| سميتها روح |

بارت ٨

روح :
انا ما يهمني شيي بس وعد
ببري ابوي هاذي هي شغلتي
الوحيده
حنين :
روح انتي غبيه ولا ايش !!
ترا هالقضيه مر عليها ١٧سنه
يومنك بالمهد محد بيعطيك
وجه
الا يدق جوال روح انصدمت
روح بالمتصل رفعت الخط
على طول :
راجح !! اقصد استاذ راجح !
ظافر مستغرب :
راجح !! ومين هذا ؟
روح تسمع لكلام راجح بتدقيق
وكانت مصدومه بالحيل من كلامه
الا صاحت بفزه :
صدق !! ماني مصدقه
راجح :
حياكي باي وقت للمكتب وقتها
بوريك التفاصيل
روح بفزه وتوتر :
طططيب الله يعافيك !
حنين مصدومه وظافر زيها
وش اللي خلى روح متحمسه
لهالدرجه
روح بفرحه مالها وصف وتوتر :
مااني مصدقه مااني مصدقه
ظافر :
وش صاير !! ومين راجح هذا ؟
حنين بصدمه :
لا تقولين انهم قدروا يوصلون
للقضيه اللي من سنين
ظافر وهو ماهو فاهم شيي :
قضية وش ؟!
روح بفرحه :
يقول فيه شيي عنها
اذ جيت بيعلمني بتفاصيل
حنين بفرحه :
صدق !!
روح :
ايوالله ماني مصدقه
قاطعهم ظافر بصوت طويل :
انتم وش تتكلمون عنه ؟؟
قضية وش ؟!
حنين :
قضية مذبح راشد
انصدم ظافر :
وش تقولين !!
روح :
ايه يا ظافر بفتح هالقضيه
وبريء ابوي
ظافر وهو مصدوم :
تبرين ابوك ؟!
روح :
ايه متاكده ابوي ماقتل ابوك
ظافر :
بس ..
روح :
الكل مصدق وحتى انت
بس انا مستحيل اصدق
انا اعرف ابوي مستحيل يسوي كذا .

ظافر بتردد :
بس ياروح هالقضيه مر عليها سنين
روح بعناد :
لو قرن ، المظلوم لازم تطلع براءته
بيوم من الأيام
ظافر :
الموضوع حساس وخطير
روح :
ظافر انا ماراح اتراجع بفتح القضيه
وبرييء ابوي
حنين :
لا تحاول هي عنيده وماتسمع الكلام
انا قلت لها الكلام هذا قبلك
روح :
بروح للمحامي راجح بشوف
وش عنده
حنين :
يلا انا معك
ظافر :
حتى انا
بكذا توجهوا روح وحنين وظافر
للمكتب
روح تركض وفتحت باب المكتب
بانتظارها راجح
دخلوا من وراها ظافر و حنين
ظافر من شاف راجح حس بالغيره :
هذا المحامي !!
حنين :
ايه
روح وهي مندفعه لـ راجح :
وش لقيت بشرني
راجح بهدوءه:
زين ياختي روح اجلسي بالأول
روح مسكت طرف عباتها من العنق
ولمتهم وجلست وهي متلهفه بالمره :
بشرني لقيت شيي !
راجح :
اسمعي لقيت اسم القضية وتفاصيلها
بالكامل تم ذكر ان هلال اطلق النار
على راشد وصور لـ هلال وهو رافع
المسدس صوب راشد هم ماذكروا
امور عميقه بس رؤوس اقلام
وهالقضيه وبنسبة ٩٠بالميه هي
حقيقيه فعلاً هلال قتل راشد .
ظافر شح بوجهه بضيق
روح توترت وحست بالرعب :
لا لا !!
حنين تضايقت
راجح :
هالقضيه تم طويها من قبل ١٧سنه
وكل شيي موثق ، سعيك وراء تبرية
ابوك بدون اي فايده لانه واضح
وضوح الشمس انه هو الجاني .

روح قامت بعصبيه وتوتر :
لا لا ابوي ماقتل احد انا متاكده !!
راجح قام :
طيب اهدي بالأول ممكن نلقى
ثغره بالأمر توصلنا لدليل يعطينا
امل شوي ان ابوك ماسواها
حنين تقدمت لـ روح :
روح خلاص افهمي القضيه
طووها قبل ١٧سنه تكفين
مافيه امل
روح عصبت على حنين :
قصدك ابوي مجرم !!
حنين :
ماقصد كذا ، بس كل شيي
موثق لو ابوك ماقتل احد
ماراح تقدرين تبرينه
روح تقدمت لـ راجح :
تقول فيه امل صح
راجح :
ايه كل شيي له امل
بس نحتاج اغراض او وصيه
او مخطوطه او اي شيي
يوصلنا لطرف خيط ممكن
نتمسك فيه
روح فكرت شوي وتذكرت :
بيتنا القديم بديره !
فيه اغراض ابوي كلهم
سكتت وتذكرت ان ابوها
عطاء البيت لـ ابو فلاح
عصبت :
اذ ما ابو فلاح خذاهم
لازم اروح لديره
حنين مصدومه :
تروحين لديره خبله ولا وش !!
راجح :
زين دوري ببيتكم القديم ،
اذكر قلتي ان راشد المقتول
كان صديق ل هلال صح
روح بضيقه :
اييه
راجح :
تعرفون قرايب المجني عليه
راشد
روح وحنين بكل ضيقه التفتوا
لـ ظافر الواقف عند الباب
راجح ناظر لـ ظافر :
هذا ! ومن يكون ؟
ظافر تقدم لـ راجح :
انا ولد راشد الوحيد
انصدم راجح :
ولده !
ناظر لـ روح وهو مصدوم :
انت وياها !!
تبون كلكم تفتحون هالقضيه
ظافر :
ايه، بتاكد من اللي قتل ابوي راشد
راجح :
اها زين تمام ، وانت لازم تساعدنا
اذ عندكم اغراض لأبوك نفس ماقلت
للبنت دور شيي ممكن نلقى طرف خيط
ظافر :
زين .