جَنِت كَحله بَناضِرك وانتَ بجَيت
وطيِحتَني وانتَ خْديِنك رمُل
مبدئيًا كل الي بالرواية وحي خيال الكاتب والاحداث الي راح تنذكر مجرد خيال
خل انطيكم تمهيد عن ثورة تشرين
هي تظاهرات اندلعت في 1 تشرين الأول سنة 2019، في بغداد وبقية محافظات جنوب العراق احتجاجاً على تردّي الأوضاع الاقتصادية للبلد، وانتشار الفساد المالي الإداري والبطالة.
خرجت من منزلها تستر نفسها بعباية سوداء تماثل لون خصل شعرها الهاربه من الحجاب ولون عيناها الكحلية
حيث تتمشى بمنطقه ذات بيوت رثه قديمة منطقه تفوح منها رائحة الطبخ وضجيج الاطفال في الشارع يلعبون بالكُره دخلت لاحدى البيوت
"عيني ام حـنين"
نادت صاحبة المكان
"هلا حبيبتي هالة شلونچ؟"
تقربت لاحتضانها وتبادلت معها الحديث المعسول بالسُم
دخلت الى صالة المنزل الشابة الجميلة ذات القوام الممشوق خلعت عبائتها وجلست على الارض
"حياتي ولله اشتاقيتلچ بس تدرين الحياة والشغُل مدا الحگ امر بيچ"
تكلمت بلهجتها البغدادية وترمق المراءة بنضرات مُحبه
"يا عيني اني الاشوق، صدك شصار على السلفة الي اتفقتي وياي بيها"
تأملت بِـ رد يريح بالها من التفكير خوفًا ان المعنيه سرقت مالها وهربت
"لحد هسه مصارت السالفة لاتخافين انتظري فد شهرين بعد تدرين باحوال البلد ومظاهرات نص الطرق مسدده والمكاتب"
اخذت تتلو كذباتها على مسامع المراءة البريئة
"يلا لعد شنسوي امرنا لـ الله"
جائت بنت المرأة وقدمت استكان الچاي والماء
"حبيبتي ولله زحمه عليمن قابل غريبة عليكم انـي؟"
ابتسمت المراءة
"لا عيوني انتِ من عدنه وبينه شلون غريبة، بس مايصير تطلعين من عدنه بدون ضيافة"
ابتسمت بمجاملة واخذت تشرب الچاي العراقي
"عاشت ايدچ كُلش طيب"
مدحت الفتاة الصغيرة
"زين اگُلچ ام حنين، هم اجو خطابة لحنين؟"
اردفت بينما تأكل البسكويت
"اي خطبها ابن خالتها بس مانطيتها جان عمرها 15 وهسه خطبها ابن جيرانة، همزين ذكرتيني اريد اسألج عليه ابن ام محمد"
اخذت هالة ترمقها نظرات مجهولة المعنى
"مادري بس الي اعرفه الولد ملعب، قبل فترة لگفوا يبوگ من محل مال ذهب"
انصدمت المراءة من الكلام الي سمعته
"يـاا عَزة وعدها عين امه جاية تخطب بنتي"
هالة ضحكت
"تريد تستر فضايح ابنها"
قامت من جلوسها على الارض وهمت بلبس عبائتها
"يلا عيوني ام حنين اني اترخص"
تقربت من المقصودة لاحتضانها وتوديعها
"دگُعدي شوية شدعوة مصارلچ نص ساعة"
ابتسمت لحنين قبل خروجها من الصالة
أنت تقرأ
مَحكمةِ الفَسادْ
Cerita Pendekرواية باللهجة العراقية -يعزف على گلبـي -القانون ليس ملجئ لكل مظلوم بل هوه اصل الفساد. "يليق بها القانون فـ جمالها وحدهُ قضية" لاتمد للواقع بِـ صلة We are the law and the law is above" " everyone else قصيرة "تعيـش الدولـة العراقيـة"
