*ࢪواية ﴿الخاتـمه﴾*
*للڪاتبه ࢪغد نوڕالدين.*
*الحلقه السادسه 6🤍.*
قِراءه مُمتعه'.
~لَم اُعطيها قلبي فَحسب بل أعطيتها جُزءً من نفسِي فَحطمته واعادتهُ اليي✨.
ـــــــــــــــــــــــــــــــــــــــ
اليُوم المنتظࢪ للجَميع🙂.
حَتى انتوا😂😭.
-
فِ يوم جمعهه
وما ادراك مَ يوم الجمعه❤️.
-
مَجده اللي توعا من الصبح باش تصلي وتقرأ قرآنها وبنتها أمال و زوجها كلهم ايديرو هِك الا سرور
مقضيتها نوم
طبعا هي توعا وتصلي فيه لكن متأخࢪ
مَجده كملت كلشي والحوسه
عَ الساعه 12 ونصفِ: حرام عليكي يا سرور ظهر جمعه صبيي
سرور: هيا خمس دقايق
مجده: مافيش خلاص صبييي
سرور: وراسك يا ماماا من السبعه وعيت للصبح وقريت الوِرد و تو نوعا نصليهه الظهر بس توا وراسك ميته نعااس😫💔
مجده: عارفه انا معش نبي نعبى عليك ِ خلي آمال اللي اليوم اتوتي لِ معازيم ارحومه
سرور اول ما سَمعت اسم ارحومه صَبت
مجده: بسم الله تو كيف تذكرتي
سرور مفتحه عيونهاا بالكاملل : من قال نسيت اصلا
مَجده ضحكتت: نعلي وخلاص عدي بحتي لمنظرك😂
طلعت وسكرت الباب
سرور عدت تجري تدوش
وتوضت
ولبست بيجامه سَتان
سودَاء
مما زاد فِ جمالها🥹.
و لفت شعرها القصير كَ ذيل حِصان ونزلت جمه من الجَوانب
و نزلت لوطا صَلت الظهر
وهيي جيعانه اصلا
سرور: خير يا ماما
مجده: خير يا ماما صح النوم
سرور: خلاص طلعنا من موضوع النوم نا جيعانه😟
مجده ضحكت: ماكنتش نبي نقولها بس فِ اندومي في الدولاب
سرور: جدياات😍
مجده: اها بس اخر مره
سرور صبت: باهِ😍🥹
فتحت الدولاب مالقتهاش: وين؟
مجده: قصدك ما زلتي تحكي جد؟
سرور: هااء ايش؟
مجده: توا نا مش حالفه عليها🙂
سرور: بباهِ
مجده: و توا صدقتي ان في اندومي😠؟
سرور: هدي يَ ماماا املتيني ؏َ الفاضي وتوا جا خاطري فيها🙁
مجده: ييا ماما انتِ ڪبيره توا ولازم ادير فطور بروحك
سرور: حاضر يَ ماما لكن بعد المحاضره معش نبي ناكل الا عَ الغداء 😁
أنت تقرأ
الخاتمه
Romanceلا يوجد مثيل لهُ في قلبها لو عاد الزمان ألفُ مره ستختارهُ كان حُبهم مِثالياً ⭐ اتمنى ان نحظى بخاتمه سعيده ❤.
