ထနှောင်းနိုးတော့ကိုကိုကြီးကိုမတွေ့ရတော့ပေ။ဘယ်အချိန်ထဲကနိုးနေလဲမသိ။ထနှောင်းလဲအချိန်မဆွဲပဲမျက်နှာအမြန်သစ်ကာရေပါတစ်ခါထဲချိုးပြစ်လိုက်သည်။လူတစ်ကိုယ်လုံးကပ်စေးနေတာလဲပါသည်။ရေချိုးအဝတ်အစားလဲ ပြီးတာနဲ့အောက်ထပ်ကိုဆင်းခဲ့တော့ထမင်းစားပွဲမှာလက်ဖက်ရည်သောက်ရင်းသတင်းစာဖတ်နေတဲ့ကိုကိုကြီးကိုတွေ့လိုက်ရတာကြောင့်ထနှောင်းလဲအနားကိုသွားပြီးထိုင်ခုံမှာထိုင်လိုက်သည်
''ကိုကိုကြီး..အစောကြီး နိုးနေတာလား''
''သြော်..နှောင်းငယ်နိုးပြီလား''
''ဟုတ်ကဲ့..''
''ဒါဖြင့်မျိုးကိုသမီးလေးမွေးနေ့ကိုသွားကြတာပေါ့''
''ဟုတ်သားပဲထနှောင်းမေ့နေတာဘာမှလဲမဝယ်ပေးရဘူး''
''ဒီတိုင်းမုန့်ဖိုးပဲပေးလိုက်ပေါ့ကွာ..ရတာပဲ''
ပြောပြီးတာနဲ့ကားရှိရာကိုသွားတဲ့ကိုကိုကြီးကြောင့်ထနှောင်းလဲယူစရာရှိတာကိုယူပြီးနောက်ကအမြန်လိုက်ရသည်။လူကတကယ်တော့နေလို့မကောင်းပေ။တစ်ကိုယ်လုံးကိုကိုင်ရိုက်ထားသလိုမျိုးနာကျင်နေတာဖြစ်သည်။ညကလိုမျိုးမနေတာကြာတော့အခုပြန်နေတဲ့အခါကျထနှောင်းအတွက်ပထမဆုံးတစ်ခေါက်လိူဖြစ်နေသည်။
ကိုကိုကြီးကလဲညက ကိစ္စနဲ့ပက်သက်ပြီးတစ်ခွန်းတစ်လေမှပြောမလာပေ။အဲ့တာ ကြောင့်ထနှောင်းလဲ ငြိမ်နေလိုက်သည်။
ကိုမျိုးကိုအိမ်ကိုရောက်တာနဲ့အိမ်ကသားငယ်လေးကလာကြိုသည်။သားကြီးနဲ့သားလတ်ကတော့အဖော်တွေနဲ့ဆော့နေကြသည်။
''မေမေ့..''
''ရှင့်မေ့သားငယ်လေး...''
ထနှောင်းဆီပြေးလာတဲ့သားငယ်ကိုပွေ့ချီကာပါးဖောင်းဖောင်းကိုဖက်နမ်းလ်ိုက်သည်။
''ထနှောင်းလေးရောက်လာပြီလား..အမကမျှော်နေတာ''
''ဟုတ်တယ် မမ..ထနှောင်းအိပ်ရာထနောက်ကျသွားလို့..တောင်းပန်ပါတယ် ''
''အိုပြောရမဲ့လူတွေလားကွယ်..မလိုပါဘူး..လာ''
ကိုမျိုးကိုမိန်းမခေါ်သွားတဲ့နေရာမှာပဲထနှောင်းတို့ထိုင်လိုက်သည်။
YOU ARE READING
မေတ္တာရိပ်မြုံ(Completed)
Romanceဘာမှတော့ရေးမပေးတော့ပါဘူး ဖတ်ပေးပါဦးစီး ေမျာပေးကြပါဦးလို့ပဲပြောချင်ပါတယ်