Dinner Partyသို့ရောက်သောအခါ သူသည်နွေး၏လက်အားသူ့လက်မောင်း၌ချိတ် စေကာ လမ်းယှဉ်လျှောက်ခိုင်းတော့သည်။
Dinner မှာ မိတ်ဖက်ကုမ္ပဏီပိုင်ရှင်၏ ကိုယ်ပိုင်အိမ်ခြံဝင်း၌ ပြုလုပ်ချင်းဖြစ်သည်။ မြက်ခင်းစိမ်းပေါ်၌ ဘူဖေး ဟင်းလျာများ အဖျော်ယမကာများတည်ခင်းဧည့်ခံကာ Music Bandတစ်ခုဖြင့်သီဆိုဖျော်ဖြေထားလေသည်။ Dinner Party တစ်ခါမှ မတက်ဖူးသောနွေးသည် လူများဆူညံနေသော နေရာဖြစ်နေသည်က တစ်ကြောင်း၊ ဝတ်နေကျမဟုတ်သော အိကျီလည်ဟိုက် ကျောပေါ် ပေါင်လည်အထိ ခွဲထားသော ဝတ်စုံကြောင့်လည်းအနေရခက်လှသည်။ သူ၏ မိတ်ဆက်ပေးသော မိတ်ဆွေသူငယ်ချင်းများနှင့်လည်း အလိုက်သင့်ကာ ပြုံးပြရယ်ပြ သူ့လက်အားမချွတ်စတမ်းချိတ်ထားရသောကြောင့်လည်းစိတ်များကျဉ်းကျပ်လာတာ ရေပင်ငတ်လာရသည်။ တစ်နေရာအရောက်၌ အမျိုးသမီးတစ်ယောက်နှင့်မိတ်ဆက်ပေးလာသည်။ ထိူအမျိုးသမီး၏ နာမည်မှာ ရွှေရောင်လွှမ်းဖြစ်ပြီး ချောမောလှကာ ဝတ်ထားသည်မှာလည်းခေတ်ရှေ့ပြေးကာ အလွန်တရာခေတ်ဆန်လှပလေသည်။ ထိုအမျိုးသမီးမှာ သူနှင့်ကျောင်းနေဖက်လည်းဖြစ်သည့်အပြင် Dinner Party၏ အိမ်ရှင်လည်းဖြစ်သဖြင့် နွေးမှအလိုက်တသင့်ပြန်ပြုံးပြသော်လည်း ထိုအမျိုးသမီးမှာ နွေးအားမတူမတန်သလိုကြည့်လိုက်ကာ သူ့ကိုပင်ဖက်လှဲတကင်းနှုတ်ဆက်ရင်းအရေးပေးနေသဖြင့် သူ့လက်မောင်းအားဖြုတ်ချလိုက်ကာ သူ့အားပြောလ်ိုက်လေသည်။
" အဟင်း....ညီမလေး ရွှေနဲ့ မောင်တို့ အေးဆေးစကားပြောနှင့်ကြပါဦး မမ ဗိုက်ဆာလို့ဘူဖေးပြင်ထားလည်းသွားရည်ကျစရာမို့လို့ စားလိုက်ဦးမယ်နော်"
"မောင်နဲ့ အတူသွားစားတာပေါ့နွေးရဲ့ မောင်ကနွေးနဲ့မိတ်ဆက်ပေးစရာလူတွေရှိသေးတယ်လေနွေးရဲ့"
"အမလေး တည်တံ့ရယ် နင်ကိုကပိုလွန်းပါတယ်ဟယ် မိန်းမချောချောရထားတော့ လူတိူင်းစေ့ကိုကြွားချင်တာပေါ့လေ ဟုတ်လား"
"အမှန်ပဲပြောပါတော့ ရွှေ ကိုယ်တို့မင်္ဂလာဆောင်တုန်းက ပွဲအကြီးအကျယ်မလုပ်လိုက်ရပဲ အကျဉ်းချုံးပြီးလုပ်လိုက်ရတော့ ကိုယ့်အမျိုးသမီးနဲ့ကိုယ့်ကိူလူတွေတွဲမမြင်ကြမှာ စိူးတာလည်းပါတာပေါ့လေ ဟားဟား"
