ဆန်ကုန်မြေလေးနှင့်လမ်းခွဲပြီးနောက် မာရှယ်ရဲ့ဇနီးလေးဖြစ်လာတယ်

အခန်း ၃ - ဒါဆို ခင်ဗျားအတွက်မချန်ထားတော့ဘူး

ရှီနျဉ် စိတ်ထဲကြိတ်၍ မငိုကြွေးဘဲမနေနိုင်။ဖီးနစ်ဆိုတဲ့အမျိုးက အရမ်းကြည့်ကောင်းတဲ့အမျိုး။ဒါကို လူတွေက အခုချိန်ကစပြီး ဖီးနစ်ကို ကိန္နရီလို့ပဲ ထင်ကြတော့မယ်။

ထို့နောက် မူလကိုယ်ပိုင်ရှင်မျက်နှာကိုကြည့်ဖို့ သတိရသွားသည်။မှန်ရှေ့မှာရပ်ရင်း သူဝင်ထားသောခန္ဓာကိုယ်၏ပုံပန်းသွင်ပြင်ကိုကြည့်ကာ သဘောအကျကြီးကျနေတော့သည်။အဆုံးထိ ဘာမှမဖြစ်ခဲ့ဖူးဆိုရင် ဒီပုံစံလေးက သူနဲ့အတူ အမြဲတမ်းရှိသွားတော့မှာ။

သူဝင်ထားတဲ့ကိုယ်ရဲ့ရုပ်ရည်ကို ဖော်ပြရမယ်ဆိုရင်....မူလပိုင်ရှင်ရဲ့မျက်နှာက မျက်နှာလေးကလည်း သေးသေးလေးနဲ့ သိမ်သိမ်မွေ့‌မွေ့လေး နဲ့ လှတပတရှိတယ်။မျက်လုံးလေးတွေကလည်း ရွှန်းစိုတောက်ပလို့ ၊ နှုတ်ခမ်းလေးတွေကလည်း နှင်းဆီပွင့်ဖတ်လို နီနီရဲရဲလေးနဲ့ ဘယ်အစိတ်အပိုင်းမဆို ကြည့်မကောင်းတဲ့နေရာ ဘယ်နေရာမှမရှိဘူး။

အင်း...သူက ရက်စက်တဲ့နဂါးတစ်ကောင်မဟုတ်လို့ သူဝင်ထားတဲ့ကိုယ်က ဒီလောက်လှပသွားတာ။ဘာပဲဖြစ်ဖြစ် သူက နတ်မျိုးနွယ်ဝင်ဖီးနစ်ဖွားတစ်ကောင်လေ။နတ်ဖီးနစ်တွေက ဒီလိုလှပတဲ့ရုပ်ရည်မျိုးနဲ့ပဲ ထိုက်တန်တယ်။

ခြုံပြောရရင်တော့ သူ့မျက်နှာကို အတော်လေး ကျေနပ်တယ်။ဆံပင်ကိုသာ အရောက်တောက်တောက်လေးဆိုးလိုက်ရင် ကျေနပ်တာ‌ထက်တောင် ပိုသွားဦးမယ်။

အိပ်ယာပေါ် ခဏလှဲလျောင်းပြီးနောက် ဗိုက်ဆာလာသည်။ ညစာစားရန်အတွက် အိမ်အောက်ထပ်ဆင်းလာတော့ လက်ထောက်ရွှယ်က အခုထက်ထိ မပြန်သေးဘဲ ဧည့်ခန်းထဲက မာရှယ်လုဘေးကဆိုဖာပေါ်မှာထိုင်ကာ တစ်စုံတစ်ယောက်နှင့် optical brain သုံးပြီး ဆက်သွယ်နေတာကို မြင်လိုက်ရတယ်။

"မင်း သေချာစုံစမ်းခဲ့ရဲ့လား ? အမှားလုပ်မိသေးလား ? နာမည်နဲ့ လိင်အမျိုးအစားတူတာကလွဲရင် သူက မင်းပေးထားတဲ့အချက်တွေထဲကနဲ့ လုံးဝကိုမတူဘူး..အဲ့အစား ဆန့်ကျင်ဘက်ပဲ။သူ့အသွင်အပြင်က အထက်တန်းစားမဟုတ်တာ သေချာလား။လူလတ်တန်းစားတွေထက်တောင် ပိုပြီးကြည့်ကောင်းသေးတယ်"