| سميتها روح |

| سميتها روح | البارت ١٢

ظافر دخل على امه معصب بالحيل
دخل وصار يكسر كل شي حوله الطياس
والطاولات ويشيل الكنب ويرميه
الا جته امه وهي مصدومه قالت :
وش جاك يا ظافر انجنيت
ظافر بجنون جاء لأمه وقال :
يمه انتي وش سويتي مايوصل
كرهك لها انك ترسلين لها سرابيت
تراها مراه زيك ما تحسين شوي !
امه توترت وقالت :
وش صار سووا ..
صاح ظافر بوجهها وقال بعصبيه :
لو ذبحتيها اشوى ولا انك تدخلين
بأمور رخيصه ليه يا يمه !!
ترفه عصبت وقالت :
هذا قليل بحقهاا
ظافر عصب وجاء لأمه يهددها :
والله ثمن والله تعيدين اللي سويتيه
ماراح يصير خيير
ترفه خافت وبعصبيه :
انا امك جالس تهددني عشانها
انا بسوي اللي ماقدرت تسويه
يالخبل
ظافر تنهد وعصب قال :
يمه انا نبهتك والله مايصير
خير ولا لي قعده عندك بأخذ
اغراضي وروح بس من اللي
كتب الرساله انتي ماتعرفين
تقرين من اللي جالس يساعدك
هااه !!
توترت ترفه لانها ماتبيه يعرف
عن وهج شييي والا ..
صاح ظافر بوجه امه :
يمه انتي تجاوزتي كل الحدود
و راح اعرف اللي وراك
ظافر راح لداره وصار يشيل
اغراضه وشاف صقره ونظاره
اللي تقل ماش بهن حزنً خفي
قرب ظافر بهدوء لصقر وقال :
مغصوب اروح وخليك انتبه
لنفسك
جت ام ظافر معصبه قالت :
مانت برايح من هينا تفهم !
الصقر يناظر لترفه وقام يهز
بجنحانه بقوه
ظافر تقدم لأمه وقال :
انتي تخوفينه و انا رايح مالي
قعده هينا
خذا ظافر اغراضه و راح
صاحت ترفه بس بدون فايده
طلع وهو متجاهلها ثمن تنهدت
وقالت :
زي كبر رأس ابوك يا ظافر
مجنون زيه بس هين اوريك
ياولدي .

بكراا الصبح ما يمدي ترفه تفتح
عيونها الاا صوت يطق الباب بقوه
علطول البست جلالها وطلعت
و انصدمت من شافت اللي
على الباب ..
كانوا رجال الشرطة ويتقدمهم منيف
منيف معصب بالمره جاء عندها
وبعيون حاره لها قال :
انتي تجاوزتي كل حدودك مع روح
شلون ترسلين عليها رجال طاشين
ولا وتبينهم يطشونها من فوق العماره !
ترفه توترت وخافت و رجعت خطوتين
وراء لحد ما صكت الباب
منيف قرب لها وهو معصب قال :
الحين بتروحين لشرطه وبتخسخسين
بالسجن هناك
ترفه خافت وقامت تصيح وتقول :
لا ماتقدرون تسجنوني انا ماسويت شيي
منيف قال :
والله ثمن والله لو مانك مراه كان وريتك
شغلك وقتها
صاح منيف :
خذوها يلااا ، ماتحمل اشوف وجهها
خذوها الشرطة وهي تصيح وتنادي
على ولدها ظافر تقول :
يمه يا ظافر خذوني لسجن تعال
طلعني
صاحت بقوه :
طلعني ياولدي ظافر ..

ظافر سكن بورشة صالح :
كان منسدح فوق السرير
بغرفة الاستراحه فوق الا جاءه
صالح وقال :
ظافر !
قام ظافر وشاف صالح متوتر قال :
وش وش بلاك
صالح قال :
منيف سجن امك على اللي سوته
بروح ..
عدل جلسته ظافر انصدم شوي
وثمن هدا وقال :
الله يلوم اللي يلومه امي بغت تنهي
البنت بيوم وليله من حقه .
صالح مستغرب :
مانت مدافع عن امك يمكن تخيس
بالسجن
ظافر :
انا معصب من امي بالحيل خلها يمكن
تعقل اللي سوتوه ب روح قاهرني وطاعني .