_السلام عليكم
_رواية" ثأر الكوبرا"
_مَرْيَـمُ حَيْدَر.
«لا تنسوا التعليق بين الفقرات والضغط على النجمة»
"ــــــــــــــــــــــــــــــــــــــــــــــــــــ"
"الـخطـأ الـأول".
"ما الخطأ الأول إلا كالغبار الخفيّ، يتسلل إلى أدقّ تفاصيل الوجود. في لحظةٍ لا تحتملُ التراجع، وقع فعلٌ استحالَ تداركه. كنتُ شاهداً على سقوطِ البدايات، حيث ارتكبتُ أولَ زلةٍ فتحت أبواب العدم.".
ـــــــــــــــــــ
ــــــــــــــــ
ــــــــــــ
هديل::-
دُخلت للقاعة بخطوات مغرورة وواثقة، فستانها الاسود، من خصرها جاية زخرفه باللون الذهبي، و عريض من عند الاكتاف، والاكمام باللون الذهبي اللي يعتبر شي جديد بعالم الازياء،عروس تلبس اسود بعرسها!!!،الفستان چاي فيت على جسدها المثالي، ابتسامة مغرورة مرسومة على وجهها، مكياجها الخفيف بارز ملامحها، صوت كعبها الرنان هز القاعة هز هاي اول مره اشوفها، بس للصراحة نفس متگول الاشاعات، بنت جذابة انيقة مغرورة.
ازحت نظراتي عنها و انتبهت ل أسر اللي چان ما معبرها ولا حتى مهتم يشوفها مثل ما هي ما معبرته أسر واقف بنهاية الممر اللي دا تمشي عليه سهام يحاوط الممر اضواء ساطعة بس الممر اللي دا تمشي بيه و المنصة اللي واقف بيها أسر بيهن ضوه باقي القاعة كلها ظلام القاعة مثاليه مثلهم واخيرا وصلت سهام للمنصه حيث ينتظرها أسر.
رفع أسر انظاره اتجاه ولمعت عيونه من جمالها
يا بختك يا اخي تزوجت ايه من الجمال اخذ ايدها وقبلها بهيمان "مزيف"
بهذيچ اللحظة شكيت انوا هذا الزواج عن حب مو اجباري لانهم متقنين دور الحبيبين درجة اولى هو بالاصح لازم يتقنون الدور لان اهم شي عدهم هو ال"سمعة". اذا تحطمت سمعتهم وتوضح هذا الزواج اجباري وكل واحد يكره الثاني كره العمى
راح يخسرون اموال هائلة و سمعة ومصالح
بختصار راح تكون فضيحة "بيت الفاروق"
خرجت من دوامة افكاري بعد ما اعلنوا بدا الرقص السلو رحت وگفت يم بنات عماني وعماتي باوعت لغدير اكثر بنت عم قريبه الي واحبها عيونها مورمة من البچي وللصراحه حقها صعب تشوف الشخص اللي تحبه متزوج ودا يحتفل وفرحان ولو الفرح چذب مجرد خدعة يوهمون بيها الأعلان
أنت تقرأ
"ثأر الكوبرا".
Mistério / Suspense"ثأر الكوبرا "... هل تجرؤ على الدخول؟ بقلم:_مَرْيَـمُ حَيْدَر.
