درب الهوى مافيه بين كاسب وخسران

١

بسم الله الرحمن الرحيم ؛
-بارت ١
في صباح اليوم بـ الميتم بغرفة البنات
صرخت وهج ونطقت:لولي جيبي الهودي حقييي
عتام بقهر وهي ترجع تتلحف:الله يلعنك انتي وهي اسكتو بكمل نوم
شهقت ليال:وشو الي تكملين نوم قومي قومي سريع سعاد الزفت تبينا
عتام بقهر:ياخي شنبي ذي شيبت راسي ونا باقي بشبابي وجع تقهر
وهج:ترا الحين نادت علينا عشان المشكله الي امس سوينها وعرفت
ليال:اخلصي ونتي امسكي ي وهج الهودي حقك
مدت الهودي لعتام الي اخذته ولبسته
وقفت عتام وتوجهت للحمام ، طلعت بعد مده تمشي لدولاب و تنطق: وين الشورت البني !!
ليال:ي ليل شوفيها طايح
انحنت تأخذه وتمشي للحمام بعد ما اخذت تيشيرت لونه ابيض
لبست وطلعت شافتهم جاهزين وخالصين
ليال ناضر شعر عتام:غريبه ما قصيتي شعرك
عتام ببرود:مطفره اخلصوا بروح اشتري مكينه على حساب المروحه سعاد
ضحكو البنات ومشو يطلعون مع بعض متوجهين لمكتب سعاد
-
عند العيال في السكن
كانو نايمين بهدوء والغرفه بارده كأنها ثلاجة موتى قاطعها الي افزعهم كلهم ما عدى همام الي نومه ثقيل جدا
رماح بحده:قومو قامت قيامتكم فوق ما انكم متأخرين على الطابور الصباحي نايمين
سعود تافف ورجع ينسدح:طيب ٥ دقايق وارجع
رماح اخذ علبة مويه ورماها على سعود :قوم اخلصصص
قام سعود ونواف الي نطق وهو يقلد رماح بهمس:قومو قامت قيامتكم فوق ما انكم متاخرين نايمين وجععع ان شاء الله
رماح بحده:سمعت يا كلب احترم عمك ي الي ما تستحي ولا تنتخي
نواف بحده لف عليه:انا ابيك تسمعني بعدين اشن الي ما تبي تخلينا نطلع من مدرستك المخيسه ذي
رماح:اقطع واخس ٥ دقايق ونتم عندي " رفع صوته بقوه "وانت ي همام قُم جعلك للسنه ' دعوه '
وقف همام ونطق متافف: اوف اوف بقوم
مشى للحمام بعد م طلع سعود
طلع رماح وراح مكتبه ،اما همام الي طلع من الحمام وهو ينشق وجهه وراح اخذ ثوبه الأبيض ولبسه وشمر اكمامه ونطق بسخريه:اعجل انت وهو بيروح الطابور علينا وينفضنا ابوي
ضحك سعود وهو يحط الشماغ على كتفه وينطق:يالله نبدأ اول يوم مع استاذ يوسف " استاذ الرياضيات الكل يكره "
ابتسم بخفه ونطق:اعجل ي نواف
طلع نواف وهو يربط ثوبه على خصره:صلو ي المشافيح م بيطي الطابور علينا
همام:صليت اول ما اذن كنت صاحي
سعود هز راسه ونطق:امش نواف تو توضيت نصلي بالمصلى.
هز راسه نواف وطلعو للمصلى مع بعض
اما همام فـ اخذ جواله الي كان ممنوع بس هربه وحطه بجيبه ومشى يطلع للفصل
-
سابقاً مكتب سعاد ؛
اول ما دخلو البنات وقفت بحده ونطقت:انتو ايش تحسبون نفسكم يوم انكم تسون كا الحين الحين الشرطه جايه
وسعت وهج عيونها ونطقت عتام ببرود:شرطه ؟؟
سعاد:من سمح لكم تهربون من الميتم وغير كذا في شي .....