*ࢪواية ﴿الخاتـمه﴾*
*للڪاتبه ࢪغد نوڕالدين.*
*الحلقه الخامسه 5🤍.*
قِراءه مُمتعه'.
عمُوما نبي نختصر شويا
من الافكار والقصص :-
-
سرور وامال يسهࢪن مع بعضهن
امال : انما الاعين نواطق
سرور منسنده ع فراشها جَذبتها الكلمه: اماال؟.
امال ترتب في فراشها : نعم ي سرور؟
سرور: كيف الاعين نواطق؟
امال قمعزت على فراشها: يعني حتى العيون تتكلم وتحكي
سرور تقعدت: فهميني زي ايش؟
امال: ما نقدرش نفهمك افهمي ان العيون تحكي وانا عن نفسي نقرا في العيون
سرور بفضول : باه
امال: فَ لما نبحت في وحده مرات تشوفي حسد مرات تشوفي اعجاب مرات غيره واموور اخرى واجدات..
سرور: حلووو
وصبت
تفكرر كيف الاعين نواطق؟
-
نزلت لوطا لقت امها تغسل في العوايز
قمعزت على طولة الاكل: ماما اكيد حكالك بابا عن مها وولدها
مجده: اها حكالي الحمدلله اللي يبي يروح امه امرايفه عليه يا انويرتي🥺
سرور هزت اكتافها: باهِ انا نحكيلك ع حوشنا يعني نحنا نقعدو هنا ولا نمشو معاك غادي
مجده مسكت المنشف تمسح في ايديها: شوفي انتن حديرن برادات قهوه كبار فهمتي وحتقعدي تصبي فيهن
سرور: قصدك يعني نقعد هنا نا
مجده: اه يا ماما هذا موقف ينحسب عليكي و برَاحتك تبي امال تقعد معاك تقعد
سرور: لا خليها تعدي تو انديرها انا
مجده: الله يربحك😍
سرور: نقعد هنا وونصب لهم القهوه اللي يجي نمد له والعشاء باهِ؟؟
مجده: لا كل حاجه في حوش مها فهمتي
سرور: اها باهِ معنديش مُشكله
مجده: سلم ابنيتي
سرور: سلم مامتي☺️❤️
~
~
أني اُجاهِد لأكون كغيمهه بيضاء مرت لا ضڕار ولا ضرر🥹☁️.
ـــــــــــــــــــــــــــــــــــــــــ
عند مروه و وعد
وعد: عليك سعاده عندك🙂
مروه: ايش قصدك؟😒
وعد: مروح عد ارحومه الاسبوع هذا
مروه ضحكت: هههههههه من قالك نبي نبحت فيه اصلا عقاب عبد الرحمن يعع
وعد: غريبه ايش غير رآيك؟
مروه: هذاا فقر رَ معندي مانبي فيه
وعد: اهاا
مروه: لما نبي ناخذ ناخذ واحد بفلوسه يعيشني ملكه يحطني فوق راسه ويشلني على كفوف الراحه
وعد: باه غير افطني لقهوتك اللي فيدك را تنكب ونا نقعد نعاني ونمسح
مروه صبت وحطت القهوه ع الطوله: يعع هذي اخر مره نجيك فيها
وطلعت: اوكيي
وعد تضحك: اوككيههه
(هذين وعد و مروه صحبات فاهمات بعضهن« لكن صحبتهن ما تخلاش من الغيࢪه » يَ ترا يقعدن صاحبات ولا يتفرقن؟).
-
..
عند مها جايتها قريباتها يرتبن معاها في الحوش
وينضفن
ومجده ماشيه تبي تساعدها: امال يَ اماال
امال: نعم يا ماما
مجده: تمشي معاي نساعدو امهيوه
امال: كنها
مجده: تنضف في الحوش ودايره برمه وعندها صبايا نمشو ننهضوها بأي حاجه
امال: عدي تو نلحقك
مجده: اوكي
امال عدت لبست عبايتها وطلعت
~ زي ماقلنا ان امال جميله
وملامحها طفوليه جدا💗.
خشت اماال جوا وسلمت على الصبايا وهكي
طلبن منها ادير قهوه
خشت الكُجينه وبَدت في القهوه
لقت صوره عَ الطاوله
شوي مسكتها تبحت فيه يا دوبها تذكر عبد الرحمن
وتمت تفكر اكيد متغيࢪ
( تفكير عادي كاي شخص تمام👍🏻)
وهي ماسكه الصوره تخش مها
مها: فيش اديري
امال ارتبكت وحطت الصوره: لاء شي
مها ابتسمت وجت مسكت الصوره: واخيراا الدنيا مش شايلتني بعد خمس سنين نبي نشوفه
امال: ربي يخليه لك🤍
مها: سلمك ايش صار فِ القهوه؟
امال: لاء اهي قريب اطيب
مها: بنتهاا سمحه😍
امال: وكان تذوقيها عد😂
مها: لاء اكيد سمحه من اموله
امال: سلمك يا اعميمه☺️
طلعت مها وخلت الصبايا يقمعزن ويشربن في القهوه
مع جية امال
وحده من الصبايا اللي مقمعزات: ماشاء الله بنت من😍؟
مها: بنت مجده
لخرا: ماشاء الله
امال مبتسمه وخلاص وعيون الصبايا عليهاا وانحرجت
-- ࢪايڪم🥹🩷؟.
*ڕغد نورالدين.*
أنت تقرأ
الخاتمه
Romanceلا يوجد مثيل لهُ في قلبها لو عاد الزمان ألفُ مره ستختارهُ كان حُبهم مِثالياً ⭐ اتمنى ان نحظى بخاتمه سعيده ❤.
