نجد قامت الصبح ولقت ساره راحت لشغلها من بدري
قامت اخذت شور وطلعت وهي لافه المنشفه على خصرها ومو لابسه اي توب
وتسوي فطورها وقهوتها
فجأه يجيها اتصال من رقم مألوف ومحبب لها بطريقه هي باقي تجهلها
ردت
نجد بصوت مغري وثقيل: الو
لارا: صباح الخير دكتوره نجد
نجد تحرك قهوتها وهيمانه بصوت لارا
نجد: صباح النور ايش بغيتي
لارا: اذا ماعليك أمر ممكن تمريني، قلتي لي امس ان بيتي قريب منك اذا مافيه تعب عليك وصليني معك للجامعه
نجد استرجعت ذكريات امس ونرفزها تناقض لارا، بس بالنهايه قلبها حن وقررت توافق
نجد: مو مشكله نص ساعه وانا عندك
لارا: طيب انتظرك
وقفلت
نجد محاضراتها كانت متأخره بس قررت تمشي بدري عشان لارا فقط
قامت نجد ولبست بنطلون اسود رسمي وتوب بيج وفوقه جاكيت خفيف اسود
ولبست نظارتها الطبيه الي تزيد شكلها اغراء
تعطرت واخذت قهوتها ومشت عشان تاخذ لارا
لارا كانت بغرفتها تتأمل الشارع من الشباك وسرحانه بحياتها وكيف هي ضايعه
صحاها من هواجيسها صوت جوالها يتصل وكانت نجد تقولها تنزل
نزلت لارا وركبت مع نجد
كانو ساكتين طول الطريق وقررت نجد تكسر الصمت هذا وتسأل
نجد: كيف صحتك اليوم؟
لارا: كويسه
جلست ساكته شوي بعدين قالت بصوت مليء بالندم
لارا: انا اسفه على تصرفاتي امس، بس ما احب احد يقرب مني
نجد كانت معصبه من الي صار لكن صوت لارا خلها تنسى عصبيتها
نجد: لا تتأسفي، المفروض انا أعتذر ماكان المفروض اقرب منك بدون أذنك
لارا ابتسمت برضا ان نجد تفهمت طبعها
نجد جلست طول الطريق تفكر في اعتذارها، من متى نجد تكون متساهله زي كذا
دائماً نجد شديده خاصه مع طالباتها
مين انتي يا لارا؟ كان هذا السوأل يتردد بعقل نجد حتى وصلوا للجامعه وكل وحده راحت بطريقها
نجد ماكان عندها محاضرات الصبح فا قعدت بمكتبها تخلص اشغالها
ولارا راحت محاضراتها
