh ke khilaaf kuch bol ske kyonki uske saamne kisi ki bhi nhi chlti.

Rathore Mansion mein, jha ek taraf itni afra tafri ka mahool tha vahi doori taraf, usi ghar ke ek room mein do ladkiya aaram se so rahi thi. Tabhi Amani uss room mein aai aur unhone uss room ki khidki khol di. Fir wo dono ladkiyon ko uthane ki koshish karte huye boli, "Samiti , Shanya dono ke dono utho, dekho suraj kab ka aa gya. "

Tabhi un donon mein se ek ladki ne apne Chehre ko takiye se dhakte Hue Kaha, "Kya hey Mother India? Suraj Hota bhi to Humse pahle Hain"

Amani Ne uska takiya chhinte Hue jawab Diya "Achcha ji, abhi batati hun. aaj ghar mein Shaadi Hai Aur ghar mein bahut se kam hai. Chalo utho dono jaldi se"

Tabhi Amani ki Najar use dusri ladki per Gai aur vah use Gaur Se Dekhte Hue boli, "aur ise Dekho, Kaise aaram se so rahi hai. Shanya utho beta......."

Tabhi vah Ladki Jiska Naam Shanya Tha, Apne Sur Mein boli "aunty bus thodi der aur, kal to hamare exam khatm Hue hai, Thoda to so lene do"

Un donon ki baten sunkar Amani ko irritation Hone Lagi aur vah chillate Hue boli, "Nahin, bilkul Nahin, ghar mein shaadi hai Aur Tum donon Dekho, ab tak so rahi ho, Itna sara kam hai abhi"

Tabhi Samiti apni Aankhen malte Hue uth kar boli "shaadi ? yah Bhala Kaisi shaadi Hui? Ek Din pahle bataya ja raha hai ki kal Shaadi Hai Aur yah bhi nahin btaya Dulhan kaun hai"

Ye hai Samiti. Ye 20 sal ki hai aur ye Apeksh ki choti behen hai. Ye dikhne mein to kaafi sundar hai lekin zara bhi ladkiyon ki tarah nhi rahti. Aam ladkiyon ki tarah shopping karna, makeup karna, ya dress up Hona usse Jyada Pasand Nahin Hai yeh jyadatar Tomboy Ki Tarah hi rahti hai

Samiti Ki Baat sunkar Amani Halki Si smile karte hue boli "beta tumhe pata
Hone ya na hone se kya ho jaega? Vah Apeksh ki wife banne wali hai use pta haui ki wo kon hau, aur vaise bhi kya tum Kuchh puch sakti ho Apeksh se"

Tabhi Shanya Ne uthate Hue hanskar kha

"uss Devil se, ye poochhegi ? Aunty Shayad aap Bhool rahe hain Hamari Samiti sirf Hamare Samne hi Sher banti hai apne bhai ke samne jakar to wo ekadam Bheegi billi Ban Jaati Hai"