درب الهوى مافيه بين كاسب وخسران

٩

سعود بصدمه:كيف ذي ثلاث بنات بمدرستنا !!
انصدم وبقوه بعد مده من التفكير انه يعلم او يستر توجه لغرفة البنات بسرعه وبدون ماحد يحس ، دق الباب
وهج:وجع مين الحين الي يدق
عتام ببرود:افتحي الباب
وهج وقفت وتوجهت تفتح الباب ، وسعت عيونها ونطقت:خير وش جابك !
سعود لف يمين ويسار ودفها ودخل ونطق بحده:وش جابكم المدرسه !!
عتام انسدحت وتلحقت ونطقت:دزها غرفتكم
سعود:بنت اخلص انتِ وياها وش جابكم المدرسه ذي وخير بنات بمدرسة عيال
وهج فزت ونطقت بربكه:وشو الي بنات انت تسوقها ولا وش
ليال:بنات !! حن مب مالين عينك
سعود وهو يانضر عتام الهاديه ولي ما نطقت بحرف:قولو لي بستر عليكم ولا احد بيدري
عتام رفعت راسها له:متأكد ، ما بتتكلم
سعود:ي بنيه اخلصوا ولله ما اتكلم
عتام ناضرت بوهج الي بدأت تسرد كل شي لسعود من طقطق لسلام عليكم
سعود بدهشه رفع حاجبه:يعني ذي المديره تكون زوجة رماح اوب
عتام هزت راسها ونطقت وهي تتلحف:هيا دز برا
سعود رفع حاجبه وهو يناضر بردها ونطق:يا برودك
عتام ما ردت ، وهج نطقت:صدف انقلع عند اخوياك
ابتسم سعود لها ابتسم مستفزه وطلع
وهج:يععع يقهر مره
عتام رمت المخده على النور وانقفل ونطقت:نامو ورانا مدرسه بكرا
فزت اول ما تذكرت السالفه حقت همام
ليال:وشفيك ؟
عتام:نسيت همام بساحة المدرسه
وقفت وهج ونطقت:ولا تفكرين حتى
ابتسمت وتوجهت لدولاب تاخذ لها ثوب شتوي لونه زيتي وأخذت شماغ تتلثم فيه
حاولو البنات بس نطقت:ورب الدين لو احد يلحقني ياويلكم
هزو روسهم البنات وطلعت لساحة المدرسه المقفله شافت همام ونواف
واقفين وسعود مب موجود ابتسمت بخبث ونطت من فوق السور ودخلت المدرسه ، توجهت له ونطقت:اوف تأخرت
همام:مستعجل لموتك
ضحكت وقربت وهي تمسك يده من ورا وتجلس على ضهر بس بحركه سريعه من همام اعتلها وشد على يدها المكسوره باقوى ما عطاه ربي
عضت شفايفها بألم جدا قوي ما تكلمت غير انها تحملت متعوده
ابتسمت له ونطقت:تحاول تغدر بس ماتقدر
ضربت راسها براسه ووقفت تدعسعلى رجوله بقوه وتنطق ببرود: جزاكم كل من يحاول يغدر فيني
ابتسم وهو يناضر عيونها ويقول بين نفسه:مستحيل يكون ولد ملامحه كلمته انوثيه
وقف وتقدم منها ونواف الي طلع يبي يخلي عتام لهمام يكسر راسها
شافته يتقدم زياده عن الزوم وتراجعت لورا ، لما لصقت بالجدار
همام حاوطها على الجدار ونطق :ليه خايف ؟
عتام رفعت حاجبها ونطقت وهي تنزل الشماغ وتلفه على يدها بقوه:انا ؟؟ هه من قال لك اني اخاف منك ومن امثالك
دفته عنها ونطقت:لو تقرب مره ثانيه ذبحتك
مشت وهي ترفع طرف ثوبها وتركض وتنط من فوق السور للسكن
ضحك همام ومشى يوقف قدام العماره حقت السكن بس من الجهه الثانيه