استغفر الله
الحمد لله
لا إله إلا الله
الله اكبر
....................
و طلب محد يدخل بعدها راح للمى الي بدلت ملابسها و دخل يبدل ملابسه راحت اللمى لوهاج الي اشتاقت له قربت منه بس بعد عنها ودرت أنها بعدت عنه كثير قربت منه بس كان يبعد : آسفه وهاج لا تزعل مني بس الظروف كانت اقوة مني
قرب منها وهاج ضمته و صارت تمسح على شعره : تدري في عندي سوالف كثير لازم اقولها لك
جاء سياف من وراها و هو مبدل ملابسه ولبس ملابس الفروسيه مثلها
سياف : جاهزة لخسارة
اللمى بغرور : مو اللمى الي تخْسَر اللمى تخَسْر
سياف : ما يبيلها اثنين عشان يوضح الخسران
اللمى : أي نشوف مين الخسران
ركب سيّاف برق و تجاهلها و هي قربت منْ وهاج وهي عازمه على الفوز : يلا نوريه مين حنا بنفوز عليهم ارتفع وهاج على اقدامه الخلفيه وهي تسمع صهيله و تدري انه فهم عليها ركتبه وهي تمسح على راسه
سياف : يلا الي يرجع اول لنقطة البداية هو الفايز يعني انا يلا بعد للثلاثه مستعده للخساره 321
و أنطلقوا الأثنين بسرعه كان سياف المتقدمه كانو يتسابقون بسرعة كبيرة لدرجة طلعو من العزبة وهم يركضون وعارفين وجهتهم لان مو اول مره يتسابقون
_________
بالبيت اول ما طلعو سياف و اللمى لف سياف على آل حاكم الي يشوف عللمات الاستغراب بوجههم : العذر و السموحه منكم شوية مشاكل اعذرونا
حاكم بأستغراب : لا ولا يهمك عادي اذا مشغولين نجيكم بيوم ثاني
سياف : لا والله ما تطلعون انا حالف تبي تردني ومافي شي بس سياف عصبي زيادة اعذرونا
حاكم : معذور معذور و ما عاش من يردك يا سياف
اجل يلا حياكم ادخلو
عند الحريم الي جالسين
الجده فهده : عسى بس مانكون جينا بوقت مو مناسب
سلمى : لا ماعليك يا فهده حياكم بأي وقت أنتو من اهل البيت شوي مشاكل عارف الأحفاد
نوف الي عارفة انها داخت من قلة الاكل و التعب مثل كل مره تنحبس و بترجع بعدين مع سياف تضحك ومبسوطه و قامت بتصب قهوة: خلوني اقهويكم
قامت سماء : عنك يمه
نوف : لا يمه اجلسي مع البنات
سماء : لا ماعليك انتِ استريحي انا بقهويهم
لفت على الحريم تقهويهم وصلت لعند صالحه الي تبتسم لها : ربي يحفظها لك يا نوف كبرانه و كل ما كبرت زادت حلاوه
ابتسمت سماء بخجل و ردت نوف : ربي يسلمك و ماشاءالله بعد البنات كبرانات وحليانات ربي يحفظهم لك
صالحه : امين يارب و يحفظ الي عندك
ضيفت سماء البنات و جلست جنبهم وهم يخزوها و يناظرون لها ويضحكون على خجلها الجميل
سماء : يمه بنطلع انا و البنات فوق
نوف : تمام يمه اطلعوا و خوذي لكم تسالي
سماء : ابشري يلا عن اذنكم
ردت صالحه الي تبتسم لها : اذنك معك يمه سماء
ابتسمت سماء الي زاد خجلها وطلعت هي و البنات
__________
كانت تسابقه وشعرها يطير بفعل الهوا وهي تضحك وهو مبسوط و يبتسم من ضحتكها الي من زمان ما سمعها قربو يوصلو للعزبه
سياف بصراخ : شوفي مين بيخسر الحين ياللمى
اللمى : اي نشوف
كتان متعديها و أول ما بدو يوصلو زادت سرعتها و سبقته وصلت قبله وهي تضحك : سبقتك سبقتك
نزلت له و نطقت : احم احم تشوف ما يطلع لك مع اللمى محد يفوز علي
سياف بتكبر : أي اصلا انا خليتك تفوزي ولا كان يمدي افوز عليك
اللمى : ننننن اتحداك ما تقدر اصلا
سياف بتجاهل : أقول يلا تأخرنا أمشي نرجع
اللمى بضيقه : امم تم بس خلينا نمر ناخذ قهوة عشاني سياف
سياف : تم كم لمى عندي يلا امشي نبدل و نطلع
اللمى : افضل أخ دقيقتين بس وعندك
وراحت تركض
أنت تقرأ
« لين يرضى علي عذّب اللمى »
General Fictionاول رواياتي و اهداء إلى منْ كَانو ولازَالو أخوَاتي قبّل صديقَاتِي كاتبتكم : حـّلا .
