*ࢪواية ﴿الخاتـمه﴾*
*للڪاتبه ࢪغد نوڕالدين.*
*الحلقه الثالثه 3🤍.*
قِراءه مُمتعه'.
-
وعد قاعده في الصاله وتبرم
وتضحك
امها: يا بت اسكتي خيرلك
وعد تضحك طبعا بدون سبب
وبعدها وقفت ضحك وقالت: نمشي ل مروه
امها مزعوجه من بنتها بكل: عدي
وعد طلعت تجري وشعرها منكووش و تجري تجري خبطت في ارحومه
ارحومه: بسم الله كنك؟
وعد كبرت عيونها وتمت تبحت فيه زين: حي عليا باهي
ارحومه: عليش حي عليك كنك؟
وعد: تحقني مروه تخنقني
ارحومه: ما زلت نقول عليش؟
وعد: خلاص خلاص
وعد مشت تجري اطق الباب فتحت لها مروه
وعد تحكي وهي داهشه: بحتي من في براا
مروه طلعت ولقت عبد الرحمن شووي صرخت: يااااااي ، ضحكت بصوت عالي ، عبد الرحمن يسحابهن بنات صغار قلب وجهه وعدا وهو مش فاهم البنتين هذين شن يقصدن
بس فجأه وهو ماشي تذكر سرور وابتسم
كيف هي مميزه عن بقية البنات
فجأه سكت
ليش يفكر بسرور؟؟
محاولاته وهو يقنع في نفسه يفكر فيها عشان انهاا بنت صغيره وتحكي في كلام اكبر من عمرهاا
: بس انا من اول ما شافتها حسيت احساس غريب
: عبد الرحمن كنك انتَ هذي بنت صغيره
: مشعارف احساسي متلخبط وغريب ؏َ البنت هذ
هز راسه: لا حول الله شن هالافكار اللي في باليي😤
وعدا متجه لشي مكان يجلس فيه يتعلم له شي حاجهه من الناس الطيبه
طلعت سرور من الحوش ماشيه لِ مروه
سرور برغم عقلها هذا بس كانت تحب مروه وتحس انها تغير في جو معاها وتضحك
وتنبسط لما تلعب معاها
" بس خفايا الايام حيبينن لسرور كلحاجه "
سرور خشت معاهن ف الحاجر وهن جايبات العاب
قالت مروه: هالبرادهه هذ
سرور: من؟
مروه: وعد السامطه😠
وعد ساكته😐
سرور: كنهاا؟
مروه: بدري حقت ارحومه شوي قالت له حي علي من مروه
سرور مشفاهمه شييي : كيفف
وعد: مروه تبي ارحومه را
سرور شهقت: هههيييء عيب يا بنت انت وياهاا صغيرات راكن
وبعدها راهو كبير
مروه: انا قريت كتاب عن الحب وان الحب مالهش دخله بالعمر
سرور: نحنا ما نتابعوش في كتابات نحنا ماشيين على ديننا عيب راا
مروه نفخت: هوووووووف داروحني البنت العاقله هيا
اطلعي براا
سرور انصدمت 😨: كيف
مروه مسكتها من يدها وطلعتها برا الباب: خلاص معش تجينا باهي معش نبو نلعبو معاك😒
سرور: بالناقص
مروع سكرت الباب في وجها
سرور حزينه😔
توا مع من تبي تلعب
هذا حد همها !!
-
-
نزلت من دروج حوشهم وماشيه لحوشها
ارحومه حقها من بعيد
وحس ان يبي يمشيلها
لان اليوم ما شافهاش
سرور شافاته وعيونها دموع
هو متررد يمشي او لاء؟
لكن هي هالمره اللي نادت: عبد الرحمن !!
عبد الرحمن استغرب يتوقع كل شي الا ان هي تناديله
استأذن من اللي كان معاهم
ومشالها يجري
كل ما يقرب يتوهم
تبكي؟؟
لاء
تبكييي؟
معقووله
اخر شي وصل لها
قمعز على ركبه قدامه وحط ايديه على كتوفها وبصوت داهش : سرور كنك؟
سرور تبكي و تشههق: طردتني
عبد الرحمن: مروه؟
سرور هزت راسها اها
عبد الرحمن: عليش؟
سرور سكتت وتذكرت: مشعارفه
عبد الرحمن استغرب: كيف مشعارفه ما طرداتكش الا لِسبب
سرور: عيب ما نقدرش نقول
عبد الرحمن: شنو اللي عيب انا صاحبك قوليلي بس
سرور: وعد قالت مروه تبيك
عبد الرحمن ابتسم لكن مازال تحت تاثير الصدمه🙂: باهي وانت عليش طرداتك؟
سرور تبكي: عشان قلتلها عيب شوي قالت دايره روحك مؤدبه😭
عبد االرحمن: ..............
سرور: خطاني كذاا
-
-
توقعاتڪم شن حيغير الحاظر🥹؟.
انتظروني في الحلقه الجايه حبايب💗.
وعطوني رآيكم و اهم شي التفاعُل🤍.
*الكاتبه ࢪغد نوڕ الدين*.
أنت تقرأ
الخاتمه
عاطفيةلا يوجد مثيل لهُ في قلبها لو عاد الزمان ألفُ مره ستختارهُ كان حُبهم مِثالياً ⭐ اتمنى ان نحظى بخاتمه سعيده ❤.
