وصلوا رغد ولارا للبحر
رغد كانت تبي كوفي مطل على البحر لكن لارا ماتبي تشوف ناس وخلتهم يجلسون بعيد
فرشت رغد فرشه وجلست هي ولارا
رغد: لارا اسفه ادري طلعتك تغيرين جو لكن..
قاطعتها لارا
لارا: لا
رغد: بس يالولو ماينفع
لارا بصراخ: قلت لك لاا
رغد: اذا ماتبين تتكلمين معي بكلم لك دكتوره نفسيه
ايش رائيك
لارا: مابغا
رغد: عشاني يالارا اذا في قلبك معزه لي وافقي
لارا بعد فتره صمت طويله
لارا: طيب
رغد طارت من الفرحه وهجمت على لارا بوسات
لارا: وجع خلاص
رغد: بما انك وافقتي راح اجيب لك سياره احلامك، دوج
لارا ابتسمت وهي تتذكر ايام مراهقتها كيف كانت تحلم وتعد الايام حتى تدخل الجامعه ويصير عندها سيارة احلامها وكان اكبر احلامها تصير محاميه لكن انهدم شغفها بكل شيء حتى الحياه
لارا: شكراً رغد بس مو لازم دوج، أي سياره تقدري عليها مايهم النوع
رغد: ولا يهمك يالولو
جلسوا فتره بالبحر بعدين لارا طلبت من رغد ترجعها البيت لان عندها دوام بكره من بدري
عند نجد
خرجت من شقتها بدون وجهه معينه بس كانت تبي تغير جو
كلمت صحبتها ساره واتفقوا يتقابلون بكوفي قريب
دخلت نجد الكوفي هادي والاضاءة هادية زي ماهي تفضلها
وجلست تنتظر صحبتها
دخلت ساره و أول ماشافت نجد توسعت ابتسامتها
راحت لنجد ونجد قامت تسلم لكن ساره فاجئتها بحضن
ساره صديقه نجد من الطفوله وطاقتها ايجابيه بشكل كبير دايم نجد تستمد طاقتها من ساره
ساره: وحشتيييني
نجد: دوامي اشغلني
ساره: داييم ذا عذرك، ايه ايش جديدك ايش صار وماصار
نجد: مافي جديد، بس بسألك بما أنك خبيره بالعلاقات
ساره: اووه في وحده جديده على الساحه
نجد دايم تدخل بعلاقات عابرة لكن ولا مره حست بالحب الحقيقي ولا دخلت بعلاقه جدية
نجد: اسكتي ساره خليني اكمل، بكون صريحه معك
انا انجذبت لوحدة بس مشاعري معها مو زي الباقي احسها اقوى
ساره: ممكن ماتكون مشاعر عابرة زي الباقي، ممكن انتي تحبينها
نجد: مستحييل ما اعرف البنت
