مانسيتك بادعاء والدنيا جفاف كيف انساك والدنيا مطر

بارت 22

عند بشرى فوق الي كانت تبي تبكي لوحدها مامعها احد بس التفت لي البنات الي دخلو وصارو يسئلوها
بشرى:بنات انا مافيني شي ترا عادي كل الي صار حبيت واحد طلع ورع وكذاب
نوف:كذابه شوفي الغصه في عينتس انا اشووف
غلا:وهي صادقة لاتتغطين على نفستس
بشرى:لا تخافون مافيني ولو ابي ابكي بجكم
راحو البنات وتركوها لوحدها هنا
عند نواف كان يدق على بشرى بس ماكان في منها اي رد طلعو عبد العزيز وعلي وشافو جالس راحو له
عبد العزيز :ولد انت هاذي اخلاق واحد خاطب
نواف عاينه:وش بتكون اخلاقي يعني  ارقص واغني
علي:نواف انت ماتبغى بنت عمك
نواف:لا ما ابغاها ولو تموت الحين ارتاح
عبد العزيز:اذا ماتبغاها ليش خذيتها
نواف وهو يتذكر كلام ابوه
نرجع لزمان وراا شوي:
(ابو نواف :اسه سالم عمره 53 رجل اعمال واهم شي عنده منصبه ويحب عايلته كثير بس مو اكثر من منصبه
سالم:اسمعني يانواف هي كلمه مالها ثاني بتزوج ميعاد يعني بتزوجها
نواف:بس انا ما ابغاها انت شلون تفهم قلي بعدين ذي حياتي انا انا الي بعيشها
سالم :وترد علي بعد لو تخبط راسك في كل جدران البيت اليوم بتم الخطبه
راحو وخطبوها بس نواف ماشافها ولا كلمها حتى شوفة رفض ومن بعد خطبته مسك خط المهمات كان ياخد مهمة ورا مهمة مهمة ورا مهمة لحد ماترقى ماصار ملازم اول ومن بعدها نقلو لي الرياض)
نرجع لي الحاضر:
نواف وهاذا كل الي صار
علي:يعني ابوك سوا كل ذا عشان المنصب بس
نواف وهو يدخن:ايواا
عبد العزيز:يعني فيك تطلقها بعد ماياخدابوك منصبه
نواف:اي فيني بس عمي هذا مكار بيسوي اي شي عشان ابوي ماياخذ المنصب وابوي يحسب اذا خذيت ميعاد عمي راح يعطي المنصب
علي:طيب اذا تم الزواج وش بيصير
عبد العزيز:وطلعت البنت محترمة وتحبك
نواف:مين المحترم ذي اخلاقها اوسخ من اخلاق المدني وسعود
ضحكو العيال
سكت علي ورجع قال:بس في مرا قلت فيها انك تحب من ذي البنت نعرفها
نواف تنهد وهو يذكر بشرى
عبد العزيز:صح وش بيصير فيها
نواف:تعرفون المشكله امنها تحسبني خنتها بس انا ماخنتها انا ماقلتلها بس لاني فكرت قلت لو قلت لها يمكن تتركني بس ماصار شي هد تركتني
علي:طيب مين ذي
نواف بلع ريقة وناضرهم:بشرى
التفتو الاثنين له  ورجع قال:بس ما  اكلمها  من وراكم البنات يعرفون  
عبد العزير:ورع انت صادق
علي:بشرى ماتوقعت في حياتي
نواف:اي هي ما ادري كيف حبيتها
عبد العزيز:بس لا تخاف بشرى راح تتخطاك بسرعة انا اعرف المهم انت شوف حياتك الحين بعيد عنها
كملو سوالف لحد ماكل حد راح غرفته
عند علي وغزل
دخل علي وشافها طالعة من الحمام وقال
علي:حي الله حبيبتي وروحي وحياتي
ضمته غزل وقالت:الله يحيك يروحي
علي ناضر بطنها الصغير وقال: البطن السعنونه هاذي وش مسويه
عزل: لانذكرني والله موريتني الويل
ضحك علي وباس خدها وراح يدخل الحمام وقال:اجر يا عمري اجر
عند دانه وعبد العزيز كان متسطلع ودانه تطوي الملابس
عبد العزيز:دانه انتي ليش ماقلتي لي نواف وبشرى يحبو بعض
دانه :وش اقول لك انت ولد اختك يحب بنت اخوك
عبد العزيز:عادي وش فيها
دانه كملت شغلها وجت تصطحت جنبه : عزوز تكفى انا ما اقدر اتحمل الي فيني كافيني وانت الحين عرفت وش وبتسوي بترجعهم لبعض
عبد العزيز:لا
دانه :اجل نام
ضحك على تصريفتها له ونامو هم الاثنين
بعد اسبوع كان شاق بنسبه لي البنات وخلصو امتحانات
كانو الجد قاضي والجده وغزال وبناتهم وعيالهم مجتمعين عدا بشرى الي صارت انطوائيه
قالت منال:نواف ابوك يقول بعد بكرا الملكة
نواف الي كان ماسك جواله ونزله والتفت لهها وقال:مين الي حدد ان شاء الله
منال:ابوك
نواف :هو يبغى كذا
هزت راسها منال وكمل نواف:اذا يبي اعرس بسرعة هاذي اجل قولي له شروطي اذا باخد المقفيه ميعاد بتجلس معي هناا في بيت الجدي وفي الغرفه الي انا فيها ماشي
نواف كان هو والمدني في نفس الغرفه وقال المدني
المدني:وانا وين بتنقعني ها اقول خذ حرمتك وروح استئجر شقة
نواف عاينه:وليه استئجر شقه لناس ماتسوى
منال:نواف وش قله الادب هاذي هذول عمامك
نواف بكل برود:عمام بناتك ماهم عمامي
ميهاف الي عرفت امها زعلت ماتبي ولدها يتكلم على اعمامه بذا اشكل:نواف خلاص اسكت
كمل نواف :وثاني شي الزواج والملكة بيكون في نفس اليوم تجي من جده نملك وتجي معي هنا لاسفر ولابطيخ تمام
عبد العزيز:انت انهبلت واخد شوال طحين انت تراها بني ادم
وكمل نواف:وسلامتك وصلي ذا الحكي لزوجك لو ماعجبه يروح يدور لها عن عريس ثاني
منال:بس ابوك مارح يوافق
نواف:اجل بدور لها عريس
الجد قاضي:ولد وراك صلف كذا
سكت نواف وكملت منال:انت تسوي كذا عشان تكيد ابوك
نواف الي انفعل وماعرف كيف :خلاص ابوك ابوك ليش هو مافكر ان انا واده ليشش خلاني اخد بنت ما احبها ولا ادانيها وهو زوجني عشان مصلحتة بس عشان مصلحتة المهم هو بس مين الربحان في ذي العبه زوجك الي في حياته ماحسسني اني ولده خلاص يكفي ويوم جا الوقت الي لازم افرح في جا هو وخرب كل شي حتى البنت الي احبها كرهتني بسببه وبسبب اخوه الغبي كل شي بنيته هدمتو في دقيقة
قام علي ومسكة بيطلعة برا سحب يده نواف وكمل:وقولي له بمجرد ماياخد المنصب التافه حقه بطلقها وبرجعها ل اهلها
سحبه علي وطلعو ما الكل مصدوم من انفغال نواف المفجأ سكتو وطلعو البنات وبقت مناهل ومنار وزينب يهدو منال
عند الشباب برا
عبد العزيز:انت انهبلت
نواف :لا انا قلت الي في قلبي
علي:وش الي في قلبك انك تعلي صوتك على امك وش ذنبها
سلطان:وهو صادق امك في ذي العبه الي انت قلت عليها مثلك عبد مأمور
نواف:خلاص سكرو على الموضوع انا بروح المركز بدور على مهمة قريبه وبروح
علي(اخو غزل):وزواجك
نواف وهو يمشي:شوفو عريس غيري
راح نواف وراحت منال كلمت ابو نواف سالم وقالت له على كل شي سوا نواف ووافق ابو نواف على شروط نواف
عند البنات الي حكو كل شي صار تحت لبشرى
بشرى بفرح:احلفي ان قال بس ابوه ياخد المصب بيطلقها
غلا:اي والله
بشرى الي راح تفكيرها ان بعد مايتزوجها بيطلقها وبياخدها شالت الفكره من رايها وناضرت في البنات وصارت تسمعهم وش يقولون
جت منال وقالت لي البنات ان الزواج بعد بكره
قامو البنات وراحو يجهزون اغراضهم وكلهم مبسوطين نامو وصحو وكل شي تمام
نجي ليوم الزواج
وكانو البنات متفقين يلبسون فساتين بالوان هاديه وبسيطه
راحو لي المشغل والكل تجهزو ورجعو لي البيت عشان يلبسو
عند غزل الي تزيتنت بفستان بيبي بلوو وكان ماسك على الجسم وبارز بطنها الصغير لبست وراحت تلبس عقدها الالماس التفت لي الباب الي دخل منه علي وانبهر من جمالها وقال: وش ذا الجمال وش ذا الجمال بس
خجلت وقالت:طالعة حلوه
علي وهو ذايب :وش حلوه انتي اناي قمر ياعمري
غزل ابتسمت بخجل وكمل علي وهو يقرب منها :احنى ليلتنا طويله
غزل عاينته بصدمة :ابعد تاخرنا
ضحك علي وراح يلبس ثوبه
عند دانه الي تزينت بفستان بيبي بنك مايك مع الصدر ومنفوش من تحت
كانت تحاولت تسكر السحاب وماقدرت كانت تعافر معه لحد ماحست يد عبد العزيز :يعني كل الزين ذا لي
دانه بخجل:متى دخلت ماحسيت عليك
عبدالعزيز الي وقف قدامها وقال:يعني انا وش مسوي عشان ربي يعذبني كذا
دانه:تشوف جمالي عذاب
عبد العزيز بهيامان: لا والله اانتي تامري وتدللي وبس
دانه بغرور:ايوا بتدلل
عبد العزيز بحب :
يامدلله لبه الدلع في دلالتس
يحلى حليله بين كل الحليلين
تلحقني طيوفتس ووراها ضلالتس
ياطول قصيره طول الله بالتس
يا اجمل خلايق رب موسى وياسين
اطلبتس في حاجة صغيره وصالتس
الي هو ابغاه الحين
دانه ضربته على صدره وقالت :وش وصالي بيفوتنا العرس
عبد العزيز :وش عرسه وهو المعرس مايبغى يتزوج
دانه:واحنى وش علينا فيه هو مايبغى احنى نبغى
ضحك عبد العزيز وقال :ابشري
اخدت عبايتها ونزلت
انا البنات تزينو ب
بشرى:تزينت بلون حبري في نفسه خفيفة مع لولو حول الصدر
غلا:تزينت بلون بنفسجي هادي ماسك على الجسم
نوف:تزينت بلون احمر هادي
اميره:تزينت بفستان اخضر منفوش
شيخة :تزينت بلون بيج ماسك من حول الصدر ومنفوش من تحت
فطوم:تزينت بفستان وردي وعلى اطراف الفستان ورد ابيض
ميهاف:تزينت بلون الاسود وكان ريش من جيهة الاكمام
مهاف:تزينت بلون من درجات الاورنج وكان فيتان قصير بدون اكمام