واقفه قدام المرايه تناظر وجهها وجسمها بأنكسار لانها مو بس تدمرت نفسياً حتى جسدها اندمر
فكت الدولاب وشافت سواد عقب ماكان دولابها مليء بالاوان
اخذت لها تيشيرت اسود وبنطلون واسع اسود
لبست كاب كحلي المفروض يكسر اللون شوي
اخذت شنطتها ونزلت على صوت اختها الكبيره الي منتشر بالشقه الصغيره
..: لاراا بسرعه تأخرت
لارا: لاتصارخي مو ناقصه تكفين
رغد: طيب يلا قدامي تأخرنا
طلعوا من شقتهم الصغيره وركبوا السياره رايحين للدوام
لارا: لا تناظري كذا اعرف ايش في بالك
رغد: والله مايطاوعني قلبي اشوف اختي الصغيرة كذا وانا ساكته، تغيرتي كثيير معد صرت اعرفك ايش صار لك
لارا: تدرين غيرت رائيي ماني رايحه معك
رغد: خلاص بسكت والله
لارا: سوقي وانتي ساكته
وصلتها رغد للجامعه
نزلت لارا بعد ما قالت لاختها انها بترجع مع صاحبتها علماً انها ماعندها اي اصحاب بذي الجامعه
دخلت لارا وتفرجت بالمكان الي كان اكبر احلامها توصل له
بس لما وصلت له كانت متدمره لدرجه انها نست احلامها
دخلت اول كلاس وكانت متأخره
وماحصلت مكان الا قدام وهي ماتحب تكون تحت الانظار ابداً
تنهدت بحسره وراحت جلست بالأمام
خمس دقايق تمر وبعدها تدخل الدكتورة الجديدة
تدخل بطولها الملفت ولبسها الفخم وتلفت انتباة جميع الموجودين بدون ماتنطق حرف
شعرها قصير ومدرج ورافعته بنظارتها الطبيه بطريقه مغريه
نجد: اهلاً بالجميع
انا دكتورتكم الجديدة حابة اعرف عن نفسي
اسمي نجد
مارح اكون متساهله مع احد درجاتك بتكون اجتهادك الشخصي فقط يذي المادة
المادة صعبه الي خايفه على معدلها تشد حيلها او تحذف المادة لاني مارح اساعد احد
اول محاضره بتكون تعارف فقط مارح ناخذ شيء اليوم
وتبداء تسأل عن اسماء البنات
لارا بينها وبين نفسها: حلو يعني اول محاضرة بالسنه ذي وجاتني دكتوره زي الزفت واضح سنة خير
فجأه يطلعها من هواجيسها صوت ثقيل وحاد
ترفع راسها تحصل الدكتوره قدامها
نجد: خلوني اعطيكم مثال عن الشخصيات الي اكره وجودها بمحاضرتي
اي وحده بتجيني متهاوشه مع حبيبها وبتجلس تهوجس لي بنص المحاضره زي بعض الناس ( تقصد لارا ) بتنطرد
لارا وقفت تناظرها ببرود لانها ماعندها حيل تناقش
نجد: ايش أسمك
لارا: لارا
نجد: تفضلي يا لارا اطلعي برا عشان تكوني مثال لغيرك والمرات الجايه تصحصحي لما اناديك
