الـ حكيم
الـكاتبة عُـمق الـ احمد
الـبارت الثاني
«««»»»
- اخذت ايد ملاك ومشيت من كدامه ايع شكد حُقنة وغثيث اني واحجي ومعصبه حجت ملاك:
- شبيج مروة تتعاركين ويَّ الرجال؟
- تسكتين لا ابلش بيج انتِ الثانيه كُل هذا من ورا تأخيرج!
- هايشبيج انهديتي عليَّ ؟ ريلاكس بَـيبي
- امشي ملاك لعبانة روحي
- امشي امشي
مشينا لراس الشارع ولكينا الخط مال ملاك ينتظرها والخط مالتي بعده ماجاي راحت ملاك ركبت بالخط وانطلقوا واني ضليت واكفه انتظر الخط مالتي
بين مااني واكفه وروحي طافره وواصله عندي لهنا مشوا كدامي ثلاث شباب ينكطون وسخ يباعولي بنظرات وسخه ، حجه واحد منهم وهو يغمز:
-ها ياحلو شعندك واكف هنا وحدك
حجه الثاني:
-لك شوفها مبينه تنتظر الخط مالتها ، تعاي احنا نوصلج للبيت سالمة
حجاها وضحك وغمز للبعران الي ويا
حجه الثالث وهو ينفي فكرة البعير الثاني:
-ولكم دمشونا خلي نوصل راح نتأخر ع الشغل وانوب يرزلنا المدير
-دروح روح منو يعوف هـ العسل ويروح للبصل روح وحدك احنا نبقى هنا
ماتحملت وعطت بوجهم
-وجع ينطح وجع برأسكم تولون من يمي لا اطلع حركتي بيكم مابقالي بس العفطية عليَّ هو هذا هم حظي!!
