هِلال .

الشَطر أَلرابَع✩.

اللهُم صَلي علىٰ مُحمد وآل محمد.

#هِلال.
لِــ : رايَن .

-ضع نجَمة قبل
البَدء ⭐.

                           -

يَسُـر ...
رجَعت للبيَت بسرعة لٱن تأخر الوقت أَخواني هسَه بقوا وحَدهُم أَخاف يصَير عَليهُم شي .

مِن وصَلت لگيتهُم گاعَدين يَم البَاب ينتظرّوني أَجَيهُم لٱن البَيت محَد بَي ,أَهَلي يطلعَون ويرحُون ويَرجعون ومَا يهَتمون إذا مِتنا أو عَشنا أَهم شي عَدهم يطلعَون ويتونسَون ...

بأَختصار أُمي وأَبوي أَشخاص مَا عِدهُم ذرة مسَؤلية عَلينا يعَوفونا أَيام وأَسَابيع لا وأَشهُر هَم يسَافرون ويرحَون ويرجَعون ومَا يسَألون عَنه لو مرة مَو كُرة بينا بَس هُم ينسَون إنو عدهُم إطفال يحَتاجونهُم يحتاجون ذرة مِن حنانهُم ومِن وقتهم .

أني وأخواني التؤم الأَثنين مؤمَل و مَؤثل ,أَني ربَيتهُم وأني أَهتم بَيهم ولحتىٰ أَكون واضحة أَكّثر إني إلي أصرف عليهُم هَم وأَعَيشهُم ومَعيشه نفسَي .

وهَذا الشيء كُلش صَعب ,صَعب تكّون مَسؤل عَن أَطفال وإنت طفل ,تحَتاج تنطِيهُم أَهتمام بَين مَا إنت تدّور وأحَد ينطيك مَنه لو شويَةة .

بَين مَا الناس تنام وتطِلع وتتونس وتعَيش حَياتها إني لازم أَعَيش وإربَي أشخاص واطلع إشتغل حتىٰ إعيشهُم واعيش نفسَي ... لٱن الأَهل مَاكو أتعَب كُلش أتعَب مِن حَياتي اريَد أخذ راحَة لو يَوم بَس ما أَگدر .

أفكّر أَشرد أو أَختفي مِن الوّجود لٱن مَحد راح يسَأل عني بكُل الأَحوال ... بَس ماكّدر لٱن اخواني شنِو ذنبهُم ؟ أَحاول ما أَخليهُم يعيشون إلي أني عَشته ودا أعَيشه بَس ومَو هُم شِنو ذنبهُم إني هَم شنو ذنبي إنولدت بهَيج عَائلة وهَيج بيئة مُهملة!!.

شنو ذنبَي أَحلم أَعَيش حَياة عاديَة وطبيعَية مثل العَالم ,عَائلة بيهَا دفئ وحَنان وأَهتمَام وطلعَات عَائلية لو يَوم واحَد بَسس يَوم ماكُو .

أَشوف صَديقتي هِلال إذا وگعت أَمها تگلب الدَنيا بَنتي تعوّرت ومَا تخليَها تسَوي إي شي تخاف عَليها لا تتأذىٰ هيچ تحَب بَنتها لدرجة تحِسها جَوهرة ثمَينة تخاف عَليها تنخدِش أو تخسَرها بيَوم .

وإني مِن أَشوف هَيچ ماعَرف شنو يجَيني شعور ماعرف أوصفه !
بَس يحَرگ إحس نفسَي راح أنفجَر أو هيچ نار تبقى تحرگ بيه مِن جوة .
ليش أُمي مَا تحَبني هَيچ؟؟
ليش مَا تهتمِلي !

ليش مَا تسَألني إذا مَحتاجة شي .
ليش مَا تحضني تحَسسني بالأمان !,ليش مَا تخاف عَليه مِثل مَا بقية الأُمهات يَخافون علىٰ بناتهُم ويَدللوهم ليش إني مَا إلي أي أَهمَية بحَياة أهلي؟؟

ليش إني مِن بين كُل البَنات هَيج مِن صَغري وإني اعاني مِن هَيج مِن چنت بالأبتدائية محَد يجي يسأل عليه مِن بَين كُل البنات ليش إني هَيج؟