*رواية ﴿ الخاتمه ﴾.*
*للڪاتبه رغد نور الدين*
*الحلَقه الثامنه عشر 18 🤍.*
قرَاءه ممتعه '.
*أنت َ البـَداية فِ كـلُ شـَيء و مَسـك ُ الخـتـَام ❤🩹 .*
أم وعد خشت عليها
و لقت وعد تبكي
ام وعد : يستر الله ينعلي كنك تبكي 😳
وعد : ما كننيش😭
ام وعد : لا غصبا عنك قولي
وعد : كنت حاطه عيني ع حمد 😭
ام وعد ضحكت : عطك دعوه ما حطيتي عينك الا على هذا😂😂😂
وعد : وكنه يا ماما بشقته و بسيارته ايش نااقصه
ام وعد : يا امي النصيب يصيب وانت وحياتك كان في حاجه تربطك بيه صدقيني ربي يجمعكم يجمعكم لكن لو ربي مش كاتب نصيب حيجيك نصيبك سواء كان سمح ولا شين وان شاء الله يا بنيتي اطيحي في اللي يحطك تاج فوق راسه و تعيشي عنده زي الاميره❤️
وعد اضبطت امها
و اقتنعت بكلام امها
وبسسس سكتت عد🙂.
طبعا نور عدت لحوشهم
وهي متبيش المشيه
لكن بعد اربع ايام عندهم لمه عند عيت جدها
وتبي تشري حاجات وهكِ
جو هلها خذوها .
اما امال صح خايفه على اختها
بس بقد ماهي متريحه
كيف جتها الجُرائه وتحكي كلشي قدام مها
وتو تشكر في ربي انها تكملت وتريحت من عذاب الضمير
عموما خشت رقدت رقدههه وهي متريحه🤍.
اما سرور
خشت ادوشت و جففت شعرها
وخذت دواها
وخشت لـ فرااشها
قرت الوِرد
و عدلت قعدتها وتبي ترقد
شوي تلفونها رن
( 🤍.) يتصل....
طبعا هكِ اسم ارحومه🙂🤣
سرور ترددت ترد ولا م تردش؟.
اخر شي قررت انها ما تردش
حطت التلفون ع الصامت
و التفت في غطاها ورقدت😂❤️.
اما مهاا
تبي تنجلطط
قاعده في فراشها وعقلها يبرم
ياربي نا شن درت
ياربي هذا ايش
ياربي ساعدني
نا السبب في هذا ل
وسمعت صوت الباب
ارحووومه جاااااء 😢
طلعت تجري
ارحومه : خير غريبه كنك واعيه ساعه 2 توا؟
مها : ارحومه نا مش متريحه 💔
ارحومه قعمز ع الصالون في الصاله : كننك😳؟
مها : كيف نبي نفهم ليش ما اكدتلي وقتلي لي بينك وبين سرور
ارحومه : من لي قالك؟
مها : امال
ارحومه ضحك : والله اول شي نا فرحت ونسيت نقولك ان هيا سرور مش اختها ونا ناسي على اختها بكل ثانيا يوم لي وعيت فيه قلتيلي صباح السرور ونحسابك تعزقي في كلام راهو🤣😂
أنت تقرأ
الخاتمه
Romanceلا يوجد مثيل لهُ في قلبها لو عاد الزمان ألفُ مره ستختارهُ كان حُبهم مِثالياً ⭐ اتمنى ان نحظى بخاتمه سعيده ❤.
