| سميتها روح |

| سميتها روح | البارت ١٥

طاح ظافر برصاصه من يد امه ..
صاحت روح وهي تلمه بيد يدينها
وخايفه عليه لابعد حدود وتبكي وتقول :
ظافر لا ماهوو الحين باقي ماتصافينا
ليه بسرعه استسلمت باقي ماخذيت
حقي منك ظاافر لاا ..
هنا صاحت ببكيه قوويه :
لاااا ..
جاء صالح ومسك اخوه وضمه لحضنه
وهوو يصيح ويمسح الدم من على وجهه
ويصيح بألم بقلبه :
لاا اخووي لاا ماراح تموت ماراح تموت ..
هنا كانت صدمة روح قالت :
اخوووك ..
صالح يصيح على اخووه بخوف شديد
قام شاله فوق ظهره وقام يركض به
وهو يصيح :
لا ظاافر لاا ماراح تمووت يااخوي
ياعزووتي لا ...
صالح حط ظافر بسياره وراء و روح ركضت معه
و ركبت وراحوا للمستشفى .
ترفه اللي بمحلها وبصدمة الموقف
تناظر ليدها اللي رمت بها ولدها
وهي مصدومه وماهي مصدقه اللي
سوووتها تجمدت اطرافها وصارت
ترتعد بخووف شال قلبها وتقول
بعقدة لسانها :
لا ماهوو ظافر اللي صد الطلق
ماطلقت على ولدي ..
قامت تكرر هالكلمات وهي بعز صدمتها
ماستوعبت اللي سوته .
خذوا ظافر بالسرير المتحرك
وعلطول ودوه غرفة العمليات،
صاحت روح بإنهيار تام وطاحت
على الأرض ، مسكها صالح اللي ماكان
اقل انهيار منها، بكت روح بحراره
وهي تحط عيونها بصالح وتقول :
ظافر راح يكون بخير صح ؟
صالح وهو ماسك حزنه لآخر شيي
طاحت الدمعة من عينه ويقول :
ايييه بيصير بخيير .
روح انهارت بحضن صالح
حضنته وهي تبكي بحراره ،
صالح يحاول يهدي منها .

روح قامت تصيح بحضن صالح، صالح
يهدي منها بس كانت منهاره لآخر شيي ..
دق جوال صالح رفع الخط وهو خايف
ومضايق على اخووه قال :
عمي مبارك اخوي اخوي اطلق عليه النار ..
هنا كانت صدمة روح تناظر لصالح وتقول :
تعرف مبارك ؟؟ من انت يا صالح وليه
تقول لظافر اخوي وليه ما قلت لنا انك
تعرف مبارك ؟
صالح سكر الخط وقام وقال :
اسرار كثيره اندفنت والسبب ترفه ..
قامت روح وبعيونها مليون سؤال
لصالح سألته سؤال واحد مباشر :
من انـت ؟
تنهد صالح قبل يجاووب عليها وبعدين
صار جدي وماهرب بأنظاره عنها وعنده
استعداد يجاوب حط عيونه بعيونها وقال :
انا صالح بن راشد بن ظافر .
هنا كانت صدمت روح وقالت :
امك ترفه ؟
قال صالح :
مهي بأمي انا اخوو ظافر من الأبوو
امي هي افنان بنت زيد الزوجة
الأولى لراشد ظافر .
انصدمت روح وقالت :
ظافر يسمونه دايم الوحيد
ليه ماطلعت له وقلت له
انا اخووك .
عصب صالح نفس مايعصب ظافر
نفس ردة الفعل ونظرة العين قال :
شلوون بطلع هااه ترفه وعبيد
هددوني ب امي وعبيد هددني
ب امي و اخوي ظافر ..
هم يسكتوني بالقوه،
امي رضت بسكوت
بس عشان ماتضرر ولا اخوي
يتضرر، ترفه وعبيد تعدوا
مرحلة الإنسانيه .
قالت روح بحيره :
و مبارك من هذا ..
قال صالح :
مبارك يعرفه هلال زين هو عمي
اخوو ابوي راشد الاصغر ترفه سجنته
وحطت به التهايم ، بس عشان
تسكته .
روح بصدمه :
وش هالاشياء المدفونه اللي توها
تطلع كان ابوي و راشد ضحيه لها
قال صالح :
بااقي ..
انصدمت روح وقالت :
وش باقي اكثر من اللي صار
صالح معصب حط عيونه
بعيون روح :
عبيد اشد و امر من اخته
جالس يلعبي زي اللعبه
كم مره كان يحرضني على
اخوي ويبيني اخلص عليه ..
انصدمت روح صدمه قوويه .