| سميتها روح |

بارت ٥

ظافر تضايق من امه :
يمه وش جاك انسعرتي من
سمعتي باسمها قالت لك وهج
شفنا حنين وحنين هي اللي وقفتنا
وتسولف معنا ماهي روح .
ترفه معصبه بالحيل :
ظافر حذرتك قلت خلك
بعيد عنها بس شكلك اعمت
عليك قلبك وعقلك انا امك
واعرف وش اللي يصير داخلك
تضايقت ام سليمان :
انتي وش تقولين هااه
ليه ظافر يحبها...
هينا وهج تضايقت بالحيل
ام سليمان حست ببنتها
ومسكت لسانها
ترفه :
لاا ممايحبها . قالتها بثقل
عشان مشاعر وهج
ظافر مضايق من هاالحال
وماغير منزل راسه ولا هو
عارف وش يسوي او يقول
وهج طاحن دموعها اربع
وصارت تمسك يد امها
وهي ترجف :
ظافر يحبني اناا من هاذي
روح اللي طلعت بحياتنا فجأه
ترفه قربت ل وهج :
ايه ياروحي ظافر مايحب
غيرك
ظافر عصب :
لا تدخلون روح بشيي
وما بيني وبينها شيي
تطمنوووا و انتي يا وهج تطمني .
هنا قام بكل ضيقه و راح لداره .
ام سليمان وهي متوتره :
حنا رايحين و اتمنى ولدك
ما يكسر قلب بنتي المريض
وهج شهقت وصارت تبكي بحراره
ترفه خافت على وهج :
ياروحي وهج سمعتي وش يقول
ما بينه وبين ذيك البنت شيي
هاه سمعتيه بلسانه الحين يقول
وهج تحاول تلقط انفاسها هدت
شوي
ترفه :
وعد الأسبوع الجاي الكل بيدري
بخطوبتكم تطمني .

منيف جالس فوق سريره الا
يرن جواله قمز ويوم شاف الرساله
انصدم :
الدوام !! يبون اداوم بكراا !! .

ترفه بنقاش حاد و حار مع ولدها :
روح روح خلاص مليت من طلعت
بحياتنا وحياتنا بمشاكل وتوتر
ظافر بهدوء اعصاب :
يمه وش جاك قلت ما صار بيني
وبينها شيي !!
ترفه :
ادري انها مأخذه عقلك وقلبك
انا حاسه بهشي لا تنسى وهج
حراام عليك قلبها مريض بتموت
لو عرفت انك ما تحبها وتحب هذيك
البنت ...
ظافر تضايق :
يمه انتي وش تقولين
ترفه عصبت :
هذيك بدال ما تحقد عليها وتكرهها
لانها بنت قاتل ابوك لا عشقتها
عشق خيالي
تافف ظافر :
يمه قصة ابوي غير والبنت غير
وتراها صغيره وقتها هي وش ذنبها ؟؟
ترفه انقهرت :
هي روح هلال روح هلال اذ تبي
ابوك يرتاح بقبره اذبح روحه
ظافر انقهر من كلام امه المجنون :
اذبحها انتي صاحيه ولا وش !!
ترفه :
والله انا اللي بذبحها ونهيها وعد مني
اذ هي غرتك بوجهها الحلو وكم كلمه
طالعه منها انا ماراح اسكت
ظافر عصب :
يمه البنت مالها ذنب بابوها خلااص
ترفه انقهرت وتصارخ زي المجنونه :
هاذي كل الذنب انت عشقتها
وش ذنب وهج علمني
ظافر فقد اعصابه من امه :
ايه احبها اعشقها روح
ترفه انهارت اعصابها بعد كلامه
وطاحت على الأرض
ظافر مسك امه :
يمه انا طحت بحبها بدون مادري
قلبي وماني قادر اتحكم به اما وهج
وعد مني ماني ظارها بشيي لو كلفني
عمري .

ترفه قامت تبكي بحراره :
انا وش سويت بعمري يوم
ولدي الوحيد يحب البنت اللي
ابوها ذبح ابوه ووهج وش مصير
قلبها
ظافر :
يمه انا ماحبيت وهج ماحسيت
اني احبها هذاك الحب اللي يقولون
عنه
وهج احسها قريبه لقلبي مره و اخاف
عليها اكثر من نفسي بس ماحبيتها
مثل هذاك الحب
احسها اختي الصغيره او صديقتي
هذي هي حقيقة مشاعري ل وهج
ترفه انهارت اعصابها :
انت تدري وش تقول الحين !!
البنت ميته على انها تتزوجك اليوم
قبل بكره و انت تقول زي اختي
ظافر فقدت عقلك ولا وش !!
ظافر ضاق صدره :
يمه حب روح بقلبي بكتمه طول
عمري وماراح تدري به وهج وانا
بتزوج وهج بس منشان قلبها المريض
تكفين يمه لا احد يدري ب روح اللي
خذت روحي من اول لحظه طاحت
بها عيوني
بتحمل كل شيي عشان وهج
قامت ترفه وكزت ظافر من كتفه :
روح خربت حياتنا وابوها اللي دمرنا
من زمان زمان خذا كل سعادتنا
بس اوعدك يا ظافر بتشوفها تتعذب
قدام عيونك وبذبحها بيديني الثنتين
مالقيت الا هاذي عشان تحبهاا
ظافر عصب من امه :
لو اذيتي روح بشيي وعد مني
ماراح تشوفين وجهي ونا ماني
ذابح وهج بتزوجها
بضيقه كبيره وسط صدره :
بتزوجها بتزوجها وعد مني
وسالفة روح انسيها انسيها
راح ظافر لداره وقبال صقره
حط عيونه بعيون الصقر
وطاحت دمعه حاره من عين ظافر